الموضوع: محتاج نصيحة فى شراء فلوانس

المشاركة الأصلية كتبت بواسطة hany saad

تحت أمر حضرتك، مفيش أى مشكلة
فتح السقف مصنعة من زجاج مظلل غامق و صعب الكسر و لكنه مش ضد الكسر
أنا هرد على النقطتين اللى سألت عليهم،

safety and security: بالنسبة للكسر، أسهل للسارق لو فى نيته كسر الزجاج، أنه يكسر زجاج باب جانبى أو شراعه أو حتى برابريز أمامى عن أنه يتشعبط و يكسر فى نصف السقف، ناهيك عن دخوله و خروجه من هذه الفتحه....لاحظ أن هدف السارق من كسر الزجاج هو الوصول لأكرة الباب علشان يفتحها و ليس الدخول من الزجاج المكسور نفسه و تعريض نفسه لإصابات لا داعى لها.

بالنسبة لتأثيره على سقف العربية نفسه من متانه و خلافه هو نفس تأثير شباك العربية على الباب أو شباك شقة حضرتك على الحائط الموجود به، هل بيضعف باب السيارة أو الحائط فى الشقة....الأجابة طبعاً لأ

فتحة السقف أوبشن لذيذ و ممتع جداً و اللى بيجربه دايماً بيطلبه فى العربية الجديدة اللى بيشتريها

تحياتى

والله ياباشا اشكرك على ذوقك واخلاقك ,, انا نزلت النهارده رحت المصرية واسمحى لى اخد من وقتك شوية واحكى لك اللى حصل علشان يهمنى اعرف رأيك ,, هناك ركبت الهاى لاين وركبت ال e3 اللى هى تانى فئة اوتوماتيك وطبعا الفرش الجلد فارق وفتحة السقف جميلة واكيد الزينون كمان بس كان فيه اتنين من المبيعات واقفين معايا وكان رأيهم ان الفئة التانية اوتوماتيك هى احسن قيمة مقابل الفلوس زى حضرتك ماقلت بالظبط وبالعكس قالوا حاجة تانى ان سعر اعادة البيع بالنسبة لها احسن بكتير من الهاى لاين لأن اللى هايشتريها مستعملة هوه فى النهاية بيركب فلوانس ومش هايدور على فتحة السقف والزينون وكان رايهم ان سعر اعادة البيع للفئة التانية اوتوماتيك احسن بكتيير اوى من الهاى لاين ,, ايه رايك فى الكلام ده ؟ الحاجة التانية كمان انهم قعدوا يرشحوا لى النيسان السنترا بقوة ومش عايز اقولك انهم عملوا ايه علشان يقنعونى بيها وانا رغم انى مش بفهم خالص فى فنيات السيارات لكن عارف ان التكنولوجى تقريبا واحدة ونفس الموتور والجير بوكس (صح ولا انا غلط) يبقى الفلوانس تكسب فخامة وشياكة وكان ردهم عليا ان قطع الغيار والصيانة بالنسبة للسنترا ارخص بمراحل من الفلوانس (ايه رأيك برضه) وان السنترا اعتمادية اكتر؟؟ ارجوك ماتزهقش منى بس محتاج اعرف رأيك علشان انا فعلا خبرتى الفنية على أدها أوى ومحتاج اخد قرار الشراء بكره او بعده بالكتير ومقتنع جداا بالفلوانس بس زى ما بيقولوا كى يطمئن قلبى

المشاركة الأصلية كتبت بواسطة mohamedaghali

انا بالنسبة لى مش شايف اى عيوب عامة فى العربية وبالنسبة للثبات هى ممتازة مع الاخذ فى الاعتبار انى كنت راكب جيتا قبلها والجيتا كانت اكتر من ممتازة
تسارع العربية حتى سرعة 50 يطىء نسبيا وبعد كدة كويس جدا ولوقارنتها بالجيتا ,الفلونيس تكسب فى النقطة دى ,معدل استهلاك البنزين طبيعى لفئتها

