الموضوع: كرولا اول فءة ٢٠١٥ ام كروز ٢٠١٥

المشاركة الأصلية كتبت بواسطة ashouhdy

http://www.nilemotors.net/nile/442732-a.html
كثرت مواضيع المقارنة و الحكايات عن السيارات و وجدنا نحن وملاك الكروز بالمنتدى و جروب الكروز عالفيسبوك انة من المفيد عمل موضوع شامل يحتوى على ما تحتوية السيارة و تخفي عن اعين المستهلك الجديد واحيانا مهندسي التوكيل!
فعند مقارنة السيارة بأخرى نستطيع بسهولة الوصول لهذا الموضوع لكي يستفيد بة المقبل على شراء اى سيارة
حنبدأ بذكر مواصفات سريعة و دى مش اساس الموضوع:
الموتور كود a16xer lde الجديد من 2013
بقوة 116 حصان عزم 155 نيوتن على 4000لفة
الفتيس 6 سرعات الجديد من 2013
ستيبترونيك.
Abs 4 wheel control
ebd
brake assist boost valve
esp tc with ventilated discs
dual frontal air bags
بارات امامية للقيادة الرياضية والتوازن
تصميم عفشة مميز للتوازن سيذكر لاحقا.
.... جميع مواصفات السيارة الباقية ذكرت تفصيليا في العديد من المواضيع المثبتة،
لكن الجديد هنا ان حيذكر حاجات قد لا تعلمها عن السيارة من الاصل :
- موتور الكروز متوصل بة حساس اوكسجين امامي يعدل من مستوى حرق البنزين بداخل الموتور.
- موتور الكروز مع التجربة يعطي افضل اداء مع زيت درجة 5w30 بسعة 4 لتر و ربع فقط مع الفلتر او 4 لتر بدون فلتر.
- موتور الكروز لا يقبل زيت لزوجة 5w50 كما يضع التوكيل ولا يقبل 5 لتر زيت كما يضع التوكيل
- مارش العربية مش بيدور كذا مرة لو هو داير بمعنى لو العربية دايرة وجيت دورت مش حيحصل حاجة حفاظا على المارش و الموتور.
- فتيس السيارة:
- زيت الفتيس يفضل تغييرة عند 30 الف كيلو متر.
بة كذا خاصية امان وعلى سبيل الحصر:
يتم نقل الجير اوتوماتيك بدون تدخل منك الي ال n اذا وقفت في اشارة مثلا على d و رجلك دايسة على الفرامل فترة طويلة حفاظا على الفتيس ومكوناتة.
على المطالع فتيس السيارة يفعل الفرامل تلقائيا اذا رفعت رجلك عن البنزين قبل لمس الفرامل و بدأت العربية للتذحلق الى الخلف. و مش بيوازن العربية بالبنزين و الدبرياج ذى بقية العربيات حفاظا على التروس.
اذا استخدمت الفرامل في المطالع الفتيس اوتوماتيك بيقلب n حفاظا على الجير بوكس و دة سبب ان لما تيجي تدوس بنزين تلاقيها ريحت لورا 3 سنتى حتى لو انت جايب d عشان الفتيس بينقل من غير ما يقولك.
لو انت بتجري جامد الفتيس بيحافظ على النقلة ال 5 عشان يدي عزم للعربية لكن لو وصلت للسرعات العالية بشويش الفتيس بيدي النقلة ال 6 لتوفير استهلاك الوقود . تكنولوجي المانى مش موجود غير في سيارات قليلة فقط.
بالنسبة للعزل:
ابواب السيارة مغطاة بكاوتش دبل عريض لتقليل الضوضاء و زيادة العزل
ابواب السيارة بها جزء شمواة عريض لتقفيل الباب زيادة وعزل الضوضاء الخارجية
