والنبي حد يفيدني Citroën c5 or passage b7
عرض للطباعة
والنبي حد يفيدني Citroën c5 or passage b7
بلاش الستروين علشان سوقها وكمان الباسات بلاش عشان الفتيس ال dsg قدامك البيجو ال 508 افضل اختيار في الفئة ديه واسعار قطع غيارها والصيانة كويسة
فعلا ال٥٠٨ افضل من الاتنين
I have the brand new 508 and I guarantee that the brand new C5 is better
هى السي 5 نفس بيجو 508
زى العلاقة بين بيجو 301 و سي اليزية؟؟؟؟؟؟؟؟؟؟
كده انا احترت اكتر نفسي في الباسات بس اوبشنز قليله و السي 5 جامده بس مجهوله بمعنى الباسات ممكن العب فيها عند ناس بتفهم بره التوكيل إنما السي 5 مش عارف. برجاء الإفادة مش الحيره
By the end, you are comparing two competitive machines of the same category but I think Germans are much better making machines than French are. The C5 interior is really unique. However, I am advising you to go with the VW it is very powerful and luxurious and you can rely on it specially in Egypt and will never make you down.
Thank you sir. Also I think that I will be more comfort in vw.
الباسات مش اعتمادية اكتر من السى 5 خصوصا مع الفتيس الـ dsg ، عربية الفتيس بتاعها عليه كلام كتير جدا و ضرب من ناس كتير تبقى اعتمادية ازاى ؟
الـ 508 تقريبا هى هى الـ c5 مع بعض الاختلافات الفنية البسيطة لصالح السى 5
و كده كده اظن حضرتك هتجيب عربية بربع مليون هتعلمها صيانة فى التوكيل و عموما موتور السى 5 مشترك مع عربيات كتير جدا يعنى هى مش عربية عجيبة
طب رائ الناس ايه في توكيل سيتروين
اولا انا راي c5 افضل لاعتماديتها وقلة استهلاك البنزبن مع موتوﻻ توربو مميز
اما الباسات فهي فعلا سياره لها احترامها وموتورها قوي وصالونها جميل وكماليلتها قليله بالمف
قارنه بالسيتروين......ولكن الفتيس مشاكله كتيره فعلا
ثتنيا توكيل سيتوين "عز العرب" اقلكفائه من وكيل vw ......ولكن الفتره الاخيره سمعت انه حسن اسلوبه والصيانات اصبحت افضل وقطع الغيار اصبحت متوافره افضل من الاول
بالتوفيق ان شاء الله
حد عنده فكره يا جماعه عن تشغيل الموتور بمفتاح عادي ولا زرار تشغيل اوتو (push button)
بتكلم بالنسبة لسيتروين C5
بصراحه الأمر أصبح في غايه الصعوبة مع كل الإمكانيات ده و مفيهاش سمارت كي و مع ذلك الستروين انا شايف ان شكلها احلى و ألوانها جميله و فيها اوبشنز كتيره. الباسات كفايه انها ألماني بس موتور الستروين اقوي و فتيس مفيهوش مشاكل. القصه بالنسبه لي صيانه. محتار
انا من رأيي سي 5
انا بحترم الموديل ده جداً هو وال ds5 بجد عربيات مبهرة وشيك جداً وفخمة جداً ممن برة ومن جوة حتي باين عليها من التقفل والخامات والتصميم الداخلي يشدك اكتر من الباسات .. لو معاك فلوس ال ds5 لا تتردد انك تجيبها علي الاقل عربية مميزة جداً .. عربية الصفوة ومش اي حد يركبها
الـ c5 ميزاتها مريحة جدا فى المطبات والتكسير , العزل كويس جدا , واسعة وتقفيلها محترم وصاجها كمان
اعتقد كماياتها هتبقى زى الباسات لأنها عادية الى حد ما ... طبعا الشكل وافتكاسات ستروين مختلفة عن الباسات تماما اللى بتميل للمحافظة والهدوء والشياكة اكتر
الاستابلتى مش اوى
الموتور عفى وان كان مش الاقوى .. على سبيل المثال الانسجنيا اشد
قطع غيارها التوكيل وبس
اعادة بيع سيئة .... فى عربيات بتخسر فى اعادة البيع وفى عربيات بيتخسف بيها الارض دى من النوع التانى .. لو عاجباك متجيبهاش زيرو هاتها كسر احسن
انا افضلها عن الباسات
اولاً عربية مميزة جداً تحس انك الوحيد اللي راكبها مش منتشرة وده يخليها لشريحة معينة من الناس
ثانياً ستروين ان كانت هزرت مع الناس في السي اليزيه فا استحالة تهزر في عربية زي ال c5
ثالثاً العربية ليها هيبة في الشارع كدة مش زي الباسات
رابعاً موتور اقوي
خامساً انت بتشتري عربية بجودة خامات وتقفيل وفخامة اعلي من الباسات وفي نفس الوقت تحس بالروح الرياضية فيها
كلامي ميقللش من الباسات بس انا شايفها عربية مبالغ في سعرها شوية وكمان لاتصلح لشاب
