الموضوع: تويوتا

المشاركة الأصلية كتبت بواسطة aboyahea

السلام عليكم تويوتا افانزا بتتساب اسبوع في الجراج وبعد كده مش بتدور لازم تاخد وصله خارجيه ولما تدور بتشتغل كويس جدا لاما كده لاما بنشيل وصله الكهرباء من البطاريه الاسبوع ولما نرجع بنوصل بتشتغل كويس نرجوا الافاده

اخى الفاضل

كان عندى نفس العيب

العيب مش البطاريه

العيب ده خلانى ألف حوالين نفسى و أغير ٣ بطاريات خلال سنه

نفس المشكلة أسافر لمده أسبوع البطاريه تنام ( مكنش بيحصل قبل كده ) و أدورها بوصوله تشتغل عادى طول ما بدور كل يوم مفيش مشكله

أشيل كابل البطاريه و أسافر ١٠ ايام و ارجع اركب الكابل أدور و اطلع كان البطاريه جديده

فصلت جهاز الا نزار قولت هوه الى بيسحب و فصلت حجات كتير لحد ما اشتريت افو و قيست الأمبير المسحوب من البطاريه و العربية مطفيه - لقيت فيه ٢٠٠ مل إمبير مسحوبين - شلت فيوز الكاسيت العمومى اختفى السحب - فهمت ليه البطاريه بتنام

عندك أكيد شىء بيسحب كهربا خفيه بيسموها parasitic battery drainage

قبل ما تغير البطاريه نتيجه هذا العيب اكتشف الاول عندك ايه ركبته بعد شراء العربية بيسحب كهربا و العربية واقفه

فى فديوهات كتير على اليوتيوب شرحا اذاى تكتشف التسريب باستخدام افو ميتر