اقتباس المشاركة الأصلية كتبت بواسطة باسم يوسف مشاهدة المشاركة
الزواج في مصر مشروع فاشل للاسباب التاليه:

1) مستويات جمال متدنيه بس طبعا في بنات جميله نادره الوجود

2) مستويات اخلاق متدنيه الا من رحم ربي

3) اسعار الشقق نار (اقل شقه 200 الف في الشروق)

4) العيشه نفسها غاليه (حاجه معروفه للجميع)

5) نكديين (نفسياتهم غير سويه الا من رحم ربي)

6) غالبيتهم مش بيشتغلوا يعني هتشيل الليله لوحدك

7) مجتمع قذر لا يصلح لتربيه اولاد صالحين

8) تتطفل من الاهل و الاصدقاء لخراب البيت
حضرتك جبت من الاخر فعلا وخصوصا النكد
وتتطفل الاهل لخراب البيت
انا ليا صديث انا وهو اصحاب من سنوات طويلة وبنتقابل اسبوعيا وبنخرج وتقريبا انا وهو اكتر من الاخوات
وهو شغال شغل محترم ودخله المادى عالى وانسام متربى وامين جدااااا وبيخاف من الله عز وجل وعلى خلق وعائلته محترمة وكلهم فى مراكز محترمه وكل الى عارفهم بيشكر فيهم ومفيش حد عمره قال عنهم كلمه وحشة ........ وكل الى بقوله ده عن معرفتى بيه لمده 15 سنه تقريبا وعن تعامل فى مواقف كتيرة
انا ليه بقول المقدمه دى كلها ........ علشان الى جاى
صاحبة ده تزوج بنت من عائلة المفروض انها عائلة كويسة وجمالها كان معقول بس هو مبصش على الجمال اوى فى نظير ان الظاهر ان اهل مراته متدينين وحجوا بيت الله واعتمروا اكتر من مرة ومراته نفسها عملت اكتر من عمره قبل ميخطبها ...... بعنى هو بص على التدين بس للاسف طلع تدين ظاهرى
صاحبى بيعامل زوجته بما يرضى الله ولا بيضربها ولا بيهنيها ولا هو بخيل وشايف مصلحتها ومصالح بيته واولاده على اكمل وجه ولا يبخل عليهم فى شئ وجاب شقة 180 متر واتفرشت احسن فرش ولدرجة انه ركب مراته عربيه حديثة غالية واتوماتيك وبنته قدم ليها فى مدرسة غالية وعلى مستوى واهله بيعاملوا مراته بمنتهى الاحترام وعمر محد داس ليها على طرف
إلا ان للاسف الحلو ميكملش ..... مراته نكدية نكدية نكدية لابعد مستوى ممكن تتخيلوه وممكن تغضب وتكشر فى اليوم الواحد اكتر من تلات مرات لاسباب فى منتهى التفاهة وتقعد مكشرة ومبوزة فى وشه لايام وايام ولما السبب يتعرف تلاقيه حاجة لا تستحق
واكتر حاجه عامله مشكله فى حياته هى اهل مراته وحب مراته الشديد ليهم لدرجة انها عاوزه انه يعملهم كل طلباتهم ومصالحهم مع ان ليها اخ وابوها على قيد الحياه وسايبه دول وماسكه فى جوزها علشان اى مصلحة او طلب لاهلها لازم هو الى يعمله
طبعا صديقى حاول يتعامل معاها باللين سوية وبالشده شوية بس طبعا يا ويله وسواد ليله اذا طلبت حاجة لاهلها وهو مرضيش يعملها خصوصا انه معدش طايق الوضع ده وبقى يرفض اى طلب لاهلها لما لقى ان الطلبات بقت مهينه ليه وخصوصا لواحد فى مركزه زى ان ابوها عاوزه ياخد العربيه الى اختها بتركبها علشان يغسلها ويصلح العربيه دى لما تبوظ وانبوبه بوتجاز عاوزة تتغير ويروح يجيب فلوس لابوها من عند ناس وغيره وغيره من الطلبات الى من النوعيه دى وصديقى رفض كل الكلام ده وطبعا المشاكل كترت بسبب الحكاية دى وهو صمم على رأية
لغاية ما كانوا فى مرة عند اهلها وطلبت منه يروح يرخص عربية ابوها وهو رفض فسمعته كلام مش كويس وقالتله انها مش راجعه البيت فسابها ومشى وبقالها شهر عند اهلها وهو مبيسألش فيها ورافض انه يرجعها ومصمم يطلقها
وطبعا طول الشهر ده محدش حاول من اهلها انه يكلمه وانا بحاول اهديه علشان خاطر اولاده الاتنين بس هو مصمم يطلقها وبيقولى دى مش باقية على بيتها وجوزها ومستعده تضحى بده كله وتخرب البيت علشان خاطر اهلها اذا مقبلش يكون مرمطون لاهلها خصوصا ان ابوها واخوها فى مراكز كويسه جداا ويقدروا يخلصوا مصالحهم بسهولة جدااا وبدون مشاكل وان اهلها مقوينها على الوضع ده
بصراحه انا مش قادر اضغط عليه علشان يرجع مراته خصوصا انها شكلها مش ناوية تتغير وهو معدش طايق الوضع ده خصوصا انهم متجوزين من اربع سنين وطول الوقت فى مشاكل بسبب اهلها وطلباتهم الى مبتخلصش وهو من ساعه متجوزوا وهو بيقاوم الوضع ده ويساعات كان يرفض وساعات كان يعديها علشان خاطر البيت وخاطر ولادوه بس هو جاب اخر خلاص ومصمم على الطلاق
لما ببص لصاحبى ده بتاكد ان الستات فى مصر نكديات جدااا وخصوصا لما بلاقى معظم اصدقائى بيعانوا مع نكد زوحاتهم وتدخل اهلها بس وان كان بدرجة اقل من صاحبى صاحب المشكلة دى
صاحبى ده انسان ربنا اداله حاجات كتير بس زوجة نكديه واهل متطفلين وتدينهم ظاهرت ضيعوا كل حاجة وهيخربوا البيت
بصراحة الله يكون فى عونه