ماستر الضفدعه

**hazemawad** · 22-03-2015 06:39 PM

يا ترى حد غير ماستر الضفدعه يا جماعه بتاعة الداتشا نوفا ؟؟؟
وغيرتوها بايه يا ترى لانها مش موجوده لا عتد مشيل ولا البساطى ولا عتد سامح الضبع
مع العلم انى لغيت الماستر وركبت مشتركات للخطين القادمين من الماستر العمومى للعجل الخلفى فبدل ما اتكحلت اتعمت والحمد لله
فالمتاح امامى دلوقت تركيب ضفدعه من الفيات او الشاهين وبرضه بالتعديل لان الماستر عتدنا مختلفه عن البديل فى التركيب والوظيفه لانى محتفظ بالماستر العمومى فى كل الاحوال ولان الضفدعى بتاعت النوفا اربعه ماسوره والموجود كبديل 2 ماسوره فمضطر لتركيب مشترك يجمع مابين الماسوه المغذيه للمساتر الخلفيه والماسوره الثانيه القادمه من العمومى
ياريت نسمع منكم تجاربكم فى هذا الشأن
ودمتم فى عز دائما

**hazemawad** · 23-03-2015 11:01 AM

معلش يا جماعه الضفدعه عشان تخلى حمل الفرامل الفجأه على العجل الامامى لان القصور الذاتى اثناء تحرك العربيه ووقوفها فجأءه بيكون على العجل الامامى اما فى الحاله العاديه بيقفل على الاربع عجلات عادى

**hazemawad** · 23-03-2015 12:23 PM

والحاجه التانيه عن الماستر العمومى والضفدعه هى ان الماسوره الرابعه اللى متجمعه مع الماستر بلاكور 13 مش متصله مع الفرامل مباشرة ولكن وظيفتها الاساسيه هى التحكم فى الفتح والغلق على العجل الخلفى اى انها حساس الفرامل المسؤل عن توزيع الضغط ولا تعمل الا مع الضغط المفاجئ والشديد على الفرامل ...
ملحوظه : حد جرب انه يشد فرامل اليد مرة واحده وهو ماشى بسرعه معقوله بدون الضغط على الفرامل؟ سيجد ان العربيه خدت ميل وهوه ده الهدف من عزل فرامل العجل الخلفى عن دورة الفرامل فى الضغط المفاجئ للفرامل باستخدام ماستر الضفدعه

**hazemawad** · 26-03-2015 10:46 PM

تم الاستغناء عن الضفدعه نهائبا وتركيب مشتركين نحاس وطقم لاواكير كامل للمنظومه وتغيير كامل باكم المنظومه واخذ الهواء من الاربع مساتر والماستر الرئبسى وتم ظبط الرجلاش للدواسه والزغاد مع ظبط رجلاش فرامل اليد على الشعره والتأكد من قدره الفرامل على القفل جيدا على الطنابير من اقل لمسه للدواسه ولكن لم يتم التأكد منها على السرعه العاليه من ناحية الاتزان والحفاظ على السياره من الانحراف وسرعة الاستجابه ....ولكن الاربع عجلات بيقفلوا مع بعض مع فرامل الفجأه سيتم موافاتكم بالنتيجة حال التجربه ...والسلام.....
ملحوظه: لم اتخلص من ماستر الداتشا بل تم التعديل على نفس الماستر ولم الغى خط الضغط الخاص بالضفدعه بل تم دمجه بدورة الباكم كتدعبم فى حال الفرامل الفجائيه.

**mohsen128** · 14-04-2015 10:56 AM

الله ينور يا حازم ،، انت من الناس القليله الي فهمه يعني ايه ميكانيكا ربنا يباركلك ،، باذن الله هيكون في زياره عندك اريب لانك وحشني جداً وبالمره تقولي رايك في الشغل الي عملته في العربيه .

**hazemawad** · 20-04-2015 07:53 AM

انت بتنورنى دايما يا محسن ....

**assermohmmed** · 22-01-2016 01:50 AM

السلام عليكم
كنت حابب استفيد من حضرتك فى موضوع الغاء ماستر الضفدعه
انا معايا رينو لوجان
وكنت عايز احسن الفرامل والغى ماستر الضفدعه بس ما لاقيتش حد يفيدنى .
ياريت لو حابب اتواصل معاك او واتس او على المنتدى
لو ممكن صور للتعديل

**hazemawad** · 22-01-2016 07:14 PM

المشاركة الأصلية كتبت بواسطة assermohmmed

السلام عليكم
كنت حابب استفيد من حضرتك فى موضوع الغاء ماستر الضفدعه
انا معايا رينو لوجان
وكنت عايز احسن الفرامل والغى ماستر الضفدعه بس ما لاقيتش حد يفيدنى .
ياريت لو حابب اتواصل معاك او واتس او على المنتدى
لو ممكن صور للتعديل

باشا ايه مشكلتك من الاساس لان الغاء الضفضعه مش اوبشن او ميزه اساسيه بل هو عيب اقل ضرراً من عيب اخر يعنى بنصلح غلط بغلط اقل
تعال واتس 01024209001