معلومات عن بيجو 308 موديل 2015

**Mohab.Nabil** · 26-03-2015 11:32 PM

المشاركة الأصلية كتبت بواسطة densfog

اهلا بيك فى الموضوع ياباشا ... انا ياما استفدت من ردودك فى قسم ستروين ...

بالنسبه لوحدات الرفع معنديش معلومه عنها ... بالنسبه لنقطه الفيميه الخلفى بس .. انا مصور فيديو من معرض اوتوماك راجعته لقيت فعلا الزجاج الخلفى فقط ..... لكن فى نسخه ال gt .. موجوده كمان على ازاز الابواب الخلفيه ... وبالمره الفروقات ما بين العاديه و ال gt ...
فيميه .... 8 وسائد بدل 6 .. كاميرا ... جى بى اس متفعل فى مصر .. ستارت ستوب ... فرش جلد .. اكصدامات معدله ( الخلفى بفتحتى عادم ) و كمان عتب للجوانب
بس لسه لحد دلوقتى محددوش هتنزل ولا ﻷ ... ولو نزلت هتبقى بكام ... وهل هتنزل بالموتور العادى ال 156 حصان .. ولا ال 205 حصان

بصراحه انا من وجهه نظرى هيا رائعه بالنسبه لسعرها لو اعتبرنا اعتماديتها زى ال 508 اللى أصحابها بيشكروا فيها ... واللى ممكن تنافسها السيتروين ال ds4 .. بس ال 308 تتفوق فى الشاشه ويمكن الوسع الداخلى ... اما بالنسبه للموتور مش عارف بصراحه

انا كنت ومازلت بفكر فى ال ds5 الهاى لاين ... بس لما شوفت العربيه دى و موتورها و تجهيزاتها و فرق السعر الرهيب بدأت تزغلل عينى ... وخاصه لو نزلت ال gt بسعر معقول .. 260 الف مثلا ... وده ميمنعش ان ال ds5 ليها مميزات زى الوسع الداخلى الرائع و والشكل الداخلى و الخارجى الثوريين ... بس توافر قطع الغيار ممكن يلعب لعبته

كمان فى فئه ال 290 ... الالفا روميو الجوليتا اللى بسقف بانوراما و فرش جلد ... امكاناتها جميله جدا .. والنتريور بتاعها رائع .. والغريب اسعار قطع غيارها لما اتصلت بوكيلها كان كويس ... بس المشكله وكيل جديد مع عربيه نادره وملهاش مسمار بره التوكيل

الأودى a3 رائعه ... بس مشكلتى معاها لما عرفت انها واطيه على الارض .. حوالى 11 سم

عامه من هنا لشهر 7 او 8 ان شاء الله اكون اخترت من بينهم

الله يخليك ، و الله الواحد وحشته الستروين

و الحمد لله انك استفدت من الردود .. و دا شرف ليا يا باشا

وحدات الرفع ان شاء الله تبقى موجودة لأن طبيعى انهم بيتقدموا مش بيتأخروا و الكلام ده كان موجود فى 2006 فأظن ان هيبقى فيها خصوصا ان التوكيل جايب الـ allure اللى هى تعتبر اعلى فئة تحت الـ GT

انا اللى وصلى ان الـ GT مش هتنزل و الله اعلم و انها كانت عربية واحدة للعرض بس و مش هيجيبوها تانى ، موضوع الازاز ده غريب اوى انا ديه اول عربية اشوفها تنزل بالازاز اللى ورا بس و لو الـ GT نزلت اظن هينزل الـ kit بس مش الموتور لأنها كده هتعدى الـ 300 مستريح و اظن التوكيل مش هيخاطر بكده و الموتور الـ 156 انا شايفه حلو اوى و كفاية عليها مفروض العربية تبقى طيارة لو 7.7 فعلا فالعربية هتبقى من اقوى العربيات فى مصر فى الفئة ديه

بصراحة توكيل بيجو لعبها صح و انا مع ان قلبى مع ستروين بس بصراحة الـ 308 تكسب فى كل حاجة الا الشكل الخارجى و ديه فى الاول و الاخر اذواق يعنى مش نقطة تحسب لستروين كمان لأنها متغيرة من شخص للتانى

الـ ds5 مكوك فضائى بصراحة بس انا شفت موضوع فى قسم ستروين عن العضو اللى معانا و معاه العربية و اسعار قطع الغيار واضح انها غالية و التوكيل مطلع عينه كمان للأسف عز العرب مش راضى يتحسن ..