ابواب السيارة تقيلة ومحملة ببارات فولاذية للامان
كل اجزاء العربية الداخلية معزولة بفوم عازل على سبيل المثال البوردة الخلفية للسماعات على فوم للعزل
الشنطة كلها متقفلة على كاوتش وفوم للعزل
صدر العربية متقفل بعازل حرارة و كاوتش لعزل ضوضاء المحرك
فرش الارضية موكيت و جي معاها 4 دواسات موكيت عريض يتم تثبيتة بكليبس في الارض ية لزيادة عزل الطريق و الضوضاء.
درج العملات المعدنية اللى قدام الفتيس متبطن بكاوتش عشان العزل !
استبن السيارة قاعد على كاوتش وفوم حتى ارضية الشنطة قاعدة على كاوتش لعزل الضوضاء
سنترلوك العربية و الازاز محاطين بطبقة عزل بمعنى عند غلق الازاز بيقفل في الاخر على مادة عازلة للصوت مش بيرزع ذى عربيات كتير والسنتر صوتة منخفض مش عالى ومسموع ذى موديلات تانية.
النتيجة عربية صامتة و هدوء ممتاز لا في كركبة ولا طقطقة في التابلوة.
الكاسيت :
كاسيت العربية بة خاصية الضبط التلقائي للصوت حسب الضوضاء الخارجية.
كاسيت العربية ممكن تظبط كل خاصية فية على مستوى صوت معين مختلف مثال الراديو صوت الكاسيت صوت ال aux صوت وهكذا.
كاسيت السيارة يتم التحكم من خلالة بغالبية اوامر السيارة مثل:
تفعيل خاصية ال follow me lights و ضبط المدة المتاحة للضوء
تفعيل انوار الصالون و الكلاكس والاضواء مع الغلق
تحديد مستوي صوت الكاسيت عند بدء فتحة عشان مثلا متكنش معلى الصوت عالاخر وتيجي تانى يوم تفتحة تفاجا بعلو الصوت ويخضك.
تحديد عدد الابواب اللى بتفتح بالسنترلوك هل باب السواق بس ولا الاربع ابواب.
بيانات التكييف والساعة والحرارة الخارجية والتاريخ والوقت بتظهر على شاشة الكاسيت.
العربية بها انذار اصلى مش راكب + مفتاح مشفر code 5 اعلى تنظيم وتصنيف أمان للايمبوليزر مزود ب 4 وحدات كمبيوتر للاختراق وتأكيد الكود.
يعنى لا قدر الله قدر الحرامى يعدى من كمبيوتر الكونتاكت قدامة لسة 3 كمبيوترات كمان لازم يخترقها.
تكييف العربية فية حساس اوكسجين للمقصورة بيقلب الهوا خارجى وداخلى اوتوماتيك من غير تدخل منك في حالة نقص كمية الاوكسجين بداخل العربية.
العربية فيها تنبيهات تحذيرية لكل حاجة ممكن تنساها... مثلا فرامل اليد مشيت وهى مرفوعة بتدى تحذير
انوار مضاءة بتدى تحذير حتي لو البنزين قل بتكتب fill fuel بتحذير ضوئي عشان تاخد بالك
لو تجاهلت كل دة وسبت الانوار كلها منورة ونزلت من العربية وقفلت الكونتاكت كل حاجة بتقفل اوتوماتيك بعد 10 دقايق بالضبط battery saver
تصميم العفشة مختلف عن بعض الاوروبي مثل الفرنساوى و الكورى و هو نفس التصميم الالمانى العريض لزيادة الثبات بمعنى ان المساعد بعيد عن السوستة لزيادة الثبات و ان المساعد زاوية قائمة عشان ياخد كل الحمل ومش بميل للامام ذى موديلات تانية
بالاضافة لسمك السوست و تخانتها الملفتة للنظر عن بقية الموديلات في فئتها

