لانسر شارك اللي بتنزلنا فيلبيني ؟؟

**Alyy456** · 03-03-2015 03:05 AM

دخلت علي موقع ميتسوبيشي الرئيسي اشوف اللانسر ملقتهاش كل اللي موجود عربيات لانسر بس بمسميات تانية يعني في لانسر GT و كذا نوع تاني لكن مفيش اي نوع اسمه Lancer EX طبعا فضلت ادور لقيت موقع اسمو mmpc و ده اختصار ل Mistubishi motors philippines corparation و جوة الموقع الفلبيني ده لقيت اللانسر Ex بنفس سعة الموتور اللي عندنا ١.٦ ،هل معني كده ان العربية بتتصنع في مصنع ميتسوبيشي في الفليبين ؟ و هل معني كدة ان العربية مش ياباني مية في المية ؟ و التجار بتضحك علينا ولا ايه مش فاهم ؟ معني كدة ان العربية محتوياتها ياباني لكن تجميع فيلبيني ؟؟

**Fawzy.Abdelnour** · 03-03-2015 06:17 AM

اللانسر لغايت دلوقتى يابانى, و بتعرفها من رقم الشاسيه, بيكون اول حرف في j على ما اعتقد.
ملقتهاش بقى دى عشان مش بتتباع هناك, مش بيركبو المواتير الهايفه دى.

**ENG.MaRk** · 03-03-2015 09:14 AM

الموتور ال1.6 mivec ده قليل جداً و هم برة يقدروا يشتروا الevo ف أكيد مش هينزلوا عربية ماتتبعش ... المهم الGT الل حضرتك شفتها ديه هي هي شكل الشارك و لكن بموتور 2.0-2.4 :)

**fepsceasar** · 03-03-2015 09:58 AM

ميتهياليش ممكن تعرفها الا من الافراج الجمركى
واللانسر بتتجمع فى 100 بلد

**hugan** · 03-03-2015 03:14 PM

اﻻفراج الجمركي هو الفيصل

**خالد دياب** · 03-03-2015 05:28 PM

حضرتك بتقول اتضح انها تيلندي ازاي حضرتك عرفت اقصد عرفت منين انها تيلندي اذا كان الافراج الجمركي بيقول انها ياباني يا ريت الكلام يكون بالدليل في انتظار رد حضرتك بالتوفيق

**eng.m7md.ali** · 03-03-2015 06:15 PM

المشاركة الأصلية كتبت بواسطة خالد دياب

حضرتك بتقول اتضح انها تيلندي ازاي حضرتك عرفت اقصد عرفت منين انها تيلندي اذا كان الافراج الجمركي بيقول انها ياباني يا ريت الكلام يكون بالدليل في انتظار رد حضرتك بالتوفيق

الموضوع ده معروف جداً

مفيش شركة محترمة هتفضل تنزل موديل قديم لمدة طويلة وتضرب مبيعات الموديل الجديد من نفس العربية

يعني ببساطة اما كانت البوما بتنزل عندنا لحد 2014 كانت الشارك فاشلة بكل المقايس لان دي مبيعاتها مغطية على دي ... اما اتوقف استيراد البوما او انتاجها لاحظنا كلنا ان الشارك بتشم نفسها وبتعمل مبيعات حلوة وده باين في الفترة بتاعت 2014 العربية انتشرت بشكل ملحوظ

ده الرد العقلاني ولما اتسأل كتير فين بتتصنع البوما ناس قالت تايلاند وناس قالت مصر وناس قالت معرفش فين بس اقرب حاجة كانت لتايلاند عشان في موديلات من متسوبيشي بتتصنع هناك

**خالد دياب** · 03-03-2015 07:43 PM

يا بشمهندس الراي العقلاني حاجه والدليل حاجه تانيه خالص

موضوع البوما والشارك ده علشان البومه كانت بتنزل 1600 والشارك 1500 كمان البومه كانت مجربه ومسمعه فمحدش هيدفع فوق 120 الف ويجرب مش اكتر والشارك شمت نفسها علشان بقت 1600 وكمان توقف البوما وده مش دليل على اي حاجه فيا ريت حضرتك تسال او تجيب دليل لكن ده استنتاج ومع الاسف مطلعشي صح كمان وخد عندك الهوندا عربيه ياباني بس الافراج الجمركي بيقول بتتقفل في تركيا عادي فلو الشارك بتتقفل في تركيا او تيلند كان انكتب عادي جدا شكرا على الاجتهاد بس ياريت يكون في دليل خالص تحياتي

**Alyy456** · 04-03-2015 12:27 AM

المشاركة الأصلية كتبت بواسطة eng.mark

الموتور ال1.6 mivec ده قليل جداً و هم برة يقدروا يشتروا الevo ف أكيد مش هينزلوا عربية ماتتبعش ... المهم الgt الل حضرتك شفتها ديه هي هي شكل الشارك و لكن بموتور 2.0-2.4 :)

والله يا جماعه حرام كل حاجة بتنزل في مصر وحشة ١٦٠٠ دي برة فعلا موتور ضعيف جدا