الجوليتا ديه موضوع لوحدها بس مشكلتها فعلا فى قطع الغيار و كمان اعادة البيع .. اظن ان بيعها هيبقى صعب جدا بعد كده ده طبعا غير الخسارة الكبيرة الاكيدة فى سعر اعادة البيع انما هى كعربية لا خلاف عليها و انها افضل من الـ 308

الاودى برضه جميلة جدا بس الفتيس الـ S-TRONIC ابن عم الـ DSG و انا مبقتش ارتاح لأى حاجة منهم بصراحة و الواحد مش هيشترى عربية بحوالى ربع مليون عشان يبقى قلقان على الفتيس بتاعها

بالتوفيق يا باشا و ان شاء الله ربنا يخترلك الاحسن فيهم و ربنا يباركلك فى العروسة الجديدة ان شاء الله

**densfog** · 26-03-2015 11:59 PM

المشاركة الأصلية كتبت بواسطة Mohab.Nabil

الله يخليك ، و الله الواحد وحشته الستروين

و الحمد لله انك استفدت من الردود .. و دا شرف ليا يا باشا

وحدات الرفع ان شاء الله تبقى موجودة لأن طبيعى انهم بيتقدموا مش بيتأخروا و الكلام ده كان موجود فى 2006 فأظن ان هيبقى فيها خصوصا ان التوكيل جايب الـ allure اللى هى تعتبر اعلى فئة تحت الـ GT

انا اللى وصلى ان الـ GT مش هتنزل و الله اعلم و انها كانت عربية واحدة للعرض بس و مش هيجيبوها تانى ، موضوع الازاز ده غريب اوى انا ديه اول عربية اشوفها تنزل بالازاز اللى ورا بس و لو الـ GT نزلت اظن هينزل الـ kit بس مش الموتور لأنها كده هتعدى الـ 300 مستريح و اظن التوكيل مش هيخاطر بكده و الموتور الـ 156 انا شايفه حلو اوى و كفاية عليها مفروض العربية تبقى طيارة لو 7.7 فعلا فالعربية هتبقى من اقوى العربيات فى مصر فى الفئة ديه

بصراحة توكيل بيجو لعبها صح و انا مع ان قلبى مع ستروين بس بصراحة الـ 308 تكسب فى كل حاجة الا الشكل الخارجى و ديه فى الاول و الاخر اذواق يعنى مش نقطة تحسب لستروين كمان لأنها متغيرة من شخص للتانى

الـ ds5 مكوك فضائى بصراحة بس انا شفت موضوع فى قسم ستروين عن العضو اللى معانا و معاه العربية و اسعار قطع الغيار واضح انها غالية و التوكيل مطلع عينه كمان للأسف عز العرب مش راضى يتحسن ..

الجوليتا ديه موضوع لوحدها بس مشكلتها فعلا فى قطع الغيار و كمان اعادة البيع .. اظن ان بيعها هيبقى صعب جدا بعد كده ده طبعا غير الخسارة الكبيرة الاكيدة فى سعر اعادة البيع انما هى كعربية لا خلاف عليها و انها افضل من الـ 308

الاودى برضه جميلة جدا بس الفتيس الـ S-TRONIC ابن عم الـ DSG و انا مبقتش ارتاح لأى حاجة منهم بصراحة و الواحد مش هيشترى عربية بحوالى ربع مليون عشان يبقى قلقان على الفتيس بتاعها

بالتوفيق يا باشا و ان شاء الله ربنا يخترلك الاحسن فيهم و ربنا يباركلك فى العروسة الجديدة ان شاء الله

متشكر جدا على الرد و الدعوات ... وانا معاك فى كل اللى قولته خاصه حته الشكل الخارجى للبيجو .. بس فى النهايه .. تجهيزات قدام سعر ... مرضيه جدا .... بالنسبه ﻷعاده البيع ... اللى بيفكر فى الفئه دى بيتهيألى كلها سعر اعاده بيعها هيبقى سئ .. فمش فارقه .. وبصراحه اجى افكر اركب اوكتافيا A7 مع احترامى ليها بس مش حابب اى حاجه غير الفاميلى الهاتش باك ... عامه بأذن الله شكلها فعلا ما بين السيتروين و البيجو على حسب المبلغ اللى هقدر اوفره لبند العربيه ..... ترجعلنا بالسلامه ان شاء الله

**densfog** · 27-03-2015 04:04 PM

تصحيح صغنطط ... التسارع بتاعها 8.4 ثانيه للموتور ال 156 حصان .. مش 7.7 ثانيه اللى تقريبا بتاع 205 حصان

