أنا غيرت من زيت معدنى لزيت تخليقى
العربية صنى 2002 ماشية 160,000
والحمد لله الزيت أداءه كويس وممكن ينقص على آخر الفترة بتاع 200 أو 300 ملى بس
أكمل كده؟
وهل المفروض أستخدم Engine Flush ولا مضر ؟
عرض للطباعة
أنا غيرت من زيت معدنى لزيت تخليقى
العربية صنى 2002 ماشية 160,000
والحمد لله الزيت أداءه كويس وممكن ينقص على آخر الفترة بتاع 200 أو 300 ملى بس
أكمل كده؟
وهل المفروض أستخدم Engine Flush ولا مضر ؟
ما ينفعش تحط أي زيت غير المكتوب في الكتالوج.
أنا مش بتكلم على ماركة زيت... أنا بتكلم على مواصفات.
لازم نعرف الكتالوج كاتب إيه والزيت اللي حضرتك حطيته إيه .. وبعد كده نشوف إذا كان الفلش مطلوب ولا لأ.
...
أنا قرأت كل مواضيعك وفاهم النقطة بتاعة اللزوجة
الكتالوج اللى قدرت أوصله على النت عرفت منه معلومات الزيت
وفيه كذا درجة متاحة بس مش منهم 5w40
لكن كل ملاك نيسان صنى على جروب الفيس بوك بيحطوها فقلت يمكن الكتالوج اللى وصلت له مش بتاع عربيات الشرق الأوسط وهم أكيد معاهم كتالوجات عربياتهم وفيهم ناس فاهمة كويس وحطيت 5W40
API: SM
كده تمام ولا ايه
الكتالوج اللى جبته فيه الكلام ده
http://store1.up-00.com/2015-03/1425552369171.png
http://store2.up-00.com/2015-03/1425551895131.png
ومكتوب عليه كتالوج N16
لو الكتالوج مضبوط يبقى كل الجروب بيحط درجة لزوجة غلط
وبالنسبة للفلاش إيه رأيك ؟
هو مبدئيا... الكتالوج مديلك اختيارات كتير... ودي حاجة كويسة في حد ذاتها.
أتوقع إن الكتالوج ده يكون غير الكتالوج اللي بيجي مع العربية... تقريبا الكتالوج ده بتاع أمريكا أو كندا.
لو تقدر تجيب صفحة الزيت بتاعت الكتالوج المصري أو أي الياباني اللي نزل معاها يكون أفضل بدون شك.. ماعتقدش إن كل الناس اللي على جروب نيسان مفيش منهم حد معاه الكتالوج!!!
عموما... لزوجة 5w-40 كويسة في درجة حرارة التشغيل (خصوصا لما يكون ثرموستات الكوعة سليم ومحافظ على حرارة التشغيل السليمة)... بس بداية التشغيل على البارد بتبقى أقل من المطلوب.. خصوصا في الصيف.
كود الـapi أكيد متغطي بالـsm.. ومش محتاج كلام زيادة.
عايز رأيي.. خليك في 10w-30 وده أتوقع تلاقي منه تخليقي أو نصف تخليقي .. أو 10w-40 وده ممكن تلاقي منه نصف تخليقي.
طبعا الكلام ده لحد ما نلاقي صفحة الزيت البتاعت كتالوجها.
...
التخليقي غالي علي مكنة عدت 100,000كم .عاوز تكمل عادي او استخدم معدني .اللزوجة المناسبه 15w40
الفلش كل شغلته ينزل بواقي رواسب الكربون من جدران البلوك ويخلي الزيت المحطوط جديد يبان انضف .لكن هو حاجة كماليه .اي زيت متور محترم شغلته يلم ذرات الكربون ويعلقها فيه والزيت الجديد اللي يبان
مسود زيت كويس شايف شغله وبيغسل المكنه
اللى انا حاطه ليكوى مولى
10w40 فيه منه تخليقى بالكامل من ليكوى مولى. وفيه منه نصف تخليقى
طيب معلش فيه جملة مش فاهمها
(بس بداية التشغيل على البارد بتبقى أقل من المطلوب.. خصوصا في الصيف.)
هل تقصد إن اللزوجة فى الوقت ده أقل من المناسب للجو عندنا ... لأنى فعلا فكرت أحط 10W40 مع دخول الصيف بسبب كده
وما قولتيش رأيك أعمل فلاش ولا لأ مع الغيار الجاى ..
وأنا هحاول أجيب الكتالوج من حد زميلى مشتريها زيرو بس 2012.. موتورها 1600 وأنا 1300 .. هل تفرق ولا أمشى على الكتالوج بتاعه
فعلا زي ما حضرتك قلت.. الزيت هيكون خفيف في بداية التشغيل لإن الجو حر في الصيف.. وده معناه تآكل زيادة..
ما تنساش إن أكتر وقت بيحصل فيه تآكل هو في بداية التشغيل.
بالنسبة للفلش.. فخلي بالك من نقطة مهمة..
الزيوت التخليقية فيه منها 3 أنواع.. منها نوعين بيسببوا المشاكل بتاعت التسريب.
المهم.. النوع اللي مش بيسبب التسريب هو أقلهم على مستوى الجودة.. وغالبا هتلاقي مكتوب على علبة الزيت بتاعت ليكوي مولي "hc-synthesis" .. أو "synthesis technology"..
المهم.. لو لقيت الجملة دي مكتوبة عالعلبة يبقى مش محتاج فلش ..
غير كده لازم تعمل فلش... واحتمال كبير الجوانات والأويلسيلات تجيب زيت وتضطر تغيرها كلها.
...
آه... بالنسبة للكتالوج..
متهيألي الكتالوج اللي حضرتك قلت عليه ده ينفع.. لإن غالبا الموتور ال1300 وال1600 هما الاتنين من نفس العيلة وليهم نفس التصميم .
ولو لقيت كتالوج ال2002 يكون أدق شيء بدون شك.
وربنا يوفقك :)
متشكر جداً على اهتمامك
وربنا يزيدك علم وخبرة