سوف احكي لكم عن تجربتي مع BMW
اشتريت منذ شهر تقريبا سيارة 525 موديل 2002 و عامله 94 الف ميل ودي اول سيارة الماني امتلكها في حياتي
لاحظت ان الجزء الديجيتال في العدادات به نقاط ممسوحه و اكتشفت انه عيب معروف في هذه الموديلات
عملت بحث على الانترنت و وجدت ان الشركة الام BMW في امريكا ممكن تتولى الاصلاح برغم ان السيارة خارج الضمان من 2007 .
اتصلت و بعد مكالمتين اتصل بي واحد من الشركة وقاللى اختار المكان القريب لك عشان التصليح و قاللي انه لان القطعة غالية (حوالي 700 دولار) احنا ندفع 50% وانت الباقي و مصنعية التركيب قلتله موافق وقفلت التليفون
بعدها بحوالي 5 دقايق لقيت الراجل بيتصل تاني و بيعتذر وقاللي ان احنا حنشيل تمن القطعة 100% لانه حسب عمر السيارة غلط و قالي روح التوكيل القريب منك وانا حابلغهم.
خدت موعد ورحت التوكيل
لقيت فعلا الراجل بعت email و تم التركيب بدون مشاكل بعد دفع المصنعية مخفضة زي ما التوكيل بيحاسب الضمان صحيح المصنعيه امريكاني 129 دولار بس هنا دة رقم بسيط بالنسبة لتوكيلات السيارات لان هنا الحد الادني لفحص السيارة 90 دولار في التوكيلات الياباني اذا لم تقم باي اصلاحات يعني تشخيص العيب فقط

بذمتكم مش حاجة تفرح و تغيظ في نفس الوقت
شاري العربية مستعمل واصلحها على حساب الضمان
صحيح يا ما انتوا متهنيين يا اهل البندر