بيمصلحوا على قفانا

**ana** · 10-11-2008 08:33 PM

استاذ ماكا عنده حق احنا يدوب متمركزين فى الدلتا وحولين النيل وفى بعض المدن الساحليه ..... الناس بس اللى مبينه اننا عندنا انفجار سكانى بس احنا والله اللى بنعمل المشاكل بنفسنا..........................عمار يا مصر...............

**maka** · 10-11-2008 10:20 PM

المشاركة الأصلية كتبت بواسطة ana

استاذ ماكا عنده حق احنا يدوب متمركزين فى الدلتا وحولين النيل وفى بعض المدن الساحليه ..... الناس بس اللى مبينه اننا عندنا انفجار سكانى بس احنا والله اللى بنعمل المشاكل بنفسنا..........................عمار يا مصر...............

مش بمزاجنا يعنى هنروح نقعد فى الصحراء المفروض الحكومة

توفر مرافق و وسائل مواصلات وانا اوا واحد عهج من القاهرة

**mada121977** · 10-11-2008 10:57 PM

واحد صاحبى صيدلى سافر الى السعوديه من حوالى 4 سنين اول ما راح هناك باع موبايل نوكيا 6600 واشترى بتمنه عربيه مرسيدس موديل 80 اللى هيا هنا ايامها كانت ب 80 الف جنيه !!!!!
وحسبى الله ونعم الوكيل فى اللى بيحصل فينا

**mody_halawa** · 11-11-2008 02:46 AM

لا تعليق !!!!!!!!!!!!!!!!!!!

**ahit** · 11-11-2008 03:05 AM

السلام عليكم

كلام سليم و لكن للأسف محدش من المشئولين حاسس أومهتم بالمرؤوسين او حتى المصلحة اللى بيشتغل فيها و كل همهم لم الفلوس و سن القوانين اللى تجيب فلوس

و لو كل واحد فينا يعرف حجم المسؤولية المطلوبة منه و يراعى ربنا و يراعى ضميره و يعرف إنه مسئول مهما كانت مكانته أو إمكانياته .... و الله هانكون أفضل شعوب العالم فى كل المجالات

و كما قال الرسول صلى الله عليه و سلم
( كلكم راع و كلكم مسئول عن رعيته )
( إن الله يحب إذا عمل أحدكم عملاً أن يتقنه )
صدق رسول الله صلى الله عليه و سلم

و ربنا يستر مانكنش زى اللى قال الله سبحانه و تعالى عنهم:

بسم الله الرحمن الرحيم

( و إذا أمرنا أن نهلك قرية أمرنا مترفيها ففسقوا فيها فحق عليها القول فدمرناها تدميرا )
صدق الله العظيم

**Osama_soliman** · 11-11-2008 10:09 AM

هى ده مصر

حسبى الله ونعم الوكيل

**Sameh** · 11-11-2008 10:31 AM

المشاركة الأصلية كتبت بواسطة tutankhamoun

يا جماعة كل بلد ليها ظروفها
..........
تاني مرة مينفعش كل مواطن في مصر يبقى عنده عربية
و الكلام ده كلام عام و ماشي على الكل

إسمحلى هى الإجراءات دى بتقلل من إمتلاك المواطنين للعربيات ؟؟؟ كل اللى حصل إن بقت العربيات اللى ماشية فى شوارع مصر إما ماركات كويسة بس عفا عليها الزمن موديلات السبعينات إما عربيات حديثة من أدنى العربيات على مستوى العالم ودى العربية اللى أنا راكبها وسيادتك راكبها و95% من المصريين راكبينها
والنتيجة حوادث بالعبيط وإصابات ووفيات كتيرة لأن معدل الأمان صفر فى العربيات الخردة دى + تلوث للبيئة أكتر برغم إنها كلها مواتير صغيرة بس إتفرج على شكمان عربية 1500 من السبعينات هيكون عامل إزاى + عدم سيولة فى المرور لأن دايماً عربياتنا بتعطل على الكبارى وفى المطر وتيجى تشد تلاقى الطريق مخنوق عشان تاكسى 124 لسة بيجمع ومش قادر يسحب فالطريق كله ماشى على سرعته

**GoldenManEye** · 11-11-2008 10:46 AM

المشاركة الأصلية كتبت بواسطة moh_kamal67

عندى احساس دفين ان من وضعوا جمارك وضرائب العربيات من عشرات السنين الغابرة ليس لديهم النية اصلا فى امتلاك عربيات ولا كانت لهم القدرة فكانت فلسفتهم معاقبة من تسول له نفسه القيام بهذا الجرم الاجتماعى البشع

ههههههههههههههههههههههههه هههههههههههه

والله عندك حق!

