المشاركة الأصلية كتبت بواسطة SAMEH_FOUAD
المشكلة ياباشا , ان الارقام دية لما بتترجم للواقع بيكون الفرق قليل اوى , وهو فعلا ياباشا اجزاء من الثانية وكمان فية حاجات زى بعض فى السرعة , ممكن حضرتك تدخل وتشوف اى مقارنة سرعة وانت تشوف الفرق + ان الرام ddr4 استهلاكها للبطارية اعلى وحضرتك ممكن تشوف دة فى اى موقع اختبار
- النوت 4 استهلاكة للبطارية غير مرضى تماما , انا 3 اصحابى معاهم التليفون وبيشتكوا من بطاريتة جداااااا
- بطارية الاس 6 ضعيفة وهتشوف يعنى اية بطارية 2550 تنزل على تليفون بالبروسيسر دة والشاشة دية , وهو اصلا كان متحدث من شركة سامسونج كان قال قبل كدة , انهم عايزين تليفون بطاريتة تكفى يوم واحد فقط , ودة واضح
- الاس 5 فية wirless charging بس عشان تستفيد من الاوبشن دة , لازم تغير ال back cover بأخر يدعم ال connector اللى بتتركب فى التليفون من الخلف ودية نازلة من سامسونج اصلى عادى
- مين قالك كدة , السوفت وير واحد , مع تحديث الاس 5 لل loli pop , طيب هقولك حاجة الاس 6 فية مشكلة ودية هتقابل الناس ان سامسونج خلت الكاميرا ضمن ال running app يعنى هتستهلاك من البطارية ومن الرام
- الكاميرا الامامية فقط اللى تم تطويرها , لكن الخلفية بردة 16 ميجا بس للاسف بمستشعر sony ix240 ومشكلة السينسور دة , انة بيخلى الصورة بأضاءة صفرا ودة على حسب المقارنة الى تم عملها مابين الجهازين فى اكتر من موقع والنتيجة جت واحدة بتفوق الاس 5
مع انهم قالوا ان العدسة اصبح 1.9 f مقابل f 2.2 للاس 5 , يعنى مفروض عدسة الاس 6 تاخد ضوء اكتر لكن الواقع غير كدة , بس انا بقول ان دة ممكن يكون بسبب تكنولوجيا ال icocell بتاع حساس كاميرا الاس 5 اللى بتجمع ضوء اكبر
وعموما انا مستنى بردة التليفون اشوف اية الدنيا فية , بس من اولها كدة , اعتقد الاس 5 هيكون متفوق فى نقط كتير , وبالنسبالى الاس 6 هيكون تليفون خامة فقط
سامسونج اس 6 جاء على عكس كل الشركات , الاس 6 نزل فى 50% من الاوبشن عن الاس 5 , وال30% تعادل , و20 % تطوير فى الخامة والبروسيسر
دة ملخص الاس 6 بالنسبالى