بيجو 301 صيانة 10000كم

**MR.ROBOT** · 16-03-2015 10:39 PM

المشاركة الأصلية كتبت بواسطة temo2004

اتصل واحجز او روح على طول في اي يوم تعرف تروح بدري وقولهم اكشفوا على التيل ولو خلص غيروه في الضمان و ازاي اجي وامشي ونفس المشكلة موجودة
في الغالب التيل عندك لسه فيه شويه هتلاقيه صنفره ورجلش دواسة الفرامل . انت متسيبهومش غير لما تعرف التيل فاضل فيه اد ايه لو مش هيكمل للصيانة الجاية وده المتوقع متتنازلش عن انهم يغيره في الضمان ولو لسه مكملتش 10000 ارجوك الحق عشان بيتللكوا على الحكايه دي

لا الحمد لله انا لسه 9300 كم .. على كلامك ده انا هكلمهم بكرة واحجز تاني .. بس خايف اضرب المشوار فعلا على الفاضي وفي الاخر يقولولي كشفنالك ولسه فاضل فيه حتة والصفارة عادي "زي مسمعت من ناس قبل كده مرت بنفس التجربة" .. هل في الحالة دي من حقي اجبارهم على تغييره ؟!
ولو حصل وغيروه وهو في الضمان معقوله مش هياخدوا مصنعية تاني ؟!

متشكر جدا لاهتمامك :)

**temo2004** · 17-03-2015 12:24 AM

لو مش هيكمل للصيانة الجاية حقك ولازم تتاكد فاضل اد ايه اصلا عشان لو خلص وبوظ الطنابير معاه هيغير الاتنين في الضمان ومبتدفعش مصنعية الشركة في فرنسا بتحاسبهم على الحاجة اللي بتتغير في الضمان ومصنعية تركيبها كمان
اقفش معاهم انك مش هتفضل ماشي والتيل بيخلص كده ده بيأثر على قوة الفرامل وممكن يتسبب في مشاكل تانيه

**MR.ROBOT** · 17-03-2015 07:53 PM

المشاركة الأصلية كتبت بواسطة temo2004

لو مش هيكمل للصيانة الجاية حقك ولازم تتاكد فاضل اد ايه اصلا عشان لو خلص وبوظ الطنابير معاه هيغير الاتنين في الضمان ومبتدفعش مصنعية الشركة في فرنسا بتحاسبهم على الحاجة اللي بتتغير في الضمان ومصنعية تركيبها كمان
اقفش معاهم انك مش هتفضل ماشي والتيل بيخلص كده ده بيأثر على قوة الفرامل وممكن يتسبب في مشاكل تانيه

متشكر لحضرتك جدا جدا على النصايح اللي ملهاش اخر .. ربنا يجزيك كل خير :)

**MR.ROBOT** · 20-03-2015 04:47 PM

بالفعل روحتلهم فجأة الخميس وبعد محكيت اللي حصل .. عملوا اوردر كشف على التيل وبعد شوية قالي فعلا عايز يتغير .. بس اللي متاح عندنا دلوقتي هيكون على حسابك انما لو جيتلنا يوم السبت هيكون اللي في الضمان موجود ويبقى على حسابنا بس متعديش ال 10000 .. وانا كنت على وشك الوصول لل 10000 .. سألت عن حكاية التيل اللي على حسابي والتاني اللي على حسابهم ده .. قالولولي ان الاصلي اللي جي من فرنسا جيه بس لسه بيتسجل وبتاع
خلاصة القول المهندس قالي حضرتك استنى معانا شوية وهنركبلك التيل وكله هيبقى تمام
وفعلا حصل بدون دفع مليم زيادة .. ودي القصة لافادة الغير
على اي حال متشكر جدا للنصايح :)