مشكله في الكربراتير

**Msrawy116** · 04-03-2015 11:25 AM

شباب ...
انا معايا بيجو 504 الحمد الله
المشكله ظهرت من بعد ما فكيت تنك البنزين وغسلته لدواعي عمل صيانه للعربيه وللحكات الي كانت فيها ... وهيا انها من فتره بتنتع معايا وتبطل وخاصه في المطالع والسحب الضعيف وتفتفت الشكمان .. وكل الي ااقوله يقولي وساخه بنزين . رحت كذا مره للميكانيكي بتعها قلي نفس الكلام ويفك الكربراتير والابره وتبقي زي الفل ... وبعد فتره رجعت تااااني نفس المشكله . رحت تاني للميكانيكي ونضف الابره وبقت زي الفل .
وتاني رجعت تااااني نفس المشكله رحت جايب الماده المضاااافه في البنزين لتنضيف الكربراتير وبقت كويسه .ورجعت تااااني .وبقوا سواقين الجراج عندي يعكسوا البواجي وتضرب مداافع وتبقي حلوه ..وترجع تاااااااني
رحت للميكانيكي قلي تعالي وقت تاني افك تنك البنزين وانضفه ؟
قلت لواحد زميلي في الشغل ... قلي سيبك من الاشتغالات وصرف الفلوس .... خد العربيه يوم الجمعه الصبح علي صحراوي الاسماعيليه ودوسها دوسه حلوه (اشحطها فوق 100 ) حتنضف الوساخه وتفتح الكربراتير .
اعمل ايه ؟

**Msrawy116** · 04-03-2015 03:59 PM

103 مشاهده ومحدش مر بالمشكله دي ؟؟ المشكله ان البنزين علطول مش نضيف .. يعني كل مايحصلها كده اروح افك التنك وانضفه ؟؟

**hugan** · 04-03-2015 04:03 PM

واحد استيراد الكاربراتير مالوش تصليح شغلانه كلها نصب
ولو اتفك مابيرجعش زي اﻻصلي

**ahmed_eng2001** · 04-03-2015 05:48 PM

احيانا السفر بيننظف الكربراتير ... و احيانا مش بيأثر
و متقلقش ... بعد ما نضفت التانك بالطبيعة الكربراتير لازم يتوسخ ... الموضوع ده حصل معايا و فكيت الكربراتير و نضفته 3 مرات ... بالرغم انى حاطط 3 فلاتر

**Zing0** · 04-03-2015 10:38 PM

بص يا ريس
حضرتك هتجيب منظف كربراتير أسبراى مش اللى بيضاف للتانك, ده بـ 15 ج للكربراتير (بتاع الإنجكشن بـ 20 ج , هات بتاع الكربراتير)
هتفك العمة و ترش جوه البوابات اللى فى الكربراتير و تدور العربية - ممكن متدورش فى الأول - عادى كارك مرتين فقط و دور تانى
أول متدور دوس بنزين (علشان لفات المكنه تعلى شوية) و بعدين أفصل العربية و إعكس أسلاك البوجيهات اللى فى النص (التانى و التالت) و إضرب مدفعين, و رجع الأسلاك مكانها تانى.
رش رشة كمان و بعدين لو تعرف تفك بيك السلانسية و تنضفه و تربطه تانى يبقى تمام.
بيك السلانسية برضو بيتنضف بالإسبراى.

بعد كده تنضف عمة الهوا بالكمبروسر (هوا مضغوط) و تغير فلتر البنزين ضرورى لإنه كده مليان شوائب.
الكلام ده غالباً هيحل المشكلة بإذن الله, لو لسه يبقى تروح لمعتز المصرى فى دار السلام , ده الوحيد اللى جربته و لاقيته فعلاً بيفهم, جربت قبله 2 من شبرا مشهورين جداً و نصبوا عليا فى شغل متعملش و اللى عملوه طلع بايظ... مركز الصفا كمان اللى فى جسر السويس أسمع أنه كويس بس أسعارة عالية شويتين)
ملحوظة: بعد التنضيف و مشوار محترم, المفروض تفك البوجيهات و تنضفها أو تغيرها.
أعانك الله

كربراتير
======
بيانات البشمهندس معتز المصرى
تليفون:01222648701
العنوان :12ش زهير العتال من مصر حلوان الزراعى بجوار الشبراويشى وامام كشرى كهرمان - دار السلام
من الكورنيش, هتدخل فى الشارع إللى بين المحكمة الدستورية و مستشفى القوات المسلحة ( مدخل موقف المطبعة) و آخر الشارع هتدخل شمال فى الشارع الزراعى لحد متلاقى محل "ألبان رزة" على شمالك, قبل شركة الشبراويشى, تدخل الشارع اللى قدامه يمين هتلاقى الورشة (عالم الكربراتير)

**Msrawy116** · 05-03-2015 10:01 AM

شكرا يا جماعه علي المساعده والرد ....

**hotmail** · 05-03-2015 08:57 PM

انصحك بالذهاب لمركز الصفا في اخر جسر السويس عن تجربه

**Msrawy116** · 08-03-2015 11:01 AM

المشاركة الأصلية كتبت بواسطة zing0

بص يا ريس
حضرتك هتجيب منظف كربراتير أسبراى مش اللى بيضاف للتانك, ده بـ 15 ج للكربراتير (بتاع الإنجكشن بـ 20 ج , هات بتاع الكربراتير)
هتفك العمة و ترش جوه البوابات اللى فى الكربراتير و تدور العربية - ممكن متدورش فى الأول - عادى كارك مرتين فقط و دور تانى
أول متدور دوس بنزين (علشان لفات المكنه تعلى شوية) و بعدين أفصل العربية و إعكس أسلاك البوجيهات اللى فى النص (التانى و التالت) و إضرب مدفعين, و رجع الأسلاك مكانها تانى.
رش رشة كمان و بعدين لو تعرف تفك بيك السلانسية و تنضفه و تربطه تانى يبقى تمام.
بيك السلانسية برضو بيتنضف بالإسبراى.

بعد كده تنضف عمة الهوا بالكمبروسر (هوا مضغوط) و تغير فلتر البنزين ضرورى لإنه كده مليان شوائب.
الكلام ده غالباً هيحل المشكلة بإذن الله, لو لسه يبقى تروح لمعتز المصرى فى دار السلام , ده الوحيد اللى جربته و لاقيته فعلاً بيفهم, جربت قبله 2 من شبرا مشهورين جداً و نصبوا عليا فى شغل متعملش و اللى عملوه طلع بايظ... مركز الصفا كمان اللى فى جسر السويس أسمع أنه كويس بس أسعارة عالية شويتين)
ملحوظة: بعد التنضيف و مشوار محترم, المفروض تفك البوجيهات و تنضفها أو تغيرها.
أعانك الله

للاسف انا معنديش الخبره في عمل الفك والتنضيف وحتي للاسف معنديش عده تساعد . انا عندي العده الاساسيه فقط الي بتكون مع العربيه ...
وبصراااحه كنت اتمني ان يمون عندي خبره لان اي انسان علي الطريق معرض لاي موقف وخاصه في السفر خارج علي الطرق .

**Msrawy116** · 08-03-2015 01:34 PM

بالمناسبه ....مفيش شنطه عده عربيات بتكون كامله ... وفيها كل انواع المفاتيح واللمفكات الي ممكن نتحتجها ؟ بس غير الي بتيجي مع العربيات ... اكيد بتكون ناقصه .