شكرا يا فندم

المشاركة الأصلية كتبت بواسطة hany saad

أنا تحت امر حضرتك
الفلوانس و السنترا هما نفس العربية بالظبط كموتور و فتيس و عفشة، الفرق هو الشكل الخارجى و الداخلى لان رينو و نيسان فى تحالف و الاتنين بينزلوا نفس العربية مع اختلاف الشكل فقط....اذاً نطلع من النقطة دى ان مفيش فرق تكنولوجى خالص بين العربيتين، بالعكس تتفوق الرينو شكلاً خارجياً و داخلياً و شياكة و كماليات و جودة توكيل عن نسيان

مبيعات فلوانس تتفوق جداً عن السنترا، يبقى لو كان سعر اعادة البيع و سرعته يهمك يبقى اكيد خليك فى الفلوانس
بالنسبة لتوافر قطع الغيار: نيسان ما بعتش شىء يذكر من السنترا، يبقى بالتالى هتطلب قطع غيار بسيط جداً يكافىء مبيعاتها البسيطة و بالتالى سعر عالى لأن الكمية بسيطة ناهيك عن عدم توافرها خارج التوكيل و قلة المستوردين لها

نيجى للفئات: حضرتك اللى بيشترى رينو و زيرو يبقى تقريباً استخدام مش اقل من خمس سنوات قبل التفكير فى البيع، طيب حضرتك حترم نفسك من متعة الفرش الجلد و فتحة السقف و الحساسات المهمة جداً علشان لما تيجى تبيع
الحاجة التانية، تخيل حضرتك هتشترى مستعمل و امامك عربيتين فلوانس واحدة فئة تانية و الأخرى هاى لاين و فرق سعر البيع بينهم حوالى ١٠ الاف جنيه علشان الزينون و الفرش الجلد و ال ٦ ايرباجز...هتفكر فى مين اكتر؟؟
بتوع السيلز بياخدوا عمولة اعلى من توكيل نيسان علشان كده عايزين يبيعوها و فى الفلوانس مركزين على الفئة المتوفرة عندهم بكثرة لان الهاى لاين بتيجى بالحجز و مش دايماً متوفرة

نصحتى ليك: لو الميزانية تسمح و بتسافر كتير ( يعنى هتحتاج الزينون و ال٦ ايرباجز) و عاجبك الفرش الجلد و فتحة السقف، يبقى توكل على الله و خلص فى الفلوانس هاى لاين
تحياتى

والله يا باشمهندس الفرق بينهم 20 ألف مش 10 دلوقتى ال e3 ب 170500 وال هاى لاين ب 190 بس ده مايمنعش ان كلامك مهم ومنطقى جدااا صحيح انت ماقلتش رايك فموضوع الزيت بتاع توتال وهل هوه صحيح كلزوجة مش مناسب لمواتير الفايس ليفت وبعلى صوتها ويأثر عليها ولا ده كلام وخلاصوبجد اشكرك جدا جدا على وقتك وعلى رأيك

المشاركة الأصلية كتبت بواسطة astra lover

بشمهندس هانى بيقصد 10 تلاف فرق حيوصل لما تبيع مستعمل مش حتخصر ال 20 كملين يعنى فى المقابل حتستمتع بلفرش الجلد والزنون وفتحة السقف وكمان زياده 6 ايرباج وكمان ان شاء الله حتعد معاك مش اقل من 5 سنين فستمتع بلفرق ب10تلاف خسارة عن e3 ده كمان فرق تقريبا واكيد ان شاء الله لو العربية حالتها كويسه حتحط الرقم الى انتى عايزو وحتلاقى زبونها.
وفى الاول والاخر القرار ليك.

وجهة نظر تحترم وانا فعلا ميال للهاى لاين بس تقول ايه بقى فى التردد