-
سحب ال128 ضعيف
السلام عليكم
انا عندى مشكله فى ال128 و مش عارف حلها ازاى وياريت حد يساعدنى خصوصا اصحاب ال128 اللى قبلهم نفس المشكلات الاتيه:
1-سحب العربيه ضعيف خصوصا لما بنقل التانى بحس ان العربيه شويه شويه هنزل ازقها ...وطبعا ناس كتيير معندهاش صبر بيفتكرونى ماشى على مهلى ...محدش فاهم ان العربيه بتاخد شويه وقت عشان تجمع نفسها
بعد لما بنكون واقفين فى الزحمه "مغير لبوجيهات و الابلاتين و الكوندنسر من فتره"
2-اول مبدور العربيه الصبح او لو ركنها فتره يعنى الاقى فرقعه بتحصل عند الكبرتيير ...و بتروح لما مع تنتظم فى الدوران بعد شويه تسخين كده
خبرتى فى المكانيكا على قدى خالص فياريت حد يساعدنى فى معرفه الحل عشان بكره اشتغالات الصنيعيه ....
فى انتظار الردود شكرا مقدما
-
بصفة عامة الفرقعة دى عبارة عن كهربا مش مظبوطة من الاسبراتير اما ماخر كهربا او مقدم كهربا ولازم الميكانيكى يظبطهالك بس عرفة موضوع الفرقعة وبعد ما تظبط كهربا ابقى قيم اداء العربية
-
الفرقعة
اما كوندنسر تالف
او الابلاتين طرفيه فى حالة شبه تلامس دائم و المفروض يفتح و يقفل ....و الخلوص نصف خلوص البوجيه يعنى ثلث المللى لل 128
و الحل انك تصنفر طرفى الابلاتين و تضبط فتحته كويس و تقرط على مسامير الربط بتاعةالابلاتين لان دى اساس المشكلة
ازااااااااااااااااااااااا اااااى؟
مع السرعات العالية و عملية الفتح و القفل المتوالية المسمارين دول بيسيبو او يفوتو و الابلاتين يقفل على نفسه و دا اللى يفرق صنايعى محترم بيقرط على المسمارين كويس من واحد بيقضى شغله و السلام
و يا ريت حضرتك تتعلم الموضوع دا لان ضبطة الكهربا بتبقى عايز دقة شديدة جدا بيستسهلو برضه فى ضبط الاسبراتير و فرق ضبط الكهربا هو فرق بين نوعين من العربيات بلا ادنى مبالغة
سحب ال 128 لو ضبط مصنع من 0 ل100 كم فى الساعة ببنزين 87 (92 عندنا) حوالى 14 ثانية
-
شكرا جدا المساعده ....هشوف أن شاء الله موضوع الكهرباء و هجرب و اقولكم ...شكرا مره اخرى
Content Relevant URLs by
vBSEO 3.6.0 PL2