الموضوع: محتاج نصيحة فى شراء فلوانس

المشاركة الأصلية كتبت بواسطة yasser100

انا اشتريت الفضى و طول عمرى باشتري الفضى فى عربياتى . مش علشان احسن لون . الفلوينس فيها الوان جميله و لكن علشان بيستحمل فى شوارعنا المحترمه . اى خدش تقدر تلمه و درجه سهله فى اللون . لانه انا من النوع اللى باتعب قوى لما العربيه بيكون فيها خدش هههه . مش بيبان فيه التجريح و ﻻ التراب . بيستحمل فى الشمس و الحراره لانه لون عاكس مش بيمتص للحراره و الشمس . لون جوكر دايما فى البيع مع اللون الاسود و الفيرانى .

تحياتى و بالتوفيق :)

انا فعلا هاعمل كده لو خلاص ماقدرتش الاقى العاجى فى الهاى لاين هاجيب الفضى علشان الشامبين كتييييييييييير اوى والنبيتى حلو بس قافل العربية اوى

المشاركة الأصلية كتبت بواسطة heeshooheeshoo

الزينون لا يثبت بالرخصة ومافيهوش مشكلة أصلا

أشكرك ياباشا على المعلومة رغم انى كنت متخيل انه بيتثبت علشان كنت بشوف ناس بتاخد مخلفات علشان مركبة زينون قلت يبقى لازم يتثبت على الرخصة

بالامس ركبت سيارة صاحبي رينو فلونس
الزجاج الامامى ضيق و السقف قريب بصورة ملحوظة من رأسك تحس انك مخنوق و ان السيارة مظلمة..مش عارف صاحبي مغير فى الكراسي و لا ايه لتنه جسمه ضعيف و ممكن يكون حب يغير فى الكراسي الامامية
تجربة صديق ليا ايضا ساقها مره قال ان الالنترا افضل و انها بتحدف بس ميعرفش دى مشكلة فى الموديل ام فى السيارة التى يقودها
السيارة محل اهتمامى لان وكيلها فى السعودية يعرض السيارات المستعملة باسعار تنافسية لعدم اقبال السعوديين عليها...بوجه عام لا يحبون الاوروبى الا المرسيدس

انا خلاص دفعت ثمن ال e3 hl اللون موكا بس ماحبتش استلمها الا لما يخلصوا الورق واخدها على الترخيص على طول ( مش عارف اتصرفت صح ولا كان الأفضل اخللى السيارة معايا ؟؟ وخصوصا انى خلاص دفعت تمنها بالكامل بدل ما اسيبها 4 أيام على الأقل عندهم) المهم حبيت استفسر بخصوص كود الكاسيت علشان انا معرفتش اجربه النهارده وقالولى انى لازم اتصل بالتوكيل واقولهم على بيانات المبايعة زى اسمى بالكامل وعلى رقم شاسيه العربية وهما اللى هايقولولى على كود الكاسيت ,, ايه رأيكم فالكلام ده والأحسن اخليها هناك لحد الورق مايخلص (المصرية للسيارات) ولا اخدها

الفلوينس عربيه راقية جدا بس تحس بدا لما تركبها وتسوقها وتدور على اى حاجه تلاقيها موجوده فيها

المشاركة الأصلية كتبت بواسطة yasser100

مبروك عربيه جميله فعلا و هاتستمتع فيها بتكنولوجيا راقيه و فخامه :)

الله يبارك فيك يا استاذ ياسر واشكرك جداا على تعبك معايا

المشاركة الأصلية كتبت بواسطة على مهران

الفلوينس عربيه راقية جدا بس تحس بدا لما تركبها وتسوقها وتدور على اى حاجه تلاقيها موجوده فيها

والله ربنا يسهل رغم انى حسيت انها محتاجة وقت على ما الواحد يتعود عليها ويفهم كل حاجة فيها بس اجمالا هى عربية جميلة طبعا