منتظر اراءكم بالله عليكم
عرض للطباعة
منتظر اراءكم بالله عليكم
بالعكس ال cvt بيعمل العكس .. الcvt بيرمى كل حاجة على الموتور و بيزود الrbm و بيزود العزم بكل الطرق ...يعنى لو على مطلع الrbm هيعلى لوحده فمش هتحس ان الموتور ضعيف ..و كذلك لو مشغل التكييف او مالى العربية على الاخر ..عشان كدة الناس بتقول مش بتحس باى ضعف فى الموتور ..و فى نفس الوقت لو العربية مرتاحة الrbm بيقل جدا 1.5 او 2 بالكتير
أحب بس أذكر تجربتين ليا عشان الناس اللي قلقانه من موضوع ال 1200 سي سي ده .. هنا في السعوديه الأوتيل اداني عربيه سوزوكي ألتو 1100 سي سي ( خلي بالكم 1100 وتكنولوجي قديمه كانت 2007) أتنقل بيها لحد ماجيب عربيه .. العربيه كانت ماشيه 125 الف كيلو أه والله العظيم أول ماسوقتها قلت ف نفسي ( اومال إنتي لما كنتي جديده كنتي عامله أزاي ) العربيه كانت طياره والتكييف تلج وثباتها كان كويس جدا مشيت بيها 120 ودي أقصى سرعه للطرق هنا ف السعوديه وطبعا كلنا عارفين درجة الحراره اللي بتوصل ل 50 وزياده .. قعدت معايا العربيه حوالي 5 شهور .. وسلمتها ماشيه 160 الف كيلو وأقسم بالله إن الصبح لما أدورها كان شكمانها بيعرق ميه .. التجربه التانيه هيا لواحد صديقي معاه سوزوكي فان في مصر (1000 سي سي وتكنولوجي قديمه برضه موديل 2006) النهارده بقالها معاه 9 سنين .. ماسيه حوالي 200 الف كيلو بدون مشاكل .. فأعتقد إنه مع تقدم التكنولوجيا كمان النهارده أصبحت هذه السيارات اليابانيه أكثر قوة كمان عن قبل كده .. بإختصار .. اللي عايز يجيبها مايخفش أبدا من الموتور لإن اليابانيين يجيدوا فعلا صناعه السيارات عموما .. فلو عايز تقعدها معاك 10 سنين هتقعد بإذن الله طول مانت محافظ عليها وعلى صيانتها.