السلام عليكم
كنت عاوز اعرف ايه خطوات عمل تظلم بسبب مخالفات علي العربية ,,, عاوز اعرف بعمل التظلم في المرور التابع ليه العربية ولا ليه مكان معين بيتعمل منه
وبياخد وقت اد ايه ,,, وياتري بيجيب نتيجة ولا
عرض للطباعة
السلام عليكم
كنت عاوز اعرف ايه خطوات عمل تظلم بسبب مخالفات علي العربية ,,, عاوز اعرف بعمل التظلم في المرور التابع ليه العربية ولا ليه مكان معين بيتعمل منه
وبياخد وقت اد ايه ,,, وياتري بيجيب نتيجة ولا
عملته قبل كده ...بتروح الدراسه ويحددو جلسه و اتأجلت مرتين ...وفي الاخر عكس اتجاه مبتتخفضش..وبعد كلام ووجع قلب 1550 بقت 1250 تقريبا
يمكنك التظلم علي هذا الموقع
http://www.egypt.gov.eg/services/loa...ction=personas
التظلم بتبقى نتيجته غالبا في نفس اليوم من رئيس نيابة مرور الدراسة .. اما المعارضة و هي الاقوى و الاكثر فاعلية في التخفيض فبيتحدد لها جلسة .. و بتقدم ع المعارضة من مرور عربيتك و بيعرفك وكيل نيابة مرور عربيتك بمعاد جلستك في مرور الدراسة .. انا عملت معارضة على مخالفات ب 1450 ج و كانت الجلسة بعد شهر .. يعني بعد شهر السماح بتاع الرخصة بيومين تقريبا .. حضرت الجلسة و بيبقى اللي ماسكها طبعا قاضي معاه كل الصلاحية بدون ما حد يراجعه في انه يخفض زي ما هو عاوز لانها قضية و حكم القاضي يرجع ليه لوحده من غير ما يراجعه اي حد .. المهم خفض ليا المخالفات من 1450 ج ل 100 ج بس .. و سددت في الدراسة لانها ماكنتش نزلت نتيجة الجلسة و الربط الاخير للمخالفات على كمبيوتر مرور العربية " مدينة نصر " .. و الحمد لله تمت بسلاسة فوق ما كنت اتصور ..
لالالا من غير محامي .. لانه اجراء واضح انه طبيعي و ناس كتيرة معتادة عليه .. حتى كان الرول بتاعي 112 من 1050 رول !!! و الكل بيتخفض له تخفيض محترم من غير وسايط لانه بصراحة فيه تقدير من القاضي من ظلم الافراد بتوع الشرطة اللي هم الامناء اللي ماسكين نموذج 125 بتاع تحرير المخالفات .. و سمعت انه جاري سحب دفتر المخالفات من الامناء لان ليهم وقائع استغلاله بتعنت مع الشعب .. لدرجة ان امين شرطة كان كل يوم يحرر لرئيسه في العمل ضابط شرطة مخالفة اصطباحة من غير علمه .. و اثناء تجديد الضابط لرخصته وجد 11000 ج مخالفات !! فعمل معارضة و في الجلسة اخبر القاضي بحكم انه ضابط رتبة فمعاه بوكس شرطة بيتحرك بيه .. فازاي اتعملت المخالفات دي و العربية مركونة باستمرار ؟؟ تتبع القاضي دفتر المخالفات نموذج 125 و دقق في امضاء محرر المخالفة فوجدها واحدة !!! ثم وجد جميع دفاتر المخالفات المحررة ضد الضابط مصروفة لشخص واحد !!! فبالسؤال في الارشيف او في القسم المسؤول عن صرف الدفاتر علموا انه ذلك الامين !!! و اترفعت جميع المخالفات عن الضابط و اتنقل الامين استبعادا لاحدى قرى الريف ..
الواقعة دي محكية من وكيل نيابة في الدراسة ليا شخصيا و انا بسدد مخالفتي و كنت بشكر القضاء على تقديره للظلم الواقع عليا في المخالفات و رفعها عني .. فقالي احنا لامسين ظلم الامناء و قبضهم للرشاوي ثم حكى لي تلك الواقعة الصادمة !!!
يعني حضرتك البداية منين؟
بعمل طلب معارضة في نيابة المرور التابع ليها وبتابع معاهم علشان أعرف ميعاد الجلسة وبعدين أحضر يوم الجلسة و القاضي بيخفض المبلغ تمام كده
أنا كنت في نيابة المرور من اسبوعين كانوا بينادوا المخالفات قبل وبعد ما تتخفض مثلا 1000 جنيه واتخفضت لـ200 جنيه هل ممكن بعد كده لو حد عليه فلوس يعمل معارضة؟
طيب بالنسبة للتظلم من خلال هذا الموقع بيكون ايه نظامه