عرض للطباعة
فيكترا موديل 99 بخلص فيها ب55 الف حالتها كويسة بس خايف من قطع الغيار هل هى متوفرة ام لا ولو حد عندة فكرة عن قطع الغيار المستهلكة مثل رفرف او كبوت او باب او اكصدام وباالنسبة للموتور طلمبة المياة والزيت والباور والدينامو والمارش والطنابير وتيل الفرامل والمساعدين والاجزاء الاساسية فى العفشة معلش انا رخم شوية بس ارجوكم ماتبخلوش عليا وربنا يكرمكم جميعا
بعد اللى انت قولتة دة مش ناقص غير الشاسية هو اللى مش مستهلك :d:d
بالنسبة للسعر مش متابع اوى الفترة دى
بالنسبة للصاج معرفش بس وليد ممكن يفيدك لأنة لسة مغير حاجات
بالنسبة لطلمبة المية 480 فى التوكيل
بالنسبة للتيل فى 280 و 180 فى التوكيل والمساعدين 1600
الزيت مالة؟؟ انا بحط موبيل 1 ولسة دافع 245 تغيير زيت :( والفلتر 28 من التوكيل
سوسو اكتر واحد ممكن يفيدك فيقطع الغيار.. :) :)
ولا ايه يا احمد بك..؟؟
بامارة الورشة اللي كانت فاتحة في شنطة عربيته.. :)
:D:D:Dاقتباس:
المشاركة الأصلية كتبت بواسطة Ahmad Allawy
فكرتنى دة انا كنت ناسى
سوسو عامل محل قطع غيار خلع فى الشنطة اى حد عايز يسأل على سعر اى قطعة غيار فى العربية يسألة والراجل مش هيتأخر :D
بص ياباشا
الاوبل فكترا عربية ممتازة جدا وصدقني عمرك ما هاتندم انك اشترتها
انا متأكد ان ناس كتير خوفتك من اسعار قطع الغيار.
صدقني على عكس الكلام ده تماما.
انت عندك كل الاوبشنز في قطع الغيار
داخل التوكيل اصلي.
خارج التوكيل برده اصلي
خارج التوكيل الماني اصلي وليس GM واحيانا بيكون افضل
خارج التوكيل قطع من دول تانية (برازيلي، اسباني، تايواني........الخ)
استيراد وده مغرق الدنيا في الحرفيين والهرم والحي السادس
وفيه كمان اوبشن ممتاز جدا ان في بعض فروع التوكيل بتقبل قطع الغيار الاستيراد وتركبهالك وتاخد مصنعية التركيب فقط. وديه ميزة انا بحبها جدا
ثانيا موضوع القطع اللي هية مش اصلية مفيد في الحاجات اللي مش مؤثرة في العربية زي المرايات مثلا مافيش داعي انك تشتريها اصلي وكدة يعني
الموضوع اللي فيه كل اسعار القطع الجديدة واماكن البيع والعناوين والتيليفونات في الرابط ده
والموضوع ده فيه اسعار قطع غيار الاوبل فكترا المستعملة واماكن البيع والعناوين والتيليفونات
http://www.nilemotors.net/Nile/showthread.php?t=25135
الموضوعين دول فيهم كل حاجة عاوز تعرفها عن الاوبل
بالنسبة للكبوت فاسعره فالسوق يتراوح ما بين 650 و 750 جنيه على حسب حالته
بالتوفيق ان شاء الله ياباش مهندس ومبروك مقدما
تسلم يابو وليد..
مرجع والله.ز
ربنا يباركلك..
يص يا سيدى
4 مساعدين 1300
طلمبة مياه 275
طلمبة باور 550 استيراد
اكصدام أمامى 1000 بالفوجات و 650 من غير
رادياتير فاليو 950 أسبانى
فوانيس استيراد الجوز 600
تيل أمامى على ما أذكر 285 رمسا أسبانى
تيل خلفى على ما أذكر برضه 100 رمسا برضه
فلتر تكييف 70
فلتر زيت 30
أرجو أن أكون أفدتك
تلميذكم يا باشااقتباس:
المشاركة الأصلية كتبت بواسطة Ahmad Allawy
كله اتعلمناه منكم
والفضل بعد ربنا ليكو والله
ربنا يباركلكو انت ومختار واحمد نونيم ويجعله في ميزان حسناتكم ان شاء الله
انا نسيت اقول لحضرتك
هل حضرتك روحت عمل عليها كشف ما قبل الشراء في التوكيل ولا لأ
وبرده هل حضرتك حطتها على جهاز كشف الكدب قصدي كشف الاعطال
الحاجتين دول مهمين جدا
على الاقل علشان تعرف ايه الشغل اللي مستنيك فيها بعد ما تشتريها
مش عارف ليه احيانا لما اجي اغير او اصلح حاجة في العربية
المهندس يسألني يقول انت هاتبيع ولا هاتخليها معاك
زي ما يكون لو هابيع يبقى ما فيش داعي اعملها كويس واللي هايشتري يلبسها
مش عارف الناس ليه ما بقاش عندها ضمير كدة.
انا لما اشتريت العربية برده كان فيه حاجات كتير عاوزة تتعمل بس الحمد لله كانت بعيد عن الماتور
كانت مجرد حاجات في العفشة بس كانت مكلفة
على فكرة يا باشا لو فى الموتور بردة مفيش مشاكل الموتور كله إستيراد بتركيبه
حوالى 5000 جنية بلاش كدة كنت واخد العربية فيها سبيكة فى البيل
المشوار كلة 1500 جنيه غير طقم شنمبر وسبايك وجوانات يعنى تقدر تقول إن العملية لسة فى إيدينا لأن الحاجات دى بتتغير كل فين وفين ونسيت أقلكم كاوتش صباب كلة طبعا أصلى فى كتير بيشتغلوا فى الأصلى gm الموضوع مش بالضخامة اللى الناس متصوراها اليومين الجايين هى بتنقط زيت بسيط من جوان الكارتير الميكانيكى قال لى الجوان بيتعمل صحيح مفيش أصلى ولا أيه والمهندس أحمد علوى قال لى بلاش زيت التعاون sg حا أغير الزيت ناوى أجيب شل
انا راكب نفس الموديل {99} ما شاء الله عربيه في منتهي القوه وتستحمل البهدله وقطع غيارها مش غاليه زي ما الناس فاهمه فهي بالفعل ارخص من اللانسر 2006 والكورولا وان وجدت حاجه غاليه شويه فحتركبها وتنساها لانها معمره نصيحتي لك بعد اللي قاله اخواتي . العربيات دي عايزه كهرباءي فاهم مش ميكانيكي لانك حتروح للميكانيكي لتركيب سير-طرمبه-الخ انما ظبط العربيه تخصص كهرباءي وما تروحش التوكيل الا للكشف اول مره وقياس حاله الموتور وشوف الدنيا هناك فيها ايه . مش هتحتاجله الا لاقدر الله في المشكلات التقنيه الصعبه غير كده قطع الغيار بره حلوة ومعمره برده وارخص من التوكيل بكتييير . 1000 مبروك وربنا يديك خيرها ويمنع عنك شرها ولو احتجت اي حاجه انا في الخدمه:k49:
انا سمعت ياجماعه إن بورسعيد يبيقى فيها مواتير إستيراد جديده ومستعمله إيه الكلام ده صح ولا لأ
أرجو الإفاده ياعصابه
وبصراحه الواحد إتعلم منكو حاجات كتير
اشكركم جميعا على تعاونكم يا اخوة