تقرير صيانة مفصل للشاهين بأسعار قطع الغيار والمصنعيات

[img3]http://i.imgur.com/SUAgH.png[/img3]

تقرير صيانة مفصل للشاهين
بأسعار قطع الغيار والمصنعيات

http://i.imgur.com/xWl2f.gif

العربية ملطشة معايا فى الشهور الأخيرة مرة الزجاج الأمامى السيكيورت يتكسر فجأة وانا ماشى ويبقى فرافيت فى المقصورة وجوه هدومى
شويه والمسامير تستلم الكاوتش ويوميا على الله ألاقى الفرده نايمه أو مريحة وأروح لبتاع الكاوتش ألاقى فى الفرده بـ 4 و 5 مسامير وفضلت على الموال ده فترة
شوية واشتغلت فى الخبطات والحكات الغريبه والعربية واقفه مكانها ومركونة وختمت بخبطه من تريلا على الزراعى وشكلها كده عايزه تفتح

http://www.nilemotors.net/Nile/456617-a.html

اتعرضت لموقف مرعب يوم الثلاثاء قبل قبل الماضى 10-2-2015 .... ماشى الصبح على الزراعى وبدوس فرامل علشان فيه مطب قدامى الفرامل مسكت لحظه .. وفجأة صوت زى ما يكون سلك صلب اتقطع وحديد بيخبط فى بعضه والدواسة وطيت جدا ومفيش فرامل دوست بقوة سمعت صريخ الكاوتش والعربية رقصت يمين وشمال وهديت شوية بس بردو مفيش فرامل .... فضل من ربنا ان مفيش فيه زحمة قدامى ومكنتش بجرى وعرفت اقف ... ومن ستر ربنا انى كنت قريب من ميكانيكى اعرفه روحت سبتها قدامه على ما يفتح وروحت نزلت الموتوسيكل علشان اجرى بقى بين بتوع قطع الغيار والصنايعية وساعتها بقى قامت العاصفة الرملية ومن يومها وانا بعمل صيانة شامله للعربية ومسحول عند الصنايعية وروحت بالمنظر ده وعينى لونها احمر دم

http://nileup.com/up/uploads/nilemotors_14250420221.jpg

http://i.imgur.com/xWl2f.gif
ديه الفاتورة المبدأية لأول قطع غيار جبتها بعضها رجع تانى ومحتجتهوش وجبت قطع غيار اخرى

[img3]http://nileup.com/up/uploads/nilemotors_14250280581.jpg[/img3]

http://i.imgur.com/xWl2f.gif

أولاً : صيانة الفرامل وصيانه عامة أخرى

روحت للميكانيكى بعدها بساعه على ما فتح وحكيتله على اللى حصل قالى هنفك ونشوف فيه ايه
فك العجل الأمامى لقى لقمة من تيل الفرامل الشمال واقعه وهى السبب فى اللى حصل
قالى هنحتاج تيل جديد وقالى الطنابير شغاله بس فيها ريجه بسيطه
انا كنت خرطتها قبل كده من علشان كان فيها لوه بسيطة قالى مش هينفع تتخرط تانى وهتمشى معاك على كده
فقولتله يبقى نغيرها احسن
وديه صورة التيل القديم والطنابير القديمة
ولاحظت ان التيل فيه لقمة ممسوحه تماما ولقمة تانيه فيها لسه كتير
وسألت فى الموضوع ده وعرفت انه طبيعى

http://nileup.com/up/uploads/nilemotors_14250267492.jpg

دورت على أغلى طنابير للشاهين كان فيه ايطالى وكان فيه ألمانى جبت الألمانى بـ 125 جنيه وديه صورة الكارتونه

http://nileup.com/up/uploads/nilemotors_14250267494.jpg

http://nileup.com/up/uploads/nilemotors_14250267493.jpg

سألت البائع على أفضل تيل فرامل ومش بيصفر جابلى التركى
الأمامى بـ 40 جنيه
وجبت سوست تيل امامى قصير وطويل اسعارهم فى الفاتوره اعلاه
وديه صورة التيل

http://nileup.com/up/uploads/nilemotors_14250267496.jpg

والخلفى بـ 95 جنيه من نفس الماركة وديه صورته
وده مركبش لإننا لاقينا التيل الخلفى بتاع الفابريكة لسه فيه كتير

