عندهم كذا نظام بس المعتاد يومين في الاسبوع المرة ٣ ساعات منهم معاد من ٧-١٠ م اللي انا حجزت فيه
ده تليفونهم ممكن تكلمهم وتعرف باقي المواعيد والتفاصيل التانية
01152277705 – 01152277706
عرض للطباعة
الف شكر ياكبير
رقم مدرس المانى ممكن يحاضر فى المركز او البيت : 01151378979
أستاذ أبو آسر
اية اخبار الكورس معا حضرتك
انا حليا غيرت رائى من تعليم الانجليزى ل تعليم الالمانى
اية رئ حضرتك فى المركز وياترا تنصحنى بية ولا لا
و اسلوبة معتمد على اية الشرح والفهم والتجربة ولا حفظ فقط
المركز كويس جدا وطريقة الشرح ممتعة وكويسة
بس اكتشفت إني كواحد ميعرفش أي حاجة عن الألماني كان لازم أمهد لنفسي كويس قبل ما أروح يعني كان مفروض أتابع شوية شروحات من عالنت وعن طريق البرامج والتطبيقات زي Duolingo أو Rosetta Stone قبل ما أبدأ لأن الكتاب مش سهل على مبتدئ ميعرفش أي حاجة عن الألماني
فنصيحة لو حضرتك عايز تروح ادي لنفسك مهلة شهر مثلا وحمل تطبيق Duolingo عالموبايل أو التابلت أو سجل في الويب سايت وابدأ افهم أساسيات اللغة وبعض الكلمات علشان ده هينفعك جدا لما تبدأ في المنهج اللي بيدرسوه
ملحوظة: كلما كان مستواك في الإنجليزي كويس كلما أفادك الموضوع ده في تعلم الألماني لأن الاتنين متقاربين وفيهم حاجات متشابهة كتير فحاول تهتم بالإنجليزي برده ولو من خلال كورسات من الإنترنت لأن الإنجليزي لا غنى عنه وهو مفتاح كل العلوم والوظائف دلوقتي
الف شكر لحضرتك
بس هما مش المفترض يبدوا معنا من الصفر ولا اية
يعنى انا واحد هروح اتعلم لغة جديدة ومش متداولة كتير يعنى زى الانجليزى
فا اظن المفترض انهم يبداو من الصفر صح ولا اية
ولو عند حضرتك معلومة عن معهد جوتة هل بردك نفس النظام ولا بيبدو من الصفر
؟؟؟؟؟؟؟؟؟؟؟؟؟؟
هما كده يعتبر بيبدأوا من الصفر برده وبيبدأوا بالحروف والأرقام بس أنا من واقع تجربتي حسيت بضغط وتراكم معلومات ولقيت نفسي مشتت وده مكنش شعوري لوحدي ده كان شعور كل اللي في المجموعة معايا تقريبا علشان كده لو مهدت لنفسك زي ما قلتلك هتلاقي الدنيا بقت أسهل زي ما واحد بيحضر الدرس قبل ما بيروح بتلاقيه بيستوعب أكتر من اللي مش محضر
جوتة بيدرس نفس المنهج ونفس الكتاب بس بيطول فيه شوية لأن الليفل الواحد جوتة بيديه في 3 مستويات لكن dfa بيشرحه في مستويين اتنين بس فممكن تلاقي العملية أفضل في جوتة بس جوتة غالي الليفل ب1100 ومكتوب على موقعهم ب1400 مش متأكد مين صح بس في كلا الحالتين أغلى من dfa والطلب عليه أكبر ويا تلحق يا متلحقش
الف شكر لحضرتك جداا
بس سوال مدة الليفل اد اية؟ وبكام؟
وهل فية برامج مكثفة؟
الليفل شهر ونص وفي أسبوع راحة بين كل ليفل والتاني
السعر 730 جنيه شامل الكتب
وفي برامج مكثفة بس معرفش نظامها للأسف ممكن تسألهم DFA | contact us
سؤالى بقى حول الامتحان اللى فى جوته
هل الامتحان ده بيبقى خاص ب a1 او ِa2 و لا بيبقى على المستوى a كله
و هل الامتحان بيبقى زى ielts بتاع الانجيلزى و يحتوى على سماع و كتابه و تحدث و قراءه ؟؟