بسم الله الرحمن الرحيم
الحمد لله والصلاة والسلام على رسول الله نبينا محمد خير خلق الله
مستر صفوت أشكرك جدا على المشاركة الى هزتنى جدا علشان فرحان ان بسمع الكلام ده من راجل محترم الحمد لله.
يا مستر صفوت أكتر حاجة مزعله الواحد فى كل الموضوع ده أن فى بنى أدم لما اتولد من بطن أمه كان مواصفاته الجسدية أنه ذكر ولما كبر وطلع بطاقة شخصية كتبوا فيها انه ذكر من شهادة الميلاد والطبيعى المنطقى العادى جدا أنه يكون ذكر بصفات الرجولة ولكن المُحزن فعلاً أنه يكون ذكر بمواصفات الدياثه مع الاعتذار ديه كلمة فصحه عاديه جدا ،، لما ذكر يقبل على أهل بيته ونفسه الدياثة أكيد ديه كارثه كبيرة.
وحضرتك بتقول انك إذا كنت واثق من زوجتك ميه فى الميه لا يمكن تسمح أو تقبل انها تتواجد فى مكان زى كده ،،،، طيب يا راجل يا مؤمن أخوك كنت شغال فى شركة شبه المالتى ناشيونال كده وهى فعلا اسمها مُعبر عن محتواها خلطبيته كباريه نادى ليلي كبير بدون مبالغة ( سرقة - اختلاس - نصب - زنا - مخدرات ) كل ده موجود فى الشركات اه والله .. والحمد لله داخل على سنة عاطل بعد ما سبت الشغل لنفس الاسباب الى حضرتك بتقولها والمفروض انى راجل ان شاء الله هههه
وعلشان يكون فايدة لكل من لا يعرف نضرب مثل وكل واحد بقه سواء كان راجل أو ست يشوف لو أتحط فى الموقف ده حيعمل ايه
لما يكون الشكل العام للشغل زى ما قولنا نادى ليلي كبير وعلى فكرة موجود برده فى غير المالتى ناشيونال بس بشكل أخف حده وبطرق أخرى ... على كل حال لما مثلا صاحب سلطة فى مكان الشغل ممكن مدير أو رئيس أو أو ،، ويكون ذكر أو انثى ويكون منحرف أو قرر ينحرف لما يجى المدير أو المديرة ويبدأ معاك مساومة على نفسك سواء انت راجل أو ست وببساطة شديدة بيعمل معاك زى الافلام العربى يحصرك من كل ناحية بالاساليب الخبيثة الدنيئة علشان يوصل لهدفه الى هو اى حاجة من الحاجات السابقة أو كلها مع بعضها ... يا ترى يكون تصرف حضرتك ايه واذا كان الكلام ده منتشر فى أغلبية الاشغال نعمل ايه ... فلا حول ولا قوة إلا بالله العَلى العظيم
والله أتمنى ان الناس الطيبة المحترمة متكونش عايشه فى غفلة وتنكر الى بيحصل حوليها من فجور وكل واحد يقولك عادى كل واحد حر يعمل الى هو عايزه مع الوقت تلاقى الافراد والأسر والناس كلها غرقانه فى الفواحش والى بيفرط فى نفسه بعد كده لو اضغط عليه حيفرط فى بيته كله .وده مش حيصل ابدا ان شاء الله بس الامتحان صعب جدا . إن شاء الله ربنا يتولانا برحمته ولطفه بنا عز وجل.
:orangeabli:
الحمد لله ولا حول ولا قوة إلا بالله العَلى العظيم
سبحان الله وبحمده سبحان الله العظيم