**tutankhamoun** · 11-11-2008 10:55 AM

المشاركة الأصلية كتبت بواسطة Sameh

إسمحلى هى الإجراءات دى بتقلل من إمتلاك المواطنين للعربيات ؟؟؟ كل اللى حصل إن بقت العربيات اللى ماشية فى شوارع مصر إما ماركات كويسة بس عفا عليها الزمن موديلات السبعينات إما عربيات حديثة من أدنى العربيات على مستوى العالم ودى العربية اللى أنا راكبها وسيادتك راكبها و95% من المصريين راكبينها
والنتيجة حوادث بالعبيط وإصابات ووفيات كتيرة لأن معدل الأمان صفر فى العربيات الخردة دى + تلوث للبيئة أكتر برغم إنها كلها مواتير صغيرة بس إتفرج على شكمان عربية 1500 من السبعينات هيكون عامل إزاى + عدم سيولة فى المرور لأن دايماً عربياتنا بتعطل على الكبارى وفى المطر وتيجى تشد تلاقى الطريق مخنوق عشان تاكسى 124 لسة بيجمع ومش قادر يسحب فالطريق كله ماشى على سرعته

مين قال لحضرتك ان العربيات اللي أحنا بنركبها مستوى الأمان فيها صفر ؟؟؟
و مين قال أن أسباب الحوادث العربيات ؟؟؟؟؟
و مين قال أن أسباب الوفيات العربيات اللي أحنا راكبينها ؟؟؟؟
و مين قال أن العربيات اللي أحنا بنركبها من أدنى العربيات على مستوى العالم ؟؟
و مين قال ان العربيات دي خردة ؟؟؟

معلش دي بس شوية إستفسارات على كلام حضرتك

لأن 95 % من حوادث مصر بسبب طريقة سواقتنا
95 % من حوادث مصر بسبب غياب القانون الرادع و اللي نتج عنه طريقة السواقة الهمجية و المتخلفة اللي أحنا بنسوق بيها

إنما العربيات اللي بتتباع في مصر هي هي اللي بتتباع في أوروبا و أمريكا
و مش معنى غياب موديلات معينة يبقى اللي بينزل أي كلام
بغض النظر عن العربيات الصيني اللي أغلبها أي كلام

إنما هادي لحضرتك أمثلة بسيطة
الدايو لانوس العربية الرخيصة ببتاع في انجلترا و أمريكا
الفيرنا ....... بتتباع في أمريكا
أغلب موديلات هوينداي اللي في مصر بتتباع في أمريكا
بروتون بتتباع في أوروبا ( انجلترا - تركيا - قبرص - مالطا ) استراليا و آسيا
الفيات اللي موجود في مصر هو هو اللي بيتباع في أوروبا
و الرينو و البيجو و الأسكودا و المرسيدس و البي و البي ام و السيات و الأودي و التويوتا و الميتسوبيشي و الهوندا و السوباورا بيتباعوا في اوروبا و أمريكا حسب السوق

حوادث مصر بسبب المصريين ........ لو الناس تهدى في السواقة شوية
الحوادث هاتقل بنسبة كبيرة جدا و الدليل
لما بيكونوا شادين على الدائري و الطرق السريعة و حاطين لجان و رادارات الحوادث بتقل بنسبة كبيرة و أول ما يشيلوا الرادارا و اللجنة تروح
الجنان يشتغل تاني و الهمجية تظهر علشان مفيش عقاب

