الموضوع: قسم الشارك قسم داخلي جديد

الكاسيت مش مشكلة انا ركبت كاسيت ( cd- GPS- بلوتوث ) وبتاع الانسر بقيمة 2800 جنيه من شارع دمشق

وده لان الكاسيت الاصلي فاضي وبصراحة خسارة سيارة بالجمال ده ويبقى الكاسيت فقير جدا بالشكل ده

روحت شارع دمشق وغيرته من غير كلام

انا عضوةجديدة في المنتدى ، ولسه جايبه لانسر شارك وهارخصها بكره ان شاء الله بس انا لما استلمت الورق بتاعي من المعرض ما أخدتش ضمان وهناك قالولي اني بعد ما أرخص هاكلم التوكيل وافعل الضمان بس مش المفروض يكون في كتيب صيانات ولا ايه؟

المفروض يكون هناك كتيب لتدوين صيانة السيارة شامل الضمان

انا استلمت الكتيب والضمان من الرواس مع السيارة

عندى استفسار هوا فعلا العربية قبل صيانة ال1000 بتبقى لسه بتلين وماينفعش اسافر بيها اسكندرية مثلا ؟ وماينفعش اشغل التكييف بتاعها قبل صيانة ال1000؟ هل دا فيه ضرر على العربية ، وعندى سؤال تاني هيا الستائر بتاعة العربية بتبقى مخالفه من مخالفات المرور زي الفاميه ؟

اشكرك استاذ Abo Bassem فعلا المعرض كلمني وروحت اخدت كتاب الضمان بس كانوا مستنيين لما أرخص العربية

السلام عليكم
مبروك القسم الجديد
ان شاء الله يكون مرجع لكل واحد عنده سؤال عن موضوع القسم
كنت حابب استفيد من الخبرا ت السابقة فى اللانسر شارك لكن موديا 2009 او عموما الموتور 1500 اية هى مشاكله و كمان كفاءة الفتيس و سحب العربية و الصيانة و قطع الغيار و الثبات على الطريق لانى ناوى ان شاء الله عليها و ياريت اعرف سعر العربية اللى بتكلم عليها لو عدداها مش عالى وحالة الدهان فابريكة داخل و خارج
وشكرا جزيلا على المساعدة