السلام عليكم ورحمة الله وبركاته
أن شاء الله ناوي اشتري شانجانcs35 بس قلقان من خدمة ما بعد البيع وتوافر قطع الغيار في السوق
يا ريت اللي عندة سيارة شانجان يفيدني في الموضوع ده
وجزاكم الله خيرا
عرض للطباعة
السلام عليكم ورحمة الله وبركاته
أن شاء الله ناوي اشتري شانجانcs35 بس قلقان من خدمة ما بعد البيع وتوافر قطع الغيار في السوق
يا ريت اللي عندة سيارة شانجان يفيدني في الموضوع ده
وجزاكم الله خيرا
متابع
شانجان يعني مودرن موتورز ..توكيل زفت الزفت ..بس زيه زي غيره كلهم زفت ..
بس العربيه بتنتشر بدون دعايه
شكرا لرد حضرتكاقتباس:
المشاركة الأصلية كتبت بواسطة m_m_sh_a
بس عاوز اعرف انت أتعاملت مع توكيل مودرن موتورز مباشرة ولا عرفت المعلومات دي عنهم منين
ما هو علشان العربيه منتشرة والناس اللي في المنتدي اللي بيتكلموا عنها بيشكرو فيها جدااقتباس:
المشاركة الأصلية كتبت بواسطة hugan
مما جعل تفكيري يتجه بشدة لشراء تلك السيارة
سعرها كام دلوقتي يا جماعة الخير
أنا بتعامل مع مودرن موتورز فرع القباري في إسكندرية ..اللي هو جنب الموقف الجديد ..وبروح عشان أعمل شغل خارج الضمان ..يعني بفلوسي ..يعني مش رايح أرمي جته وأقولهم الحته دي باظت منكم ..الحته دي عيب تصنيع ..لأ ..أنا ببقى رايح وعارف أنا عايز أعمل إيه ..مشكلتهم معايا أنا كانت في الوقت ..عندهم عدم تقدير لوقت العميل بطريقة غريبه ..يعني لما عربيه تدخل عشان تغير طقم بوجيهات تقعد عندهم ست ساعات ..لما أبقى رايح أركب ثرموستات كوع برضه العربيه تقعد ست ساعات ..وست ساعات دي يعني اليوم كامل ..يعني بروح بالعربيه الساعة 8 الصبح ..على ما يستلمها منك تكون الساعة جت إتناشر إتناشر ونص تطلع من عندهم الساعة تلاتة ونص ..طيب ده كلام يرضي حد ؟؟..ده غير اللي بشوفه هناك بقى قدام عيني ..واحد رايح بماروتي وعنده صوت حفه كده أو حكه بس بصوت حفيف ..طلعت في الآخر الطنابير ..قالوله الطنابير ما ينفعش تتغير ..ليه ..هي الطنابير مش جوه الضمان ..آه جوه الضمان بس مش هو ده العيب اللي يخلينا نغير الطنبور ..بص ..كفاية إنك تبقى واقف في توكيل بتاع عربيات سوزوكي فان ..اللي بنسميها عندنا في إسكندرية ..تونايه ..طيب أقولك على حاجه ..رحت غيرت عندهم جوان غطا تاكيهات الفني اللي بيشتغل بعد ما خلص قالي لو الجوان ده جاب زيت تاني إبقى غير الغطا كله عشان مقفع ..الجوان جاب زيت ..رحت لميكانيكي بره فك الجوان حط سليكون وقفل ..الغطا الله أكبر ..قطع زيت ..بس لهفو مني في التوكيل 75 جنيه مصنعيه ..والميكانيكي تلاتين جنيه مصنعيه ...اقتباس:
المشاركة الأصلية كتبت بواسطة khalifa836
شوف إنت بقى ..إيه رأيك في التوكيل؟؟ ..بس انا قلتلك في الأول ..كله زفت ..فهي كده شبه بعضها ..آه نسيت أقولك ..في الفرع اللي أنا بروحه مفيش حجز في التليفون ..بس في ميزه بصراحه وسط كل العتمه دي ..إنك بتسأل عن قطعة الغيار اللي إنت عايزها بالتليفون قبل ما تروح موجوده ولا لأ ..وبكام ..ومصنعية تركيبها كام ..معلش ملحوظه أخيره ..نسيت أقولك إنك ممكن تروح وبعد ما تقف تلات ساعات ..يقولك أخ ..معلش ..