المشاركة الأصلية كتبت بواسطة thesmileytear
متشكر أوي على اهتمامك
معلش بس عشان دي أول عربية أشتريها و ماليش خبرة لو حبيت أسأل على قطع الغيار اللي ححتاجها بشكل متكرر عشان لو حاجات كتير مش متوفرة حتعملي مشكلة فعلا إنما لو كل فترة طويلة اضطريت انزل القاهرة عشان حاجة تغييرها مش روتيني مش حتبقى مشكلة كبيرة أسأل على ايه بالظبط
و آسف إني بسألك كتير
متعتذرش عشان بتسأل كتير ..كلنا داخلين هنا عشان نسأل ونستفيد ونفيد ...
ممكن تسأل على ..الفلاتر بأنواعها ..هوا وبنزين ..وإسأل كمان عن الإسكاترا إستعمال وجديد وكمان على المقصات والسيور بأنواعها تقسيمه ودينامو وإسأل كمان عن قواعد موتور ..وإسأل على المقصات جديد والمساعدين واللوازم بتاعة المساعدين وإسأل طرمبة البنزين وطرمبة المياه ووش السلندر وإسأل عن الفانوس اللي قدام والفانوس اللي ورا وإسأل على الكابراتير وإسأل على الإسبراتير
متتخضش ..إنت بإذن الله مش هتحتاج تغير كل ده طبعا ..بس أنا بقولك إيه الحاجات اللي الواحد ممكن يتحط في موقف إنه يغيرها ..وفيه حاجات مش بتتغير أصلا لإن عمرها من عمر العربيه زي وش السلندر مثلا
المفضلات