**Sameh** · 11-11-2008 01:47 PM

توت باشا

المشاركة الأصلية كتبت بواسطة tutankhamoun

مين قال لحضرتك ان العربيات اللي أحنا بنركبها مستوى الأمان فيها صفر ؟؟؟

أكيد مش صفر ، المقصود إنها قليلة جداً

مين قال أن أسباب الحوادث العربيات ؟؟؟؟؟
و مين قال أن أسباب الوفيات العربيات اللي أحنا راكبينها ؟؟؟؟
و مين قال أن العربيات اللي أحنا بنركبها من أدنى العربيات على مستوى العالم ؟؟
و مين قال ان العربيات دي خردة ؟؟؟

سيادتك شوف العربيات اللى فى الشارع ، كاوتشات ممسوحة ، فرامل أى كلام ، زمن توقف كبير ، عربيات مخلعة بتترقص على الطريق ، طبعاً ليها دور كبير فى الحوادث والوفيات
من أدنى العربيات ، لأن حضرتك بتكون هنا مهندس محترم ومجتهد ومركزك كويس وسط المصريين ودافع دم قلبك فى عربية مش رخيصة ب 100 الف جنيه بيركبها فى الخليج عامل هندى أو بائع مهنته أقل منك بكتير والفرق بينك وبينه هو إرتفاع أسعار الجديد

ن 95 % من حوادث مصر بسبب طريقة سواقتنا
95 % من حوادث مصر بسبب غياب القانون الرادع و اللي نتج عنه طريقة السواقة الهمجية و المتخلفة اللي أحنا بنسوق بيها

أكيد طبعاً بس ماعرفش النسبة كام ، يعنى العربية + الطريق + السواقة + غياب القانون أو تطبيقه على ناس ناس

إنما العربيات اللي بتتباع في مصر هي هي اللي بتتباع في أوروبا و أمريكا
و مش معنى غياب موديلات معينة يبقى اللي بينزل أي كلام

إسمحلى أختلف معاك بقا ، الفاصل هنا هو النسبة ، نسبتها أد إيه العربيات اللى بتتباع هنا وبتتباع فى أوروبا وأمريكا ، والموديلات الغايبة دى غايبة ليه ؟ برضوا بسبب إرتفاع أسعار الجديد

الدايو لانوس العربية الرخيصة ببتاع في انجلترا و أمريكا
الفيرنا ....... بتتباع في أمريكا

العربيتين دوول تحديداً نسبتهم أد إيه فى إنجلترا و أمريكا ؟ ونسبتهم أد إيه فى مصر ؟ ومين راكبهم هناك ومين راكبهم هنا ؟ هنا اللى راكبها ناس محترمة مهندسين ودكاترة ومحاسبين ووظائف مرموقة ، نفس العربيات هناك بيركبها اللى مش لاقى ، والسبب هو إرتفاع أسعار الجديد عشان مانقدرش نجيب أكتر من كدة لا أنا ولا إنت ولا معظم المصريين

أغلب موديلات هوينداي اللي في مصر بتتباع في أمريكا

ماعتقدش فيرنا وأكسنت ، يمكن سوناتا وسانتافيه

و الرينو و البيجو و الأسكودا و المرسيدس و البي و البي ام و السيات و الأودي و التويوتا و الميتسوبيشي و الهوندا و السوباورا بيتباعوا في اوروبا و أمريكا حسب السوق

نسبتهم أد إيه فى مصر دول ؟ ونسبتهم أد إيه برة ؟ اللى راكبها هنا اللى فوق المتوسط أو مبسوط واللى راكبهم هناك العادى جدا

حوادث مصر بسبب المصريين ........ لو الناس تهدى في السواقة شوية
الحوادث هاتقل بنسبة كبيرة جدا و الدليل
لما بيكونوا شادين على الدائري و الطرق السريعة و حاطين لجان و رادارات الحوادث بتقل بنسبة كبيرة و أول ما يشيلوا الرادارا و اللجنة تروح
الجنان يشتغل تاني و الهمجية تظهر علشان مفيش عقاب

كلام سليم بالإضافة لحالة العربيات وأنواعها ، سيادتك شخصياً شوفت كام شاهين و 128 ودايو معجونة واللى جواهم ماخرجش منهم سليم ؟؟ أكيد كتير جداً ، بعيداً عن القضاء والقدر وبنظرة إحصائية بحتة لو العربيات دى ألمانى ويابانى وأمريكى كانت هتتعجن باللى جواها كدة وتسبب نفس عدد الإصابات ؟