اللي يعرف اوبشن اكتشفه يقوله هنا

**seri0us** · 15-03-2015 12:04 AM

كنت عاوز اعرف ايه الاوبشانات الموجودة في ريموت الشارك او في دراع النور او في دراع الاشارات اللي ممكن الواحد يكتشفهم بالممارسة زي ما بنكتشف حاجات في الموبايلات ؟؟

يعني مثلا اعرف في الشارك 2008 ان في دراع النور ممكن ما تجبش الاشارة او الدراع لاخره بمعنى انك تخبطه خبطة صغيرة فهيدي 3 مرات اشارة بس و يطفي بعدها .. يعني استخدامه في الغرز مش في اليوتيرنات ..

و اعرف مثلا انه في الموديل اللي بعد الشارك 2008 فيه امكانية تغيير صوت الاشارات ما بين 3 اختيارات ..

و قرأت عن حركة في دراع المساحات يخلي المساحة بضغطة واحدة تشتغل و شوية و تجيب ماية لوحدها و تكمل تنظيف من غير ماية و توقف لوحدها بعد ما تخلص ..

فكنا يا رجالة عاوزين نجمع الحاجات دي بخصوص الشارك بجميع موديلاتها بالاضافة لو ريموتها له استخدام ذكي مثلا من ناحية عدد الضغطات و كده يعني :))

**seri0us** · 15-03-2015 02:07 PM

ايه يا جماعة الخير ؟؟ ما حدش لفت انتباهه اوبشن في عربيته مش مذكور في الكتالوج ؟؟ ده الخليجيين ما شاء الله مفصصين عربياتهم و مطلعين البدع منها !!!

**samihanwar** · 16-03-2015 12:02 AM

وانا متابع معاك يا كبير
ممكن تقولى اجيب السيتينج ازاى من لوحه الامبيرات عشان مش عارف اوصلو
ولك جزيل الشكر

**خالد دياب** · 16-03-2015 10:22 AM

متابع معاكم يا رجال

**seri0us** · 17-03-2015 02:08 PM

المشاركة الأصلية كتبت بواسطة samihanwar

وانا متابع معاك يا كبير
ممكن تقولى اجيب السيتينج ازاى من لوحه الامبيرات عشان مش عارف اوصلو
ولك جزيل الشكر

تجيب ال P و ترفع الهاند بريك " فرامل اليد " و قلب من زرار INFO لحد ما تلاقي كلمة setting

**samihanwar** · 17-03-2015 02:47 PM

المشاركة الأصلية كتبت بواسطة seri0us

تجيب ال p و ترفع الهاند بريك " فرامل اليد " و قلب من زرار info لحد ما تلاقي كلمة setting

الله يباركلك يا كبير

**engabdelazem** · 20-03-2015 10:56 AM

طيب انا هابدا
follow me
دا عبارة عن انك لو ركنت فى مكان مظلم وعايز السياره تنور لغاية ما توصل المكان اللى انت عايزه
بعد ما تبطل العربيه ترفع ذراع النور كانك بتقلب عالى هيفضل منور لمدة 30 ثانيه ولو عايز اكتر قلب مرتين تبقى دقيقه واكثر حاجة اعتقد ثلاث دقائق

**engabdelazem** · 20-03-2015 11:00 AM

طب حاجة كمان
صوت الاشاره يمن وشمال ممكن تغير صوته
من setting
بس لازم السياره تكون على p +hand break
نقلب من INFO button
لغايه ما توصل setting
وبعد كدا دوسه طويله3 ثوانى عشان يدخل على الاعدادات وهتلاقى جوه Alarm ,sound
اعتقد فى واحده من دول

**engabdelazem** · 20-03-2015 11:03 AM

طيب حاجه كمان لو انت فى الاشارات لو انت سايق وعايز تروح يمن او شمال مش لالزم تجيب الذراع للاخر كفايه ان تحركه لتحت او لفوق حركه خفيفه هيشتغل ويفصل لوحده

**kemoelord** · 21-03-2015 08:45 PM

يا جماعه انا معايا لانسر شارك 2009واول مره اسمع ع الي انتوا بتقولوه ده !!!!!! هتبندي واحده واحده انا شكلي انا الي هستفاد مش داخل افيد ههههههههه

و اعرف مثلا انه في الموديل اللي بعد الشارك 2008 فيه امكانية تغيير صوت الاشارات ما بين 3 اختيارات ..

وده من فضلك تتعمل ازاي الحركة دي ؟؟ :D

و قرأت عن حركة في دراع المساحات يخلي المساحة بضغطة واحدة تشتغل و شوية و تجيب ماية لوحدها و تكمل تنظيف من غير ماية و توقف لوحدها بعد ما تخلص ..

ودي كمان ازاي ؟؟

follow me
دا عبارة عن انك لو ركنت فى مكان مظلم وعايز السياره تنور لغاية ما توصل المكان اللى انت عايزه
بعد ما تبطل العربيه ترفع ذراع النور كانك بتقلب عالى هيفضل منور لمدة 30 ثانيه ولو عايز اكتر قلب مرتين تبقى دقيقه واكثر حاجة اعتقد ثلاث دقائق

هي الخاصيه دي في كل الموديلات ؟؟ ولو كده اعملها ازاي ؟ يعنني ابطل العربيه واشيل المفتاح وبعدين اعمل كاني بقلب نور عالي وخلاص والنور هيشتغل لمدة 30 ثانية ؟؟