الموضوع: للاهمية محتار مابين فلوانس و ياريس

المشاركة الأصلية كتبت بواسطة أحمد عيسى

انا كنت حيران نفس حيرتك بس استقريت على الفلوانس واشتريت الفئة التالتة منها بس بصراحة كل حاجة ليها ميزة وعيب بالنسبة للتويوتا مش عالية عالارض وهتحك معاك فى المطبات شنطة صغيرة اوبشن مش عالى مميزاتها موفرة للبنزين لكن على حساب وزن العربية الخفيف الفلوانس عالية على الارض صالون اوسع واكبر شنطة كبيرةجدا تكنولوجيا عالية مش موجودة فى السعر ده لكن العيوب فى نظرى صياناتها فى التوكيل مبالغ جدا فيها اول صيانة ال1000 ب 1150 جنيه زيت وفلتر زيت وهواء بسسسس والباقى مصنعية طبعا قمة الأستعباط ولو عاوز احط زيت غير توتال اطلع برا الضمان وقطع غيار اغلى من ال bm وال مرسيدس كمان بربيز خلفى 3800 جنيه غير 300 تركيبه مراية ضم اكتر من 2400 جنيه ليه دى مراية _ التوكيل مأفور اوى رأيى هات الياريس وخد مطباتك بالعرض وفى سفرك متزيدش عن 120 _ كفاية ان اى ميكانيكى عارفلها وبردو شوف رأى الأغلبية

هى الاسعار تعتبر غاليه بس مش لدرجه البى ام او المرسيدس :) حضرتك كده بتبالغ جدا ...
يكفى انى اقولك كمثال واحد ان المرايات الضم فيهم ب ٧ الاف للوحده !!! و الزجاج الخلفى ب ٨ الاف !!!
الزجاج الامامى للفلوانس فى التوكيل ب الفين جم ... فى حين المرسيدس ٥ الاف ... و معروف ان الخلفى دائما اغلى من الامامى فى كل العربيات ... و لو بحثت عن د جريش حتلاقيه ارخص بكتير ...
كما ان اسعار قطع الغيار التويوتا الجديد مقارب للفلوانس و ممكن اغلى ...
و تأكد من اسعار الكورى الحديث ... حتلاقيه مقارب جدا ... عموما كل الجديد غالى يا باشا ... مقوله ان قطع غيار الرينو غالى دى كان زمان :)
تحياتى ...