المثلث العاكس صناعة المصانع الحربية المصرية ب 30ج فقط(بمعارض الجيش وبنها للإلكترونات)

المثلث العاكس صناعة المصانع الحربية المصرية ب 30ج فقط(بمعارض الجيش وبنها للإلكترونات) والصورة بالأسفل

لمن لم يشتري المثلث العاكس
المثلث الخاص بالمصانع الحربية
سعره 30 جنيه
خاماته متينة جداً
ووزنة جيد بحيث يثبت على الأرض

الأسعار الآن وصلت في السوق للمثلث النظيف ب 70 جنيه وممكن يكون صيني بخامات رخيصة ورديئة

بالصدفة كنت بفرع شركة بنها للإلكترونات بعمارات الضباط المتفرعة من جسر السويس
ولقيت المثلث عندهم
وأخبروني أنه يباع بجميع معارض منتجات المصانع الحربية وشركة بنها للإلكترونيات

وهذه صورته:
http://www9.0zz0.com/2008/11/08/17/374243190.jpg

شكرا على التنبية بس هو بيطوى
والعمارات دى عند التجنيد؟

اقتباس:

---

المشاركة الأصلية كتبت بواسطة شريف

شكرا على التنبية بس هو بيطوى
والعمارات دى عند التجنيد؟

---

تقريبا هذا المثلث لا ينطوي رغم إني غير متأكد (هو أنا شوفته زي الصورة ولم أحاول التأكد من طيه)

هذه العمارات بجوار إدارة تجنيد الحلمية
تجعل التجنيد على يسارك في شارع جسر السويس وتنزل كبري التجنيد بإتجاه السلام وتسيب أول فتحة يمين بعد الكبري وتدخل في تاني فتحة (شارع الشيخ أبو العيون) وهتلاقي الشركة تقريباً خامس عمارة شمال

هل تنطبق عليه المواصفات؟
لأن كانوا من حوالى شهر كده كتبوا مواصفات للمثلث غير المواصفات اللى اتقالت فى أوائل تطبيق القانون الجديد...
قالوا انه يكون مفرغ من الداخل.. ويكون الضلع لونين... وطول الضلع تقريبا 40 سم... ويحتمل رياح بسرعة حتى 60 كلم/س دون أن يتحرك (مش عارف حنتأكد منها ازاى دى :) )
لو فيه المواصفات ديه يبقى الواحد يجيبه وهو مغمض.. أنا أساسا من مشجعى منتجات المصانع الحربية وما بقى من مصانع محترمة لشركات قطاع الأعمال العام زى شركة بنها للالكترونيات

هذا المثلث غير مطابق للمواصفات
لأنهم أشترطوا وجود لونين فى المثلث
أضلاع المثلث من الخارج أحمر ومن الداخل أضلاعه برتقالى
بالإضافة إنهم أشترطوا وجود علامة على المثلث لم يحددوها بعد
تفيد إن المثلث مطابق للمواصفات القياسية

اقتباس:

---

المشاركة الأصلية كتبت بواسطة hanystar

هذا المثلث غير مطابق للمواصفات
لأنهم أشترطوا وجود لونين فى المثلث
أضلاع المثلث من الخارج أحمر ومن الداخل أضلاعه برتقالى
بالإضافة إنهم أشترطوا وجود علامة على المثلث لم يحددوها بعد
تفيد إن المثلث مطابق للمواصفات القياسية

---

قالوا في الأهرام أن الشروط التي أعلن عنها سابقاً إتلغت

مش قالوا فيه برتقالي داخل الاحمر ويكون المثلث فاضي مش يعني مفرغ ؟؟؟؟؟؟
ايه الحل لو ده مطابق يبقى كويس اوي
لو مش مطابق قولوا ايه المطابق

يعنى ايه يقولو مواصفات و بعدين يلغوها و يحددو ميعاد و ياجلوه و يصدرو قوانين بدون دراسة التطبيق

صباح التوهان

يعني لغوا المواصفات ؟؟!؟؟!!؟!؟؟!


ياااااادي النييلة

اقتباس:

---

المشاركة الأصلية كتبت بواسطة Ahmed Samy

يعني لغوا المواصفات ؟؟!؟؟!!؟!؟؟!


ياااااادي النييلة

---

بيدوا نفسهم فرصة كمان ثلاثة شهور لوضع المواصفات
فعلاً ضياع الضياع

يعنى ايه يقولو مواصفات و بعدين يلغوها و يحددو ميعاد و ياجلوه و يصدرو قوانين بدون دراسة التطبيق

صباح التوهان

موضوع المثلث ده انا اتخنقت منه .......... و الكلام كتبر و محدش فاهم ايه المواصفات و ايه المطلوب و قلبت عك في عك :k43:

لو حد عنده فكرة عن أحدث الشروط للمثلث ياريت يقول

انا قرأت انه "لازم وجود علامة تطابقه مع المواصفات القياسية"


عموما احنا لسه امامنا لغاية اول فبراير


ربنا يحلها ساعتها

بلد مهلبية بالتقلية
مش عارفين يحطوا شويه مواصفات اللى هما اصلاً بينقلوها من اى حته
و تقولى يوضعوا قانون توزيع ملكية الدولة !! :k16:

مش لما يشوفوا المثلث و الشنطة الاول !؟

بلد تفرس و تشل :k17: