الموضوع: مساعدة في تشطيب الحمام و المطبخ

ناوية ان شاء الله أوضب الحمام و المطبخ في شقتي بس مش عارفة أبتديمنين.
هتبتدى انك تجيبى سباك يكتبلك طلبات السباكه وعلى الاقل تجيبى البانيو علشان السباك يركبه ويحدد مكان الصرف بتاعه
مواسير السباكه احسن حاجه باننجر (PR) وبعدها الشريف


طبعاً تعملى حسابك فى مخرج فلتر علشان متنسيهوش
بالنسبه للبانيوهات احسن نوع هوه اليورافيت وده اسعاره حسب المقاس بس من 400 لـ 700 جنيه
وده بيتركب دفن عن طريق ان السباك بيبنى طوب حواليه ويكبس تحتيه مونه وده بيتركب على الارض قبل تركيب السيراميك
ويقولك مقاس البانيو كام بناءاً على الحيطه اللى هيتحط البانيو فيها ( عرض البانيو 70 سم )
النوع التانى بس غالى هوه اللى بيبقى جاى بشاسيه وبيركب بفيشر فى الحيطه وليه جنب فيبر زى اكصدام العربيه كده وده
وده سعره بالجنب بيبقى فى حدود 2000 جنيه
ميزته انه لو حصل تسريب او اى حاجه بيتفك وتشوفى الصرف بتاعة وده بيركب بعد السيراميك
بالنسبه لعزل الحمام هتعزلى على البارد برضه هتجيبى بيتومين PR

أتفرج على أطقم حمام حلوة و أسعار كويسة فين؟؟ و برضه بالنسبةللسيراميك ايه أحسن الانواع و أحسن أماكن للشراء؟؟ ونفس الشئ بالنسبةللخلاطات.
بالنسبه لاماكن بيع السيرايك والاطقم الحمامات والأحواض عندك ترسا بالهرم والفجاله بوسط البلد وسوق المهاجرين بعين شمس
وفيه ناس بتفضل السلاب والمحجوب على اساس انك لو احتاجتى سيراميك تانى بيديكى من نفس الباتش
بس مش عارف هل اسعاره اغلى من الاسواق اللى قولتلك عليها ولا لاء


الحمام عندي 2x2 متر ,بالنسبة للمساحة دي تأسيس السباكة ومصنعياتها تبقى في حدود كام؟؟ و بالنسبة لتركيب السيراميك مصنعيته كام؟؟ و هل أنابأجيب واحد يشيل المقاولة كلها سباكة و صحي و سيراميك و لا كل حاجةلوحدها؟؟
مصنعية السباكه لتركيب البانيو وعمل تأسيس السباكه لحمام ومطبخ بتركيب الأجهزه والتشطيب النهائى من 1500 جنيه حتى 2000 جنيه حسب السباك لو اغلى من كده يبقى بلاش تشتغلى معاه
بالنسبة للمطبخ ايه انواع الأحواض و اسعارها و أماكن الشرا؟ والسيراميك و المصنعيات؟؟
بالنسبه لحوض المطبخ ممكن تجيبى حوض كامل فرانك سامى علشان لونه ميغيرش بعض كدهوده بيبقى حوض بعين ورخامه او عينين ورخامه
وفيه ناس بتفضل انها تجيب عين فقط او عينين بدون رخامه ويعملوا جرانيت ويتفتح على اد العين او العينين
برضه احواض المطبخ بتجبيها من الاسواق اللى فوق او من السلاب او المحجوب
يا ريت كمان بالتقريب لو تقولولي الشغل ده ياخدوقت قد ايه لأننا ساكنين في الشقة.
متنسيش تجيبى بتاع السيراميك يحسبلك هتجيبى كام متر وكام وزره
المفروض الشغل ده لو ساكنين وهتكسرى السيراميك القديم ياخد 10 ايام بالكتير لو الصنايعيه موجودين
لو انتى فى دور عالى يفضل تأجرى ونش يطلع ليكى الرمل والاسمنت والسيراميك

لو حد يقدر يقول لي خطوة خطوة كدةبالراحة عشان مش عارفة أبدأ منين أو أسأل فين. بالمناسبة أنا ساكنة في الهرم فلوأماكن الشرا قريبة يبقى أحسن
1- إحضار سباك واحضار بتاع السيراميك كل واحد يحدد ليكى طلبات السباكه
2- تنزلى تشترى على الاقل حاجات السباكه والسباك شغال تنزلى تجيبى السيراميك والرمل والأسمنت
3- لو قريبه من الهرم عندك ترسا والمحجوب
4- بالنسبه لحاجات السباكه ممكن تشتريها من الديب فى اخر العروبه عند المريوطيه
وبالتوفيق

ارشحلك السلاب
بيقبقى عامل خصومات على بعض انواع السيراميك.. شوفى كدا الاول يمكن حاجة تعجبك .. السعر فى الخصم بيقبى اقل من بره