العربية عالية عن الارض ومع السرعة بحسها بتعلى كمان
العربية فى العدل راكزة مش بتتنطط ولكن غرز قطم على سرعات عالية هتحس ضهرها بيلعب سنه وانها مش sharp اوى
يعنى لو هقارنها بالفوكاس بالرغم من فرق العربيتين الفوكاس احسن استابليتى وهاندلنج
العربية بغض النظر عن شكلها comfort اكتر منها sporty
اختلف معاك
مينفعش عربية فئة عالية وتعتبر تاني عربية عالية في شركة ستروين انها تبقي متواضعة في الثبات وعربيات تاني من نفس الماركة ولكن فئة اقل تبقي احسن
هنلاحظ في الc4 مثلا عفشتها الخلفية زي الميجان اللي هيا علي دنجل ثبات كويس جداً لكن عربية زي ال c5 مالتي لينك اكيد هتبقي احسن حتي لو نفس تصميم المساعد او المساعد مشترك بس في نفس الوقت عربية فئة عالية هتبقي متكلفة اكتر في تصميمها من عربية فئة اصغر منها من نفس الماركة
ده تقرير عنها
http://www.nilemotors.net/Nile/3874559791-post1.html
عفشة السى 5 مالتى لينك
الاستابلتى ديزاين عفشة وايرودبنامكس مش شرط طالما مالتى تبقى ثابتة والعكس لو دونجل
الفيرنا مالتى والفكترا 95 والاوكتافيا a7 دونجل
على فكرة مش معنى كلامى ان السى5 مش ثابتة .. انا بقارنها بحاجة تانية واقل منها وثباتها احسن
على فكرة الـ ds اقل من السى 5 واثبت والاتنين ستروين
خلى بالك ان حاجة زى الـ A7 بقت دونجل بعد الـ A5 مالتى والاتنين سكودا
المالتى كـ setup عفشة احسن لكن زى حالة الاوكتافيا ده كده للأحسن ولا الاسوأ؟
انا قلت قبل كده المالتى كـ setup احسن ... انا مسوقتش الاتنين بس انا ذكرتهم كمثال لأن الاتنين نفس الماركة الوموديل والمفروض ان الشركة يتتطور للأحسن واسكودا كماركة واخدة ختم وتوقيع فولكس يعنى مش شركة قليلة
على فكرة احنا تقريبا شبه بوظنا الموضوع للراجل :)))
لا يا باشا ابدا الواحد بياخد خبره من الكلام الحلو ده. و يا ترى العيشه المالتي صيانتها احسن من حيث السعر و السهولة ولا لا.
كنت قريت موضوع مقارنه في المنتدى شبه الموضوع ده و المقارنه كانت مابين 508 و passat و c5 و 5008 و كان في راجل محترم قوى بحب كلامه جدا اسمه فورميلاتور. و كان رجح passat. بس الفكره انا مش بحب الجري قوى لكن احيانا الواحد بيكون مضطر. و بحب الرفاهية اللي مش لأبيها في الباسات مقارنه ب سي5 و بحب الكلاسيكية الموجوده في تابلوه الباسات. من الاخر كشكل خارجي و رفاهية و فتيس و جنوط و عفشه اماميه السي5 و راحه داخليه و كلاسيكية و سعر اعاده بيع و توكيل الباسات تكسب. عرفتوا بقى انا محتار ليه.
Passat is winner
بص يا باشا انا لسة شاري c5 موديل 2015 من اسبوعين بعد حيرة كبيرة بينها والباسات والانسجنيا وال508 وبعد ابحاث طويلة لاني مشحرمي فلوسي استقريت بشدة واقتناع تام على الc5 لعدة اسباب اولا المميزات الشكلية يعني البرستيج انت راكب عربية مميزة مش مرطرطة كل الناس راكباها وده اللي بلاحظه في نظرات كل اللي ماشين في السارع .العربية بجد شكلها تحفة فخامة وبرستيج عالي وركز حتلاقيها بتشبه تصميم البي ام الفءة الخامسة والتابلوه شبه تابلوهات البي ام من الاخر حتديك وضعك اوي .اما من حيث الاستخدام فهي ثاتة جدا لدرجة انك حتحس انك مش ماشي الموتور جبار بيستجيب للبنزين والسرعة جدا وبضغطة عليه حتلاقي بينك وبين اللي جنبك 100 متر وساءل الامان كلها موجودة ومميزات كتير ....عيوبها متفكرش في سعر اعادة البيع لانها بتخسر وده لعدم معرفة معظم الناس بيها وقطع الغيار والصيانة توكيل عدل والباور بتاعها تقيل سنة بس العيوب دي معظمها في العرببات الغالية كلها واولا واخيرا استخير وهي راحة نفسبة وعلى فكرة الوكيل نزل خصم 8000 جنيه عليها وده عامل شغل كويس في المبيعات الفترة اللي جاية لاني ملاحظ زيادة انتشارها وده اكيد حيسهل موضوع قطع الغيار والصيانة.وبالمناسبة كان في عضو قال ان الشكل ده من 2008 ونزل مصر 2011 .اولا هو نزل مصر 2012 تقريبا والانسجنيا برده من 2008 وحتغير شكلها تماما في اوروبا 2016 ومع ذلك منعرفهاش غير من سنة فلا داعي للقلق كده كده الشكل الجديد مبينزلش عندك الا متاخر ابعد كام سنة من ظهوره