أصل الكهربائي مجاش النهارده ..وطبعا حضرتك بتكون رايح تعمل شغل كهربا ..فبعد اليوم ما ضاع والوقفه ..يقولك أخ ..الكهربائي مجاش ..قالوها لواحد كان رايح يركب كاسيت في ماورتي بعد ما وقف من الساعة تسعة لغاية الساعة واحده إلا ربع ..صاحب الماروتي قال للمهندس بتاع الإستقبال بعد ما قاله الكهربائي مجاش النهارده إلهي يكهربوك في دماغك يا شيخ ..مقولتش ليه من أول اليوم عشان أغور أمشي بدل اللطعه دي ..طبعا تاخد منهم إعتذارات صفرا ..وتحس وهو بيعتذرلك إنه عايز يقولك وأنا أعملك إيه يعني ..أروح أجيب الكهربائي من بيته ..فواضح إن مشكلة عدم تقدير الوقت دي عامه بالنسبه ليهم
شفت بقى مودرن موتورز جميل إزاي
و عليكم السلام و رحمة الله و بركاته ,اقتباس:
المشاركة الأصلية كتبت بواسطة khalifa836
انا املك السيارة من 8 شهور الان و السيارة فوق الممتازة و الى الان لا يوجد اي عيب فى تقفيل او صيانة او خدمة ما بعد البيع , و بالنسبة لقطع الغيار خارج التوكيل فلا اعتقد انها متوفرة الان و لكن سوف تتوفر بسبب ان الوكيل سوف يقوم بتجميع السيارة فى مصر فى بداية العام القادم و بالنسبة لتوفرها فى التوكيل فهي متوفرة , اما بالنسبة للتوكيل فكل ما استطيع قوله انه الى الان من احسن التوكيلات التى تعاملت و هنا انا لا اقصد مودرن موترز على وجه العموم حيث لم يكن لي تجربة سابقة معهم بل اقصد توكيل شانجان و الذى هو كيان خاص بنفسه من داخل مودرن موترز و حقيقة ما يقومون به كفيل بانجاح هذه السيارة من حيث الاهتمام و المتابعة و جودة الاعمال و تغيير ما قد يحتاج الى تغيير حتى لو لم ابلغهم به ( ارسلت الشركة الام طقم مساعدين و بطاحات امامى ايمن و ايسر للتغيير فى بعض السيارات لوجود عيب تصنيع فى البطاحة اليمين فقط لم يكتشفه احد من الملاك او على الاقل لم اكتشفه انا ) و اعتقد انه لا يوجد فى مصر شركات كثيرة تحترم العميل و تقوم باستدعاء سيارات لاصلاح مشكلة بسيطة فى الضمان لم يشكو منها احد .
فى النهاية اعتقد انها سيارة تستحق الاقتناء .
وفقك الله لما فيه خيرك باذن الله
لو الوكيل هايجمعها محلي يبقي هايقضي عليها
آخر سعر حسب معلوماتي هو 131900اقتباس:
المشاركة الأصلية كتبت بواسطة shaaban2008
شكرا علي ردك يا أستاذ أحمداقتباس:
المشاركة الأصلية كتبت بواسطة AHMED HAGGAG
وبعد المعلومات اللي تفضلت حضرتك بذكرها في المشاركه إن شاء الله قرار الشراء حيكون في صالح شانجان:tire:
شكرا لإهتمام حضرتك بتوضيح تجربتك مع التوكيل بس الحمد لله إن المشاركه اللي بعد حضرتك كانت للأستاذ /أحمد وهو يمتلك سيارة شانجان وأوضح أن توكيل شانجان منفصل عن توكيل سوزوكي وشكر فيه جدا والحمد لله طمنياقتباس:
المشاركة الأصلية كتبت بواسطة m_m_sh_a
وشكرا لتعب حضرتك وطبعا انا عارف ان حضرتك بتنقل تجربتك الشخصيه ويا رب توكيل سوزوكي يبقي ذي توكيل شانجان
يا باشا ما هو حضرتك عندنا في اسكندريه الشانجان بيعمل الصيانه بتاعته في مودرن موتورز ..ممكن بقى في القاهره يكون الشانجان ليه مراكز منفصله وده هيكون من حسن حظ مالكي الشانجان مش أكتر ..اقتباس:
المشاركة الأصلية كتبت بواسطة khalifa836