http://nileup.com/up/uploads/nilemotors_14250267497.jpg

وديه صورة مجموعة الفرامل الأماميه بعد التركيب واخد الهواء من دورة الفرامل

http://nileup.com/up/uploads/nilemotors_14250267495.jpg

http://i.imgur.com/xWl2f.gif

قولت بالمرة بقى مدام العربية فتحت يبقى علقة بعلقة غيرلها بالمرة سير الكاتينه
كان فيه انواع بـ 40 و 50 جبت اغلى نوع ايطالى بـ 60 جنيه
وجبت بلية كاتينه بـ 35 جنيه ايطالى ومركبتهاش بردو الميكانيكى قالى البليه عندك ممتازة

http://nileup.com/up/uploads/nilemotors_14250267499.jpg

وغيرت بوجيهات بالمرة مع انى معنديش مشكلة فى الدوارة او البنزين بالعكس الوضع اتحسن مؤخراً
كنت متعود على بوجيهات ngk بس كله بقى بيحذر منها وبيقول انها بقت مضروبة
كان فيه نوع شهير اسمه بيرو فرنساوى مسكت البوجيه لاقيت شكله معفنه ورديئ جدا
نفس الكلام بخصوص البوجيهات اللى بيقولوا عليها انجليزى شكلها صينى وبير سلم كمان
مسكت البوجيهات ديه روسى لاقيت شكلها افضل بكتير بس ماركتها مجهولة بالنسبة ليا
جبتها وخلاص بـ 25 جنيه

http://nileup.com/up/uploads/nilemotors_14250267498.jpg

http://i.imgur.com/xWl2f.gif
جبت كاوتشة مدورة للشكمان بـ 5 جنيه اتركبت فى أول الشكمان من بعد المشترك
تحت الكرسى اللى بجوار السائق

الرداتير عندى كان سايب خالص من الجنبين وعمال يخبط الميكانيكى فكه واخدته لبتاع الرداتير لحمه بالقصدير وغسله
واخد 20 جنيه مصنعيه
الميكانيكى لقى كاوتشة الاسكاتر مقطوعه قالى هات كاوتش اسكترا جديد جبت نوع اسمه جلوبال بـ 20 جنيه
وكان بتاع العفشه جنبه قولتله يركب الكاوتش بالمرة والعجل الامامى مفكوك
كان عندى صوت خشونه رخم قوى بيظهر على السرعات وقولت فى بالى ده اكيد بلى اكسات خلفى
فقولت اجيبه واغيره بالمرة الميكانيكى قالى متجيبهوش الا لما اجرب الأول واحدد العيب (ماشى يامعلم ياخبير)
بعد ما خلص الشغل طلعت انا والميكانيكى نجرب العربية الفرامل بسم الله ماشاء الله بقت ممتازة
قبل كده كنت بحس انها بتزحف لأتفه الأسباب وكنت بحس ان اللى قدام بس هما اللى بيمسكوا
الميكانيكى لاحظ ان فيه نقره فى الدريكسيون قالى محتاج حشو اسكاترا اعملها عند العفشجى
طلعنا على الزراعى علشان اسمعه صوت الخشونه قالى ده مش صوت بلى اكسات ده بليه جوه الكارونة
(يانهار اسود ومنيل بنيلة ) كارونة ايه يا اسطى على ده انا محافظ عليها زى عنيا ومتابعها كويس وواخد بالى من الزيت بتاعها
قالى ديه كارونة ومليش فيها ووصفلى واحد متخصص كوارين هو اللى هيحلهالى
بصراحة مقتنعتش بكلامه وقولتله ماشى واديته حسابه على الشغل ده
اخد100 جنيه + 5 جنيه للصبى

--------------

من فترة قريبه كنت مغير سير الدينامو علشان بيصفر وجبت المقاس المضبوط

وغيرت فلتر الهواء بالنوع الايطالى اللى فى الصورة سعره 25 جنيه

http://nileup.com/up/uploads/nilemotors_14250412981.jpg

وبعد يومين تلاته غيرت زيت الماتور بنفسى وغسلت دورة التبريد بنفسى

,,,,,,,,,,,,,,

http://i.imgur.com/ZFiom5f.gif
http://i.imgur.com/xWl2f.gif

http://i.imgur.com/xWl2f.gif

ثانياً : صيانة العفشة و ضبط الزوايا

روحت لبتاع العفشة قالى الاسكاترا عاوزه حشو مع العلم انى كنت مغير اسكاترا من 30 ألف كيلو متر وكنت جايب اغلى نوع ألمانى موجود بـ 350 جنيه من 4 سنين
نزلت تانى لبتوع قطع الغيار جبت فبرة اسكاترا وبستم للاسكاتر بحوالى 15 جنيه
وجبت علبة شحم و 4 أفيز بلاستيك
وتوكلنا على الله فكوا الاسكاتر وبدأو يحشوها وركبوها تانى
العفشجى اخد 45 جنيه مصنعيه + 5 جنيه للصبى
طبعا الدريكسيون بقى متماسك بس تقل عن الأول وضع الدريكسيون اختلف والعربية بقت بتحدف شمال

