اقتباس المشاركة الأصلية كتبت بواسطة mahmoud hatem مشاهدة المشاركة
طب واخدت وقت اد ايه بعد ازنك
التظلم بتبقى نتيجته غالبا في نفس اليوم من رئيس نيابة مرور الدراسة .. اما المعارضة و هي الاقوى و الاكثر فاعلية في التخفيض فبيتحدد لها جلسة .. و بتقدم ع المعارضة من مرور عربيتك و بيعرفك وكيل نيابة مرور عربيتك بمعاد جلستك في مرور الدراسة .. انا عملت معارضة على مخالفات ب 1450 ج و كانت الجلسة بعد شهر .. يعني بعد شهر السماح بتاع الرخصة بيومين تقريبا .. حضرت الجلسة و بيبقى اللي ماسكها طبعا قاضي معاه كل الصلاحية بدون ما حد يراجعه في انه يخفض زي ما هو عاوز لانها قضية و حكم القاضي يرجع ليه لوحده من غير ما يراجعه اي حد .. المهم خفض ليا المخالفات من 1450 ج ل 100 ج بس .. و سددت في الدراسة لانها ماكنتش نزلت نتيجة الجلسة و الربط الاخير للمخالفات على كمبيوتر مرور العربية " مدينة نصر " .. و الحمد لله تمت بسلاسة فوق ما كنت اتصور ..