المشاركة الأصلية كتبت بواسطة amr011111

ناوية ان شاء الله أوضب الحمام و المطبخ في شقتي بس مش عارفة أبتديمنين.
هتبتدى انك تجيبى سباك يكتبلك طلبات السباكه وعلى الاقل تجيبى البانيو علشان السباك يركبه ويحدد مكان الصرف بتاعه
مواسير السباكه احسن حاجه باننجر (pr) وبعدها الشريف


طبعاً تعملى حسابك فى مخرج فلتر علشان متنسيهوش
بالنسبه للبانيوهات احسن نوع هوه اليورافيت وده اسعاره حسب المقاس بس من 400 لـ 700 جنيه
وده بيتركب دفن عن طريق ان السباك بيبنى طوب حواليه ويكبس تحتيه مونه وده بيتركب على الارض قبل تركيب السيراميك
ويقولك مقاس البانيو كام بناءاً على الحيطه اللى هيتحط البانيو فيها ( عرض البانيو 70 سم )
النوع التانى بس غالى هوه اللى بيبقى جاى بشاسيه وبيركب بفيشر فى الحيطه وليه جنب فيبر زى اكصدام العربيه كده وده
وده سعره بالجنب بيبقى فى حدود 2000 جنيه
ميزته انه لو حصل تسريب او اى حاجه بيتفك وتشوفى الصرف بتاعة وده بيركب بعد السيراميك
بالنسبه لعزل الحمام هتعزلى على البارد برضه هتجيبى بيتومين pr

أتفرج على أطقم حمام حلوة و أسعار كويسة فين؟؟ و برضه بالنسبةللسيراميك ايه أحسن الانواع و أحسن أماكن للشراء؟؟ ونفس الشئ بالنسبةللخلاطات.
بالنسبه لاماكن بيع السيرايك والاطقم الحمامات والأحواض عندك ترسا بالهرم والفجاله بوسط البلد وسوق المهاجرين بعين شمس
وفيه ناس بتفضل السلاب والمحجوب على اساس انك لو احتاجتى سيراميك تانى بيديكى من نفس الباتش
بس مش عارف هل اسعاره اغلى من الاسواق اللى قولتلك عليها ولا لاء


الحمام عندي 2x2 متر ,بالنسبة للمساحة دي تأسيس السباكة ومصنعياتها تبقى في حدود كام؟؟ و بالنسبة لتركيب السيراميك مصنعيته كام؟؟ و هل أنابأجيب واحد يشيل المقاولة كلها سباكة و صحي و سيراميك و لا كل حاجةلوحدها؟؟
مصنعية السباكه لتركيب البانيو وعمل تأسيس السباكه لحمام ومطبخ بتركيب الأجهزه والتشطيب النهائى من 1500 جنيه حتى 2000 جنيه حسب السباك لو اغلى من كده يبقى بلاش تشتغلى معاه
بالنسبة للمطبخ ايه انواع الأحواض و اسعارها و أماكن الشرا؟ والسيراميك و المصنعيات؟؟
بالنسبه لحوض المطبخ ممكن تجيبى حوض كامل فرانك سامى علشان لونه ميغيرش بعض كدهوده بيبقى حوض بعين ورخامه او عينين ورخامه
وفيه ناس بتفضل انها تجيب عين فقط او عينين بدون رخامه ويعملوا جرانيت ويتفتح على اد العين او العينين
برضه احواض المطبخ بتجبيها من الاسواق اللى فوق او من السلاب او المحجوب
يا ريت كمان بالتقريب لو تقولولي الشغل ده ياخدوقت قد ايه لأننا ساكنين في الشقة.
متنسيش تجيبى بتاع السيراميك يحسبلك هتجيبى كام متر وكام وزره
المفروض الشغل ده لو ساكنين وهتكسرى السيراميك القديم ياخد 10 ايام بالكتير لو الصنايعيه موجودين
لو انتى فى دور عالى يفضل تأجرى ونش يطلع ليكى الرمل والاسمنت والسيراميك

لو حد يقدر يقول لي خطوة خطوة كدةبالراحة عشان مش عارفة أبدأ منين أو أسأل فين. بالمناسبة أنا ساكنة في الهرم فلوأماكن الشرا قريبة يبقى أحسن
1- إحضار سباك واحضار بتاع السيراميك كل واحد يحدد ليكى طلبات السباكه
2- تنزلى تشترى على الاقل حاجات السباكه والسباك شغال تنزلى تجيبى السيراميك والرمل والأسمنت
3- لو قريبه من الهرم عندك ترسا والمحجوب
4- بالنسبه لحاجات السباكه ممكن تشتريها من الديب فى اخر العروبه عند المريوطيه
وبالتوفيق

جزاكم الله خيرا بصراحة ما أروع هذا الوصف ، الله يكرمك ويبارك لك.

بالتوفيق ، وربنا ييسر لحضرتك .
متابع .