الفرامل فيها brake boost valve ودة اللى بيتقال علية brake assist
و صوت الفالف وهو بيفضى و يعبي لزيادة الكبس بتبقي باينة وممتعة وانت بتركن وبتسمعة او ماشي عالهادى.
.



http://www.nilemotors.net/nile/442732-a.html


ياريت تقرا الموضوع دة عشان تعرف العربية دى يعنى اية

عربية بايعة 3 ونص مليون وحدة وهنا بيقولوا حتة القماش جربانة !

اشكرك جدا . بس ايه راي حضرتك في الوكيل. وهل قابلة حضرتك معاهم مشاكل في الصيانة

المشاركة الأصلية كتبت بواسطة acasper3d

اكيد حضرتك في حيرة من امرك :) دلوقتي


الكرووز بلاااااااش منها ... عربية ك تقفيل وعزل ممتاز ... ثبات اكثر من رائع ,,, فرامل ممتازة .....
توكيل اقل ما يمكن انوا يتقال عليه توكيل عره ......
قطع غيار مبالغ في سعرها..... مشكلة في الفتيس الزفت بتعاها ,,,,,, اول مااخويا اشتراها ... العربية كام مرة مردتش دوور الصبح .... وكل صيانتها في التوكيل ,,, التوكيل قال السوفت وير في مشكلة واتعمله ابت دييت.... وبعد كام سنة ابتدت مشاكل الفتيس .... وقت بينا علي الطريق الدائري .... لما الفتيس عطل ,, مكنش بيجيب d ... كان r بس... والكلام ده كانت لسه خارحة من صيانة 45000 كيلو ,,, ودافع في الصيانة 4000 جنية قطع غيار ومصنعية......
كفاية ان تيل الفرامل في التوكيل ب 1100 جنية وبيتغير علي 15000 - 20000 كيلو بالكتيير ....... والي خالها ميجبش رينو فلونس وقتها انه خاف من قطع الغيار xd

- الكورولا : عربية معلهاش كلام ... بس بلاش مانيول في الوقت ده.
- لانسر شارك : عربية جميلة بس تكنولوجيا قديمة راحت عليها (من وجهة نظري)
- فلونس : فرنساوي وبيتخاف منها في الفتيس برده ( بس عربية جميلة وناعمة)

الاهم حضرتك يفرق معاك ايه .... وسع صالون - شنطة - ولا اعادة بيع.

لو اعادة البيع ,,, استبعد كل العربيات الياباني ... وخليك في الالنترا -- السيراتو .... هما عربيات شيك من جوة وبره وعزل وهدوء وحركات ... بس مفيش اي مقارنة مع العربيات الياباني من حيث الاعتمادية.

لو ميفرقش معاك اعادة بيع :
- نيسان سنترا ,,, فل اوبشن هاي لاين
-نيسان تيدا ... هاي لاين .. عن تجربة شخصية .. عربية ناعمة جدا ,,, ثابتة... مفهاش غلطة ,,,التوكيل ممتاز ..... بس هاتش باك... لو عندك مشكلة في الموضوع ده ,,, روح علي السنترا
- تويوتا يارس ... مش عارف ايه الاوبشن بس ... هي في الاخر تويوتا.
- فورد فوكس ..... عربية الماني مفهاش مشاكل .

ده الي جه علي بالي دلوقتي .... بس لازم حضرتك تنزل المعارض وتشوف ايه في الفئة السعرية المناسبة لحضرتك ... وممكن الموضوع ياخد وقت شوية .. بس ادرس اي عربية تجبها كويس العربيات كلها فيها عيوب دلوقتي ,, والفلوس ده مش بالساهل ........ ربنا يهديك للي فيه الخير ان شاء الله

اللي محتاجة من العربية ببساطة خالص. امان ثبات اعتمادية وراحة في السواقه هتقعد معايا علي الاقل خمس سنين او اكثر مفيش نيه بيع في الوقت الحالي لكن برضو الواحد بيعمل حساب بكرة يمكن لاقدر الله احتاج ابيع فعلي الاقل ميبقاش في تعب في بيعها انا السعر ففي النهايه هيكون رزق فلو تنصحني تنصحني ب انهي عربية اكتر اقسط واعلي للفءة الاولي اتوماتيك كرولا والا تيدا وشكرا جدا جدا ليك