**tasaka** · 27-03-2015 07:44 PM

المشاركة الأصلية كتبت بواسطة densfog

انا برضه اهم حاجه عندى ارتفاع العربيه ... بالنسبه للنت شوفت 11 سم و كسر ... وفى موقع تانى شوفت 13 سم ... بس لما سألت اتنين من المبيعات فى مرتين مختلفتين .. قالولى 145 مم .. لو كده يبقى من رأيي كويس

وحده الرفع معرفش

مكتوب على اول صفحه فى البروشور بتاعها اللى موجود فى الموضوع .. تعمل بأمان تام مع بنزين 92 ... والعهده على الراوى

السلام عليكم ورحمة الله وبركاته

رقم 10 سم و 11 سم يعبر عن اوطى نقطه و هى عاده تحت كارتيره الزيت .. و لا يعبر عن الخلوص العام للسياره من تحت يكون عاده اكبر من ذلك

و الله اعلم

تحياتى

**Mohab.Nabil** · 27-03-2015 08:14 PM

المشاركة الأصلية كتبت بواسطة densfog

تصحيح صغنطط ... التسارع بتاعها 8.4 ثانيه للموتور ال 156 حصان .. مش 7.7 ثانيه اللى تقريبا بتاع 205 حصان

Still a monster

**densfog** · 27-03-2015 09:56 PM

المشاركة الأصلية كتبت بواسطة tasaka

السلام عليكم ورحمة الله وبركاته

رقم 10 سم و 11 سم يعبر عن اوطى نقطه و هى عاده تحت كارتيره الزيت .. و لا يعبر عن الخلوص العام للسياره من تحت يكون عاده اكبر من ذلك

و الله اعلم

تحياتى

متشكر جدا على الافاده .. الله يطمنك ... هيا لو 145 مم تبقى معقوله .. انا عربيتى جين تو رائعه فى موضوع المطبات و خلوصها 150 مم ... عندى عربيه باندا 121 مم ... زبااااااله فى المطبات لو محمل اتنين غير السواق ... تقريبا ال 508 خلوصها 155 سم ... علشان كده اصحابها بسم الله ما شاء الله بيشكروا فيها فى الموضوع ده

**tasaka** · 28-03-2015 08:37 PM

المشاركة الأصلية كتبت بواسطة densfog

متشكر جدا على الافاده .. الله يطمنك ... هيا لو 145 مم تبقى معقوله .. انا عربيتى جين تو رائعه فى موضوع المطبات و خلوصها 150 مم ... عندى عربيه باندا 121 مم ... زبااااااله فى المطبات لو محمل اتنين غير السواق ... تقريبا ال 508 خلوصها 155 سم ... علشان كده اصحابها بسم الله ما شاء الله بيشكروا فيها فى الموضوع ده

على العموم يلزم التأكد الكامل .. المعلومه دى قرأتها بالصدفه على الانترنت و لم احاول التعمق فى الموضوع

و الله اعلم

تحياتى

**MoMo_77** · 29-03-2015 04:09 AM

تقريبا نفس أداء ال Golf 7 أو أقل حاجة بسيطة في التسارع بسبب الفتيس ال DSG
طبعا الفيديو دا مش مقياس لكن أدائهم متقارب جدا

[youtube]http://www.youtube.com/watch?v=SIIARnlkh1s[/youtube]

**densfog** · 29-03-2015 11:51 AM

المشاركة الأصلية كتبت بواسطة tasaka

على العموم يلزم التأكد الكامل .. المعلومه دى قرأتها بالصدفه على الانترنت و لم احاول التعمق فى الموضوع

و الله اعلم

تحياتى

وصلت لزميل اشترى العربيه و بيشكرلى فى الموضوع بتاع علو العربيه عن الارض كويس جدا

**densfog** · 29-03-2015 12:16 PM

المشاركة الأصلية كتبت بواسطة momo_77

تقريبا نفس أداء ال golf 7 أو أقل حاجة بسيطة في التسارع بسبب الفتيس ال dsg
طبعا الفيديو دا مش مقياس لكن أدائهم متقارب جدا

[youtube]http://www.youtube.com/watch?v=siiarnlkh1s[/youtube]

شكرا على الفيديو .. بيتهيألى اداء كويس جدا .. قدام السعر والتجهيزات و قدام عدم وجود مشاكل حتى الان فى الفتيس مقارنه بالجولف .... بالمناسبه هو الموتور و الفتيس هما بتوع ال 508 ؟؟