اسبرنزا 516

**توتى توتى** · 15-03-2015 12:00 AM

ايه رايكوا فى اسبرنزا a516موديل 2007او2008او2009 وفى منها اتوماتيك ولا ايه والى حالتها كويسه تعمل كام تقريبا وهل قطع غيارها متوفره واسعارها رخيصه علما بان انتاجها توقف ارجو الرد ضرورىللاهميه

**توتى توتى** · 15-03-2015 01:09 AM

لو سمحتوا ردود للاهميه ضرورى

**Mona Mourad** · 15-03-2015 01:12 AM

ربنا يوفقك للي فيه الصالح
انا بسوق عربية جوزي 516 بصراحة هي حسب الاستخدام هتحكم عليها
انا عن نفسي مش بجري قليل لما بجيب ال100 علشان الزحمة بس لما الطريق بيكون فاضي نادرا طبعا ال100 بتيجي عادي ولما بتوصل لل120 بحس العربية بترقص ولازم اكلبش في الدركسيون جامد علشان املكه لان بحس العربية ثباتها زبارلة
غير باة المقابض الداخلية للابواب بتتكسر وكهربة الابواب بتعلق
مرة مقض الداخلي للسائق كان مكسور فكنت افتح الشباك وافتح بالاكره من بره مرة في التانية الاكره الخارجية علقت ندهت البواب ماعرفش يفتحها وطلعت في ايده واضطريت اخرج من الباب التاني طبعا مش منظر يعني ورحت صلحت الاكر الداخلية والخارجية والكهربة ومافيش حاجة والباب الخلفي مايفتحش من جوة ولازم حد ينزل يفتحه من بره
العربية كبيرة زيادة في شكلها الخارجي مافيش شكل فني فيها حادة كدة ومش لطيفة بس اهه ازواق ولاولا اختلاف الازواق لبارت السلع
لولا اننا اي حاجة تحصل عالتوكيل عالطول نرجعها زي ماكانت كان زمانا راكبين مراجيح مولد النبي وبتصرف كتير اوي عالصيانة
بس الحق يتقال هي حلوة في المشازير الصغيرة مش الطرق المفتوحة يعني مش امان في السفر لكن داخليا كدة حلوة
جارتي عندها اختها فبسالها في ميكانيكي بتتعامل معاه بيفهم كويس في الاسبرانزا وياترى عيوبها كويسة معاها ولا لأ فقالتلي بصراحة انا مشاويري كلها كانت بسيطة اوي فماكنتش حاسة بانها سيئه لكن لما بدات اروح مشازير كبيرة ظهرت عيوبها و استفحلت

**توتى توتى** · 15-03-2015 01:49 AM

شكرا لردك ياmano طيب ياجماعه اجيب ايه ؟؟؟
علما انى محتاجه عربيه بمبلغ من 40الى 50الف بالكتير واهم حاجه بالنسبه لى تكون اتوماتيك وسيدان وحالتها كويسه متتعبنيش ويفضل حاجه حدثه بلاش الموديلات القديمه اوى دى مع العلم انى استخدامى بسيط مش مشاوير كبيره يعنى
ياريت ردودكوا ومقترحاتكوا ومشاركتكوا ضرورى لانى بجد خلاص محتاره جدا

**توتى توتى** · 15-03-2015 04:01 AM

المشاركه والردود ياشباب المنتدى

**Mona Mourad** · 15-03-2015 10:47 AM

طب مادام استخدامك بسيط ومشاويرك بسيطة صلي استخارة وشوفي الاسبرانزا

**توتى توتى** · 15-03-2015 11:02 PM

شكرا لردك ياmonaبس بيقولى مفيش منها اوتو

**Mona Mourad** · 16-03-2015 10:45 AM

حاجة كمان نسيت اقولك عليها ، تكيفها ولا كان فيها تكييفاو بالنسبة للي عندنا باة مش عارفة عيب فردي ولا عند الكل كدة
كل مانوديها صيانة نقول على التكييف ده وبرده بيباة زي ما هو، بس اهه حاجة شغالة وبتعمل صوت فووووووووو

**gade2** · 16-03-2015 05:09 PM

طب ماتبصو على البرايد

**hanyyacot** · 16-03-2015 05:19 PM

مش عايز احبطك بس غالبا ال 50 الف مش هاتجيبلك حاجة اوتوماتيك نضيفة , ممكن تشوفى لانسر كريستالة موديل 98 تكون اوتوماتيك , او ضحى و شوفى بيكانتو موديل 2005 او 2006 بس هاتكون مانيوال