السلام عليكم و رحمة الله و بركاته
كل عام و حضراتكم بخير بقرب حلول عيد الاضحى المبارك
و بالمناسبة سعر كيلو الاضحية كام دلوقتى ( سواء عجول او خراف ) ؟
السلام عليكم و رحمة الله و بركاته
كل عام و حضراتكم بخير بقرب حلول عيد الاضحى المبارك
و بالمناسبة سعر كيلو الاضحية كام دلوقتى ( سواء عجول او خراف ) ؟
العجول الجاموسي ب 17 جنية
البقري بحوالي 19 جنية
الاسعار دي من مزارع ... بالتحديد في طريق بلبيس
انا لسه سائل علي الخراف من ساعه كده فعرفت ان سعر كيلوا البرقي 25 جنيه
والبلدي حوالي 27 جنيه
والفرق بينهم ان البرقي من غير (ليه) والبلدي ليته كبيره وبتوزن كتير
واوزانهم من 30 ل60 كيلوا وفيه اكبر بس معرفش ايه نظامه
هو الفرق بسيط
البقري بيبقى افضل قليلا في نوعية اللحم .... ده بالنسبة لمعظم الناس لكن فيه ناس برضه بتفضل الجاموسي ...
البقري بيرمي لحم اكتر من الجاموسي بقليل لأن عضم الجاموسي اتقل من البقري و اكتر
واعتقد بالنسبة لشكل الحيوان الجاموسي و البقري معروف ...
لكن برضه للي ما يعرفش
البقر بيبقي لونه اصفر او اسود او اسود × ابيض
الجاموسي كله لونة رمادي غامق ... لكن الصغير بتلاقي لونه فاتح شوية
واتلجاموسي اللي لسة صغير اوي بيسموه بتلو
نصيحة عامة ... افضل وزن للعجول البقري او الجاموسي ....من 320 الي 370 .... او 400 كحد اقصي ... ده الوزن اللي يرمي لحم بنسبة كويسة ... اقل من كدة بيبقى العضم كتير ... واكتر من كدة بيبقى الدهون كتير
انا السنة اللي فاتت جبت من مزرعة في طريق بلبيس الصحراوي علي بعد 15 كيلو من القاهرة .... حجزت ... ويوم العيد وزننا ودفعنا الباقي و الدبح في المزرعة ... بيبقى فيه هناك اطقم جزارين بيعملو كل حاجة واسعارهم معقولة .... يعني بتاخد اللحمة بتاعتك و تروح بعربيتك ... بدون نقل العجل و المشاكل والدبح في الشارع او مدخل العمارة والكلام ده
غالبا ممكن 6 اشخاص يشتركو في العجل ...وممكن 4 وفيه اللي بيدبح اكتر من عجل لوحده حسب مقدرة كل واحد ...
....
دي تليفونات اصحاب المزرعة ممكن تسأل بالتفصيل .وطبعا حاول تفاصل في السعر لو قدرت
0105599991
أو 0103135555
افتكر اسمها مزرعة البيان او البلاغ مش متأكد
لو حد عاوز يعرف اي حاجة ممكن يسألني ... علي قدر معرفتي ح احاول افيدكم
وربنا يتقبل من الجميع
مش عارف والله يا محمد ... انا اتعاملت في العجول فقط معاهم وما شفتش خراف هناك .... لكن تقدر تتصل وتسألهم وتتأكد منهم
معظم الناس بقت تفضل العجول علي الخراف ... الخراف غالية ومش بترمي لحم كتير عشان الفروة والليه و طبيعة لحم الضأن لازم يبقى مختلط بالعظم
....
اخي blackverna الشكر لله لو عندك استفسار تاني انا تحت امرك
ويا رب السنة الجاية يكون الذبح في الحج ... في منى
المشكله ان كل الناس دول حراميه
و الله انا مره جبت لحمه ووزعتها بتمن الخروف
الخروف مش بيطلع لحمه تسوى فلوسه ابدا غير ان انت ممكن يضحك عليك
هو موش رأى دينى
بس انا فكرت فيها ان الناس هتستفاد اكتر بدل السرقه اللى عينى عينيك ديه و اكيد ربنا عارف النيه و ربنا يحاسبنى على قد نيتى
بصو يا جماعه انا داخل معاكو فى حكايه لو فيه 6 يخشو فى عجل ديه
انا شايفها احسن من الخراف
انا معنديش قرايب فلو حد فيكو يقلبنى اخش معاه يبقى جزاه الله خيرا