هام بشأن الاتراج و من يريد شراءها

**Mohamed bakr** · 27-02-2015 10:33 AM

فى فتى كتير جدا عن الاتراج هنا و فى الشارع لان الانسان المصرى بطبعه بيحب يفتى فحبيت اوضح شوية حاجات ببساطة بعد تجربة 8 شهور مع الاتراج :-

1- بالنسبة للموتور 3 سليندر 1200 سى سى 78 حصان 12صمام 2كامة ..بالنسبة ل3سليندر انت مش هتحس باى اختلاف عن اى موتور تانى يعنى صوته هادى و مش بيرعش و طبيعى جدا و اكيد اليابان معملتهوش بالصدفة و اكيد هما فاهمين بيعملوا ايه و بالمناسبة مش هيبوظ بعد 10000 كيلو

2- ليه مش هتحس بانك راكب 1200؟؟؟لان العربية خفيفة 900 كيلو و كمان عشان الفتيس CVT و دا هيحسسك انك راكب عربية 1600

3- ميزة الموتور انك هتوفر بنزين كتير جدا فى المدينة و فى السفر

4- فى حد هيفتى و يقول العربية خفيفة فأكيد مش ثابتة و احب اقول ان الكلام دة انتهى من القرون الوسطى العربية ثابتة جدا بالنسبة لعربيات كتير و بانسبة لقدرتها

5- الفرامل من اقوى الاسباب التخليك تجيب اتراج الفرامل Abs& Ebd توقفك وقت متحتاج و دواستها خفيفة جدا

6- العربية يابانى تقفيل تايلاند و دى اهم حاجة و تقريبا مفيش شخص اشتكى من تقفيلها حتى الان طبعا الكلام دة بعيد عن التقفيل المصرى

7- العربية واسعة جدا من جوة .. مش فخمة او فيها رفاهيات جامدة و دى عادة اليابان

من الاخر متقارنهاش بعربيات 1600 و لو هتمشى 70 % جوة المدينة و 30% سفر روح جرب و اعمل تيست دريف و متسمعش فتى حد و اعرف انك هتجيب عربية موفرة بقدرات معينة
التوكيل كويس بصفة عامة و قطع الغيار متوفرة فى المحلات كمان و اسعارها عادية
لو فى اى استفسار

**mestca** · 27-02-2015 12:22 PM

الله ينور تقرير محترم

**Mohamed bakr** · 27-02-2015 02:10 PM

المشاركة الأصلية كتبت بواسطة mestca

الله ينور تقرير محترم

شكرا

**hugan** · 27-02-2015 03:26 PM

تقرير ممتاز
س مايمنعش ان العربيه الاتراج مبيعاتها واقعه تماما
بسبب سعرها وحب المصريين للعربيات 4 سلندر 1600

**ahmed.Elashy** · 28-02-2015 05:38 AM

مشكور ع التقرير
بس abs ebd مالهمش اي علاقه بالفرامل ولا توقف العربيه امتي ولا دواسه الفرامل ولا الحاجات دي

**Mohamed bakr** · 28-02-2015 08:48 PM

المشاركة الأصلية كتبت بواسطة ahmed.Elashy

مشكور ع التقرير
بس abs ebd مالهمش اي علاقه بالفرامل ولا توقف العربيه امتي ولا دواسه الفرامل ولا الحاجات دي

شكرا يا استاذ احمد
بس ازاى بتقول ان ABS&EBD ملهمش علاقة بالفرامل ولا تقف امتى و ازاى ؟؟؟؟؟؟؟؟؟؟؟؟؟؟؟؟

ABS : هى اختصار (Anti-lock braking system) و معناها مانع انغلاق الفرامل .....يعنى جهاز فى الفرامل
EBD : هى اختصار (Electronic Brake force Distribution) و معناها النظام الالكترونى لتوزيع قوة الفرامل ...يعنى جهاز فى الفرامل
الناظامين دول بيتحكموا فى سرعة و قوة و امان الفرامل سواء على الاسفلت او لو فى سوائل
بالنسبة للدواسة فانا بقول انها حلوة و خفيفة مش زى الصنى الدواستها زى الحجر ولا البروتون المشوار الدواسة فيها كبير و مش بتفرمل كويس

**Mohamed bakr** · 28-02-2015 09:07 PM

المشاركة الأصلية كتبت بواسطة hugan

تقرير ممتاز
س مايمنعش ان العربيه الاتراج مبيعاتها واقعه تماما
بسبب سعرها وحب المصريين للعربيات 4 سلندر 1600

ال 1600 اكيد احسن و اقوى فى بعض العربيات و انا لو معايا 30 الف زيادة كنت اشتريت شارك

بس انا مختلف معاك تماما فى موضوع المبيعات لان من اسبوعين الاهرام طلع تقرير عن مبيعات العربيات و الاتراج البقالها 8 شهور و العربيات كانت بتيجى بالحجز و تستلمها بعد شهر واخدة 11% من مبيعات فئة اقل من 1300cc و طبعا البيكنتو متصدرة الترتيب ب 19% و البيكانتو بقالها سنين
الاتراج هتاخد فرصتها بعد مالجهل يتزاح شوية
و نفتكر ديما سنة 1998 لما نزلت عربية جددة اسمها كيا برايد "العصفورة" الناس قالت ايه و بعد كدا كانت مبيعاتها عاملة ازاى