الموضوع: تعليق على توكيل دايهاتسو

أستاذ خالد ممكن تتعامل معانا كما تريد ان نتعامل معاك
حضرتك قولت دلوقتي

لذا أرجو من حضرتك و باقي الزملاء الأفاضل استبعاد ما يجول في (الخاطر الشخصي للقارئ) ما لم يصرح به كتابة مني أو من الزملاء الأخرين.

ومن قبلها قولت

طلبت تعليق أحد الأعضاء الأفاضل (أحد مهاجمي رينوبضراوة) لم يعلق تعليق قاطع بل كان تعليقه أن الزبون دائما على حق (شئ مفروغ منه) و لما أجبته بأنني لم أصادف موقف مماثل من توكيل رينو Eim لم أحظى بر حتى الأن

ومتهيألي حضرتك بتلف وتدور في حلقة مفرغه

يعني ايه لازمة الكلام بنوع من التخفي مع ان الكلام واضح ان انا العضو المذكور
بصراحه الأسلوب ده بيستفزني جدا

لأن بحس ان الواحد مش قادر يواجه بالكلام مباشرة

متهيألي حضرتك محتاج رد تاني
ممكن تبعتلي رسالة او تكتب موضوع مخصوص لكده

مش كده افضل

وبعدين حضرتك محتاج ايه بالظبط ؟؟؟

عاوزني اقولك ان توكيل رينو ممتاز ومفيش زيه اتنين في مصر
انا بقولك ان توكيل رينو خدمته كويسه ولكن زيه زي اي توكيل في مصر
شغال في الحلو والوحش
شغال فيه اللي بيفهم واللي مبيفهمش
شغال فيه اللي بيحب يساعد واللي مبيحبش يساعد

وعموما انا شخصيا ليا تجارب معاهم وكان عطل في عربية كليو
والعربيه ذهبت لهم اكتر من 6 مرت علشان العيب ومكنوش عارفين يصلحوه
او بلاش نقول مش عارفين يصلحوه
متصلحشي

ومع ذلك انا عارف ان توكيل رينو كويس وبيخدم عملاءه كويس
ولكن كل حاجه في الدنيا لها تركات
مفيش حاجه كامله عاطول
وهو ده اللي اقصده من كل كلامي
انا كلامي ليس للهجوم على توكيل بعينه
ولكن كلامي ان لازم يبقى في عقلانية في الكلام
قبل ما اهاجم التوكيل او اي حاجه لازم احط اعتبارات كتير ولازم احط نفسي مكانهم
وهو ده اللي كتير من الأعضاء لما يقيس توكيل مش عاجبه تلاقيه بيقيس ان كل حاجه لازم تبقى ميه ميه
مش اكتر ولا اقل
لو كان الرد مش واضح ومحتاج زيادة كمان
ياريت تقولي علشان ابعتهولك على الخاص

وانت تأمر في اي وقت ولكن بلاش التمويه في الكلام المرسل
فانا لن أزعل اذا قولت ابو عبدالله مردش عليا

المشاركة الأصلية كتبت بواسطة khaled lanos

لا أذكر أني طلبت من حضرتك متابعة مجريات الأمور أو تعرفي على ما ينتهي (هذه حريتك الكاملة و لا تحتاج إقتباس من رسالتي لكتابة تعليق حضرتك).
بالإضافة إلى أن وصف الحوار بأنه (تصفية حسابات شخصية) أخشى أن يوتر الحوار المفتوح و هذا مستبعد تماما (كما أرجو).
لذا أرجو من حضرتك و باقي الزملاء الأفاضل استبعاد ما يجول في (الخاطر الشخصي للقارئ) ما لم يصرح به كتابة مني أو من الزملاء الأخرين.
مع وافر التحية للزميلة.

اما بخصوص ردك على استاذه علا
فأظن انه رد غير لائق تماما للموقف
لأن استاذه علا من ملاك العربيه
ولها كل الحق في الرد ومتابعة اي موضوع خصوصا انه بيتكلم على توكيل العربيه بتاعتها

أظن ان حضرتك ليس معك دايهاتسو ولا يهمك توكيل دايهاتسو في شئ
فأنا ارى ان احق واحد له الحق في الموضوع هيا استاذه علا

ان كنت تريد اي كلام اخر فممكن تبعته على الخاص لأن الرد والكلام على توكيل رينو
ليس بالشئ المهم لأي احد هنا في ساحة دايهاتسو

لو عاوز تتكلم عن دايهاتسو فممكن عادي اما غير ذلك يعتبر خارج نطاق الساحة هنا

ولكل جزيل الشكر