فقولت اضبط زوايا بالمرة وقولتله يضبطلى وضع طارة الدريكسيون من عنده
روحت لبتاع زوايا واتوصلت على الجهاز وقالى تمام
وضبط الزوايا اتكلف 30 جنيه
اطلع اجرب ألاقيها بتحدف بردو فقولت هبقى اعدى عليه تانى بعدين

http://nileup.com/up/uploads/nilemotors_14250295093.jpg

بعد يومين لأما نزلت تحت العربية لتتغيير الزيت فوجئت ان كاوتش الاسكترا الجديد فرده منه مبرومه بطريقة غريبه ومقطوعه
رجعت لبتاع العفشه مرة يقولى تلاقى نوعها وحش
ومره يقولى ده عيب من بتاع ضبط الزوايا مريحهاش وهوه بيعدل وضع الدريسكيون
كالعاده اى مشكلة بتوه
جبت كاوتش اسكترا تانى نوع تركى وشكله أنظف والمفاجأة ان ارخص من النوع الأول جبته بـ 15 جنيه
ورجعت ركبته تانى عند العفشجى
وديه صورته

http://nileup.com/up/uploads/nilemotors_14250295091.jpg

تانى يوم لاقيت الدريكسيون فيه نقرة قولت يادى النيلة هو الحشو متعملش صح ولا ايه !!
رجعت تانى للعفشجى قالى ده طبيعى والدريكسيون خف معاك
قالى الحشو محتاج بس يتزنق عليه ونزل تحت العربية كان بيفك ويربط مسامير صغيره
لحد ما النقره راحت والحمد لله

http://i.imgur.com/xWl2f.gif

واستكمالاً لمسلسل التلطيش اللى بيحصل معايا ... والدى عريبته عطلت وطلب عربيتى قولتله خد بالك منها علشان العربية بتلكك اليومين دول قالى متخفش .. قولتله ربنا يستر
المهم الجو بارد جدا والعربية فى الفترة ديه عمرها ما وصلت لدرجة الحرارة اللى بتشتغل عندها المروحة
والدى اخدها وسخنت وفيشه المروحة كانت معلقة ومأخدش باله الا لما بخار المياه طلع من الكبوت !!!
مع ان معاه فليشيا اللى هيا استاذه فى السخونيه
المهم حصل خير وكشفت على الزيت والمياه وضبطت الفيشه بتاعت المروحة وعدت على خير

ماشى بعدها مرهق وتعبان ومقلق من العربية وبقول ياترى ايه اللى هيحصل هوب
دخلت فى عربية اوبترا على سرعه 10 كم/س والحمد لله على كل حال

http://nileup.com/up/uploads/nilemotors_14250295092.jpg

اللى زعلنى انى أول مرة اضر حد بدون قصد حصل عنده شرخ بسيط فى الاكصدام الخلفى
نزلت اعتذرتله وقوقلته انا تحت امرك فى اى تصليح
قالى خلاص حصل خير ومشيت وانا متعكنن وزهقان
واشتريت فانوس اشارة بـ 15 جنيه تركى

http://nileup.com/up/uploads/nilemotors_14250317641.jpg

http://i.imgur.com/xWl2f.gif

روحت تانى لبتاع الزوايا علشان كاوتش الاسكترا اللى اتغير اكيد هيبوظ ضبط الزوايا وعلشان الحدفة الشمال البسيطة
حطها تانى على الجهاز وظبطها وبقت تمام الحمد لله

http://nileup.com/up/uploads/nilemotors_14250295094.jpg
http://i.imgur.com/ZFiom5f.gif

http://i.imgur.com/xWl2f.gif

http://i.imgur.com/xWl2f.gif

ثالثاً : حل مشكلة الخشونة على السرعات

زى ما قولتلكم انا لم اقتنع بكلام الميكانيكى بخصوص الخشونة اللى بحس بيها على السرعات لما قالى ديه بلية كارونة
وكنت مقتنع ومتأكد انه بلى اكسات مش كارونة لإنى مريت بنفس الأعراض ديه قبل كده وكنت مغيره بالفعل من حوالى 25 ألف كيلو متر
وكنت عامل الموضوع ده أيامها

http://www.nilemotors.net/Nile/275825-a.html

http://i.imgur.com/xWl2f.gif

أعراض تلف بلى الأكسات الخلفى علشان ناس كتيره بتسأل عنه

(1) فى الأول ببدأ احس ان العربية مفككه من ورا ومش متماسكه وفيه طقه بتحصل وانا ماشى على الطرق المكسرة

