مشكله جننتنى فى بيجو 406

**rasha1** · 09-04-2015 12:59 PM

م احمد

شكرا كثير للتوضيح
ولكن نعمل ايه فى زحمة الطريق و حماية السيارة بمعنى ان ممكن تكون السيارة بحالة كويس و احنا نتوهم ان فيها مشكلة نيجة زيادة استهلاك البنزين و نسلم نفسنا الى الميكانيكى يشتغلنا !!

**م أحمد** · 09-04-2015 02:45 PM

المشاركة الأصلية كتبت بواسطة rasha1

م احمد

شكرا كثير للتوضيح
ولكن نعمل ايه فى زحمة الطريق و حماية السيارة بمعنى ان ممكن تكون السيارة بحالة كويس و احنا نتوهم ان فيها مشكلة نيجة زيادة استهلاك البنزين و نسلم نفسنا الى الميكانيكى يشتغلنا !!

الطرق المفتوحة الطوالى ممكن نعرف منها حالة الاستهلاك

بالنسبة ليا الطرق الزحمة جدا الواحد بيريح دماغه و يقضيها مواصلات مش عشان التوفير بقدر الضغط العصبى إلا إذا كانت الأسرة و مش عايزين بهدلة

**wolfin** · 15-04-2015 01:21 AM

نفس المشكلة عندي 2006. الحل غير الضفيرة

**Mohamed K.Anis** · 28-04-2015 03:55 AM

المشاركة الأصلية كتبت بواسطة wolfin

نفس المشكلة عندي 2006. الحل غير الضفيرة

هى الضفيره ممكن تعمل كده ؟

**Mohamed K.Anis** · 28-04-2015 03:57 AM

المشاركة الأصلية كتبت بواسطة م أحمد

السلام عليكم و رحمة الله و بركاته

الأستاذ المحترم

ممكن تتصور إشعال العربية زى شمعة لمبة جاز.......لو نفخت فيها زيادة هتنطفى.....لان مادة الحرق هتقل بالنسبة للهوا و لو رشيت عليها جاز برضه هتنطفى......لان الهوا قل بالنسبة لمادة الحريق

مشكلتك اللى بتخلى العربية تبطل هى عدم انضباط نسبة الوقود للهواء

زيادة الوقود هتلاقيه اشارة خاطئة من الكمبيوتر بناءا على حساس الشكمان و دا اللى عمله الحاج محمد انه نظف حساس الشكمان اللى بيقيس نسبة الوقود فى العادم

و لو البوابة مخنوقة هتلاقيه الاشعال غير كامل و العربية تبطل لان مفيش هوا كفاية

ولو البوجيهات او كهربتها مش كاملة... الحرق مش هيكتمل

تسييل الرشاشات يعمل دخنة علشان البنزين زيادة

رأى انك تثبت مع واحد ميكانيكى ما يفتحش عليك مواضيع على الفاضى علشان لو ما لقاش العيب ينقل على الاحتمال اللى بعده و يعالج الامور بتدرج

والله اعلم انت عندك مشكلة فى البوابة ...إما تغيير الأيدل او البوابة بالكامل (شكلك جبت واحدة استيراد او مخلوعة من عربية واحد قبلك) ....ممكن تروح لاى ميكانيكى بيشتغل فى العربيات الانجكشن عندك فى طنطا و تقوله نظف لى البوابة.....و تشوف الوضع اتغير ازاى علشان على الاقل تقدر تستبعد حاجة

و اعراض تلف البوابة الحاجات اللى حضرتك قلتها ...التبطيل..و ارتقاع و انخفاض ال rpm مع ملاحظة انك لو حطيت نوعية زيت رديئة بخر الزيت هيبقى عالى و يسد لك البوابة بمعدل سريع..... او لو الموتور خفيف.....لان بخر الموتور بيرجع تانى للبوابة زيت خرطوم الفايظ فى العربيات الكاربيراتير

يعنى اكيد لما نظفت البوابة كل الكلام اللى انت قلته ما كنش موجود لفترة و بعدين رجع تانى

تانى حاجة لازم تشوفها كويلات الكهربا المسئولة عن الاشعال و دى اساس زيادة استهلاك البنزين

برضه ممكن تروح لعفشجى او ميكانيكى متخصص يشوف العفشة جايز فى مشكلة مكتفة العربية بتسبب زيادة الاستهلاك و التبطيل

هو ممكن البوابه تتسبب فى خروج دخان اسود من الشكمان و استهلاك وقود عالى ولا ماهاش علاقه ؟

**pepo2011** · 28-04-2015 11:48 AM

المشاركة الأصلية كتبت بواسطة rasha1

المهندس / احمد
من فضلك عايز اعرف معدل استهلاك البنزين لبيجو 406 سى سى 2000

يافندم الموضوع نسبي معدل الاستهلاك يعتمد علي حاجات كتير ميكانيكا وكهربا وحاجات خارجية الطريق والجو ونوعية الاسفلت نفسها وجودة الكاوتش وضغط الهوا واتجاة الرياح نفسها