مبدئيا الجهاز اللى عند حضرتك من 7 سنين دلوقتى مش هيساوى اى حاجة
يعنى متفكريش تحدثية ولا تصرفى علية جنية واحد
حضرتك يا دوبك تاخدى الهارد والcd منة وشكرا على كدة
او لو لقيتى لية مشترى بحالتة يبقى زى الفل لان غالبا الهارد اللى فية هيكون داتا ومش هيعدى 160 جيجا
اسلم واسهل واجمل حل انك تشترى واحد استيراد (استعمال خارج)
انزلى على مول البستان اللى فى التحرير وانتى هتلاقى طوفان من الاجهزة فى الاربع طوابق بتوع المبنى اسئلى واتفرجى براحتك خالص واشترى اللى يناسبك
وخلى بالك الاجهزة الاستيراد دى عملية جدا جدا وشغالة معايا طحن فى البيت وفى المحل وجبت منها لقريبى كمان والاهم سعرها فى المتناول
يعنى ممكن تلاقى كيسة مواصفاتها معقولة جدا وتبدا من 450ج ومش هتحتاجى تصرفى عليها حاجة وبيديلك عليها ضمان كمان او تجربة حوالى اسبوع او 15 يوم ولو فيها حاجة بتبدليها من نفس المكان بواحد تانى
لكن عشان تجمعى او تشترى جهاز جديد (كيسة) هيبقى غالى على الفاضى
وربنا يوفقك
المفضلات