أسوء ما فى اللوجان القديمة و الجديدة (مهم جدا)

**adel_edrees** · 28-02-2015 10:52 AM

لا شك أن فى فئة العربيات بتاعة اللوجان و ما بعدها في عيوب و مميزات لكن أسوء ما فى هذه السيارة على الأطلاق هو الكاوتش الكاوتش اللى بينزل فى هذه السيارة هو القمة فى السوء ألى كل اللى بيشتكى من الثبات يسأل نفسه سؤال واحد لا غير أنا غيرت الكاوتش الزبالة اللى راكب فى العربية أقسم بالله أن الكاوتش فى هذه السيارة أيا كان نوعه كاوتش كارثى سواء الباروم بريليانتس 1 أو 2 أو الجود يير و حتى بعد ماغيروا الكاوتش بنوع تانى فى اللوجان الجديدة هذا الكاوتش هو كارثة هذه السيارة أرجو من الناس اللى غيرت الكاوتش بتاعها أنها تقول أيه أخبار الثبات و الفرامل بعد تغيير الكاوتش

**bmwosama** · 28-02-2015 12:01 PM

المشكله انك تكون شاري عربيه جديده وتضطر تشتري كاوتش جديد من نوع كويس يكلفك على الاقل ٣٠٠٠ جنيه

هو الجود يير مش منتشر في مصر بس انا اول مره اسمع انه نوع مش كويس
وفي حاله التغيير ! ايه الافضل ؟ ميشلان ولا بريدجستون ؟

**AhmeedElbahy** · 28-02-2015 12:37 PM

انا اللوجان بتاعتي نازله بكاوتش اسمو جي تي شامبيرو في بي آي حاجه زي كده بس الثبات مش حلو اوي برضو بسبب ان العربيه عاليه من ورا و قاعدة العجلات بتاعتها صغيره

**Amr Axel** · 28-02-2015 01:10 PM

الكاوتش الجي تي اللي نازل معاها سئ جداا بالنسبة لي
تماسك و ثبات سئ - مع الفرامل سئ و ناشف - صوته عالي جدا - بيلم كل الزلط و الطوب اللي في الشارع
انا بس مستني اهلكه شوية و بعدين اغير عالطول لحاجة انضف فليكن بريدجستون تورنزا

**adel_edrees** · 28-02-2015 01:46 PM

المشاركة الأصلية كتبت بواسطة bmwosama

المشكله انك تكون شاري عربيه جديده وتضطر تشتري كاوتش جديد من نوع كويس يكلفك على الاقل ٣٠٠٠ جنيه

هو الجود يير مش منتشر في مصر بس انا اول مره اسمع انه نوع مش كويس
وفي حاله التغيير ! ايه الافضل ؟ ميشلان ولا بريدجستون ؟

أى كاوتش زيه زى أى حاجة بتتصنع بره بلد المنشأ يعنى أحسن حاجة البريدجستون اليابانى gr90 و اليوكوهاما ؤسى درايف أو أس درايف غير كده كله زبالة مطاط و خلاص و طبعا الميشلان الفرنساوى و ده عير موجود فى مصر الكونتنتال الألمانى و الهانكوك وبعدين دايما تبقى أختياراتنا منحصرة فى الستة الكبار
بريدجستون ميشلان كونتنتال جوديير بيريللى و طبعا الدانلوب
لكن ما يمنعش من أن فى أنواع كويسة تانية زى كومهو , الهانكوك لكن مش أى موديل فى الكومهو و لا أى موديل فى الهانكوك

يعنى الكومهو فى كومهو أيكاستا رهيبة كاوتشة جامدة جدا و لكن الوكيل ما بيجبهاش

**A.Saad** · 28-02-2015 01:57 PM

الكومهو الايكستا كان بينزل

الجوديير ماركة محترمة . ممكن النقشة اللى نازلة مع اللوجان هى اللى سيئة

**adel_edrees** · 28-02-2015 02:02 PM

أنا و عن تجربة شخصية أنصح كل اللى عنده لوجان أنه يغير فورا و بدون أنتظار أحسسن حاجة و أتفق مع أ عمرو هى البريدجستون تورانزا اليابانى أناغيرت ل يوكوهاما سي درايف و بصراحة ربنا كاوتشة ممتازة أمبارح أنا ماشى وو احد كان سرحان أو نام وكسر على و أنا ماشى جنبه المهم ضربت فرملة بصراحة الكاوتش زى الفل وقف العربية فى خط مستقيم و فى أقل مسافة ممكن أتخيلها و ماصفرش كتير أحنا بنتكلم على اليوكوهاما فما بالك بالبريدجستون
ملحوظة قبل ما أغير الكاوتش كنت دايما بأروح أظبط الكاوتش كل اسبوع عشرة أيام بحد أقصى و كنت بأحس بيه و أنا سايق الحمد لله الموضوع انتهى تماما لما غيرت الكاوتش أنا بأنصح أى واحد معاه لوجان أنه يغير الكاوتش بدون أنتظار و حيحس بالفرق و حيدعى لى أن شاء الله

**adel_edrees** · 28-02-2015 02:06 PM

المشاركة الأصلية كتبت بواسطة a.saad

الكومهو الايكستا كان بينزل

الجوديير ماركة محترمة . ممكن النقشة اللى نازلة مع اللوجان هى اللى سيئة

من أحد الكبار فى صناعة الكاوتش و بينزلوه فى الستيب واى و الكن اللى نازل مع العربية سئ موديل و بلد الصناعة الكومهمو أيكستا كان فعلا بينزل لكن المشكلة أن الوكيل يقوللك أسترخص دى بلد عايزه كاوتش و خلاص ماحدش كتير عارف أهمية الكاوتش

**Amr Axel** · 28-02-2015 02:35 PM

للأسف مبقاش فيه بريدجستون ياباني بقي تايلاندي او اندونيسي و ده قافلني من الماركة كلها مش لاقي حاجة أصليةو لا بريدجستون ياباني و لا ميشلان فرنساوي و لا كونتننتال و دانلوب الماني
و اليوكوهاما قليل لو لقيته و بيبقي انتاج قديم سنتين تلاتة و لا يمكن اشتري انتاج قديم لو مكنش موديل السنة دي يبقي ملهاش لازمة

الهانكوك و الكومهو كاوتش متوسط اللي عايز حاجة سعرها وسط و شغالة لكن طبعا مش هيبقي اداء زي الكبار السالف ذكرهم

الموضوع: أسوء ما فى اللوجان القديمة و الجديدة (مهم جدا)

LinkBack

أدوات الموضوع

عرض

أسوء ما فى اللوجان القديمة و الجديدة (مهم جدا) - انشر الموضوع فى :

-

-

-

-

-

-

المواضيع المتشابهه

مدينة الفسطاط الجديدة فى مصر القديمة تبع اى مرور

هي الجيتا الجديدة نزلت ولا القديمة غليت

ايه أحسن فى العيشة؟ المدن الجديدة و لا القديمة

بيتلز القديمة محولة لبيتلز الجديدة

عفشة الفابيا الجديدة أنشف من القديمة ؟؟!!

الكلمات الدلالية لهذا الموضوع

المفضلات

المفضلات

ضوابط المشاركة