المشاركة الأصلية كتبت بواسطة mahmoud naguib
بص يابطل خد مني الزتونة بقى
القطط أنواع كتيييييييييييييييير جدا بس اللي منتشر جدا ف مصر الشيرازي لرخص تمنه وبرضه شقاوته
بس اللي بيفهم ف القطط صح بيختار الهيمالايا خصوصا إن شعرها طويل جدا ورجولها قصيرة ولطيفة جدا وعشرية
الهيمالايا هي كمان بتنقسم أنواع
هيمالايا مون فيس ودي اللي انت عارض صورتها ودي سعرها ميعديش 250 جنيه (اللي ب 400 دي غالية) !!
هيمالايا تشوكليت ودي برضه زي المون فيس بالظبط بس سعرها أقل شوية وبتكون لونها أغمق
هيمالايا هاف بيكي فيس ودي بيبقى وشها مدور وأنفها تحت خط عنيها بحاجة بسيطة جدا ودي سعرها من 300 ل 600
هيمالايا بيكي فيس زورار ودي بقى بتلاقي أنفها ف نفس مستوى خط عنيها ويمكن أعلى شوية وسعرها من 800 ل 2000
هيمالايا بلو ودي أغلاهم وصعب تلاقيها ف مصر أصلا بيزيد سعرها عن 2000 وشعرها طويل جدا وبتحتاج عناية فائقة بس هي رائعة الجمال !
عامة الهيمالايا صعب تلاقيه للتبني فممكن تشتريه من على دوبيزل في ناس بتربيهم وتعرضهم بيكونوا كويسين برضه
وبرضه علشان تجيب حاجة لطيفة وحلوة هات هاف بيكي فيس ودي من 300 ل 600 سعرها
رقمي ف التوقيع لو عندك واتس ابعتلي عليه أي حاجة جديدة تشوفها وتعجبك علشان أقولك تستاهل سعرها أو لآ !
بالتوفيق