(2) بيحصل صوت ونه على السرعات العاليه فوق 120 كم/س مع العلم ان الكارونة حالتها ممتازه والحمد لله

(3) بدأ يظهر صوت تصفير بسيط على السرعات البطيئة قوى

(4) التصفيير السابق اختفى وبدأت تظهر صوت خشونه على السرعات العالية ومع الوقت بدأت تزيد وبقت محسوسه قوى

(5) آخر واخطر الأعراض بقى ان البلى يفرط لا قدر الله والعجله تتفك بالأكس بتاع وديه فى منتهى الخطورة طبعا مش هستنى انى أوصل للمرحلة ديه

http://i.imgur.com/xWl2f.gif

المهم قولت مش هروح لبتاع الكاورين علشان ميفتحش شغل على الفاضى ويبوظ السليم
فقولت اروح لميكانيكى تانى محنك ومتمكن وعنده خبره
وركب معايا وطلعنا على الطريق السريع والحمد لله قال الكلمة التى أثلجت صدرى زى ما انا متوقع .... ده بلى أكسات

روحت لبتاع قطع الغير واشتريت بلى اكسات خلفى ايطالى بـ 25 جنيه للواحده

http://nileup.com/up/uploads/nilemotors_14250358461.jpg

وروحت للميكانيكى فك الأكسات واخدتها وروحت للخراط بيحطها على المكبس علشان ينطر البلى القديم والجلبة اللى فوقيها

http://nileup.com/up/uploads/nilemotors_14250358464.jpg

وبعدين يركب البلى الجديد وبيدق عليه بماسورة ثم بيتم تسخين الجلبة بالبورى علشان تتمدد وتتحط فوق البلى الجديد وتم تبريدها بالزيت

http://nileup.com/up/uploads/nilemotors_14250358465.jpg

رجعت تانى للميكانيكى ركب الأكسات ورجلش الفرامل الخلفيه مع العلم انى كنت مرجلشها من يومين لما كنت بعمل صيانه الفرامل وقالى فيها هوا

http://nileup.com/up/uploads/nilemotors_14250358463.jpg

وكشف على زيت الكارونة وخليته يراجع على المسامير بتاعت الكردان من أوله ومن آخره

http://nileup.com/up/uploads/nilemotors_14250358462.jpg

مصنعيه المخرطة 20 جنيه
مصنعية الميكانيكى 40 جنيه + 5 جنيه للصبى

http://i.imgur.com/ZFiom5f.gif

http://i.imgur.com/xWl2f.gif

http://i.imgur.com/xWl2f.gif

رابعاً : بعض الأعمال الخفيفة

لاحظت ان لمبة من اللمبات اللى بتنور فوق النمرة محروقه

http://nileup.com/up/uploads/nilemotors_14250367933.jpg

فكيتها وجبت زيها سعر اللمبه 75 قرش
وبقت تمام

http://nileup.com/up/uploads/nilemotors_14250367932.jpg

كان عندى تزييق رخم قوى فى الباب الخلفى يمين وكل اللى بيقعد ورا بيحس ان الباب مش مقفول كويس وقولت للسمكرى خبط على مفصلاته شوية ومفيش فايده

المهم عملت الفكرة ديه اللى كان احد الأعضاء عامل موضوع عنها من فترة
والنتيجة ممتازة وصوت التزييق الرخم ده اختفى

http://nileup.com/up/uploads/nilemotors_14250367931.jpg

http://i.imgur.com/xWl2f.gif

تمت بحمد لله

اللى ناقص بقى الخبطة اللى فى الرف الأمامى
مش عارف ديه هتحتاج نفك الرف بالكامل ولا ممكن تتصلح كده

http://i.imgur.com/xWl2f.gif

http://i.imgur.com/Ml7kAAl.gifhttp://i.imgur.com/lolFOkW.gifhttp://i.imgur.com/0xjs9lu.gifhttp://i.imgur.com/toXv2SU.gifhttp://i.imgur.com/0xjs9lu.gifhttp://i.imgur.com/XYDLQYN.gifhttp://i.imgur.com/iwQxkMF.gif

http://i.imgur.com/2efLjdK.gif

ياااااااااااااااااااااه
اولا حمدا لله علي سلامتك
انا اول ما شفت صورة حضرتك الاولي دي ما صدقتش
الصوره صعبه جدا الحقيقه
ربنا يباركلك في الشغل اللى انت عملته
وشكرا علي التقرير الجامد ده بكل تفاصيله وتفاصيل كل حاجه عملتها وطبعا الصور
واسعار قطع الغيار اللي بالتفصيل والانواع واختلاف بلد المنشأ
اكيد هيستفيد منه اللي عندهم شاهين

