اشتري فلوانس ولا لا

**محمد مجدي محمد** · 14-03-2015 10:32 PM

السلام عليكم ورحمة الله وبركاته
انا عايز اشتري سيارة جديدة
و كنت استقريت علي البوما 2014 بس مش لاقيها
فقولت اشوف سيارة ثانية
فانا عاجبني جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا
شكل الفلوانس سواء من الخارج او الداخل
انا اعرف ان الفلوانس من مميزاتها :
1.الثبات علي الطريق
2.النعومة
3.الفرامل
4.الفخامة
5.السحب جيد
هل الكلام دة صحيح
انا عايو اعرف اخبار اعادة البيع
و عايز اعرف اسعار قطع الغيار و هل متوافرة خارج التوكيل
و عايز اعرف هل في عيوب في الكمبيوتر و الكهرباء بتاعتها
لاني كنت سمعت ان في ناس جابوها و كان بيحصل مشاكل ذي ان مثبت السرعة بيشتغل لوحدة
و سمعت ان محدد السرعة بيشتغل لوحدة
و سمعت كمان ان الزيت بتاكل بسرعة و ان الموتور بيتحرق و بيبوظ و بيغروة يا اما بيبدلو العربية
و سمعت ان في مشاكل في السوفت وير بتاعها فهل الكلام دة لسا موجود
و هل تنصحوني بها
انا هشتري الفئة الأولى اوتو الي ي156000 و اعتقد ان عليها خصم 7 الاف جنية في بعض الأماكن
فارجو الرد الموضح منكم علي اسئلتي

**تامر.محمد** · 15-03-2015 09:57 AM

سلام عليكم , انا مش راكب فلوانس , بس اللي اقدر اقوله لحضرتك بثقة ان الجزئيتين دول خيال علمي :)

و سمعت ان محدد السرعة بيشتغل لوحدة
و سمعت كمان ان الزيت بتاكل بسرعة و ان الموتور بيتحرق و بيبوظ و بيغروة يا اما بيبدلو العربية

ملاكها يفيدوك اكتر مني , بس عموما انا متابع هنا بقى لي كتير و ما سمعتش اي مشاكل كهربا او كونترولات في الفلوانس خالص ولا في السوفتوير

بالنسبة لقصة الزيت اللي بيتاكل بسرعة , اخر معلومة عندي ان ده حصل مع بعض الناس و كان السبب ان سوفتوير صمام البخر متظبط على جو بارد جدا بالمقارنة بجونا فكان معدل التبخير بيبقى عالي اوي و بقى يتعاد برمجته و خلاص
مش عارف في تطورات جديدة في القصة دي ولا لأ , يفيدك ملاكها ان شاء الله

بالمناسبة موتورها نيسان :)

انا عن نفسي شايفها افضل عربية في فئة 150 لحد 180 مثلا

**yasser100** · 15-03-2015 06:47 PM

بالنسبه لموضوع الزيت : ده انتهى زى ما قال صديقنا تامر و انا كنت فى التوكيل و سألت بنفسي و كانت مشكله فى صمام بخر زيت المتوتور و برمجته و ما كانوش عارفين المشكله ايه فى التوكيل لانه العربيه كانت جديده عليهم تماما بموتورجديد و ما عرفوش السبب الا لما فكوا موتور و بعتوه فرنسا و انتهت القصه دى من فتره طويله من السنه اللى فاتت .

متبت السرعه : دى حصلت مع زميل هنا معاه فلوينس 2011 و دى كانت مشكله فرديه نادرة الحدوث ما سمعناش زيها قبل كده بصراحه .

كهربة العربيه و الكترونياتها : ما فيش منها اى شكاوى من 2010 حتى الان تماما .

اعادة البيع : فى الفلوينس محترم و فيه زميل هنا بيشترى واحده اخرها 125000 موديل 2011 . 60 الف كم . كان سعرها وقتها 140000 جنيه و دى فلوينس 1 . مش فيس ليفت الجديده كمان .

اجمالا . العربيه فخمه . ناعمه . نظام الفرامل فيها محترم جدا . تجهيزاتها الداخليه و النظام الصوتى ممتازه . ثبات على الطريق و تحكم محترم

**أحمد عيسى** · 15-03-2015 07:46 PM

الفلوانس عربية محترمة جدا وانا لسا جايبها من شهر e3 وقدامى فرصة انى انقل من شقتى لشقة ممتازة بس عشان اكمل المبلغ محتاج ابيعها وحيران بسبب تعلقى بيها ابيعها وهى لسا عاملة ال1000 كيلو وكياس الكراسى لسا عليها _ وغالبا مش هبيعها عشان هى فعلا ركوبة بشوات

**Batman372** · 17-03-2015 08:43 PM

توكل على الله و بما انك معجب بيها فلا تشتت نفسك :)
العربيه ممتازه فى كل شئ ...
تحياتى ...

**mfraig** · 18-03-2015 04:10 PM

طبعا افضل من البومه والشارك واي عربيه في فئتها
كل كلامك ومخاوفك لا اساس له من الصحه واقعد في المنتدي ساعه كده واقرا المواضيع وانت تشوف ازاي ملاكها بيشكرو فيها
نفسي نبطل بأه موضوع بيقولو ده :)))