اقتباس:

---

المشاركة الأصلية كتبت بواسطة bluemail

ياااااااااااااااااااااه
اولا حمدا لله علي سلامتك
انا اول ما شفت صورة حضرتك الاولي دي ما صدقتش
الصوره صعبه جدا الحقيقه
ربنا يباركلك في الشغل اللى انت عملته
وشكرا علي التقرير الجامد ده بكل تفاصيله وتفاصيل كل حاجه عملتها وطبعا الصور
واسعار قطع الغيار اللي بالتفصيل والانواع واختلاف بلد المنشأ
اكيد هيستفيد منه اللي عندهم شاهين

---

ههههههههههههه
الله يسلمك ياباشا ويباركلك .... بس ديه مش صورتى الشخصية ههههههههههههه
ديه صورة تعبيرية عن حال الشعب المصرى يوم العاصفة الترابية وكانت قريبه من الحال اللى كنت عليه يومها ههههههههههههههه

اقتباس:

---

المشاركة الأصلية كتبت بواسطة Elawany13

ههههههههههههه
الله يسلمك ياباشا ويباركلك .... بس ديه مش صورتى الشخصية ههههههههههههه

---

:M_yes[1]:طمنتني

الحمد لله ربنا عداها على خير ..... ان مع العسر يسرا

تقرير جميل

و ربنا يستر عشان انا عندى اعراض بلى الاكس الخلفى

الله على الشرح الوافى

https://scontent-lhr.xx.fbcdn.net/hp...41&oe=55D5509C

الناس اللى بتشتكى من التصفير فى سير الدينامو
بسبب ان مقاسه مش مضبوط ... ده احسن مقاس نفع لعربيتى الشاهين موديل 2004 ... بعد دوخه وتغيير السير بتاع 3 أو 4 مرات وكل مرة كان بيصفر بعد فترة قصيرة أو يبقى مشدود على الآخر ومفيهوش امكانيه للشد بعد كده أو العكس يبقى طويل زيادة عن اللزوم ومرخى والشداد بيكون على آخره ومفيش فايده ... وسعره حوالى 15 جنيه

العربية رجعت تانى للحركات النص كم
كنت بغسل العربيه لإنها كانت متبهدله حوالى مليون ناموسه لازقين فى الاكصدام بعد رجوعى من اسكندرية بعد العيد
لاقيت واحد فقرى شافنى عمال يلح عليا بالبيع من فترة وبردو بمنتهى السماجه قالى بيع بقى ياعم
ومن ساعتها والعربية بتخرف
مشيت بعدها على طول لاقيتها سخنت لإن المروحة مشتغلتش بسبب الفيشه مش عارف بتعلق ليه مع انها سليمة وزى الفل !!!
الحمد لله شغلتها مانيوال وقضيت مشاويرى

فيه فريم فبر كده حوالين فانوس الشابورة وقع لوحده وانا ماشى ومأخدتش بالى منه
شوية ولمبة الشابورة اتحرقت

امبارح بالليل كنت هلبس فى 131 وقفت قدامى فجأة والحمد لله ربنا سترها
بعدها بدقائق بدوس دبرياج لاقيت السلك اتقطع فجأة روحت للميكانيكى بعد دوخه بدون دبرياج لاقيته قافل
سيبت العربية قدامه ورجعت

النهاردة الصبح
اشتريت سلك الدبرياج الايطالى بـ 35 جنيه ... طلبت التركى قالى موجود بنفس السعر بس الجزء المعدنى اللى فيه صامولة فى أول السلك بيكون فبر مش معدن وحلفلى ان النوع الايطالى ده هو الافضل
روحت للميكانيكى قولتله حط زيت فى السلك قالى اوعى كده يبوظ
ركبه فى 5 دقائق ... دفعت 10 جنيه مصنعيه + 5 جنيه بقشيش للصبى اللى ركبه
طلعت بالعربية حسيت ان دواسة الدبرياج عاليه شوية رجعت للميكانيكى نزلى الدواسه لتحت وبقت تمام الحمد لله ونقلات الفتيس بقت ناعمه زى زمان
مع العلم انى بقالى حوالى شهر أو اكثر احيانا بيحصل صوت زعيق أو رنه لما بنقل الفتيس أتارى السلك القدديم كان بيتقطع وهوه السبب فى الحكاية ديه

https://scontent-lhr3-1.xx.fbcdn.net...93663880_o.jpg

أخدت عين مليحه يا معلم :d

الله عليك موضوع جميل
وبالصور