نيو اوبترا 2015 vs نيسان صنى 2015

**صلاح المحترف** · 24-03-2015 05:53 PM

المشاركة الأصلية كتبت بواسطة صلاح المحترف

طيب حضرتك ما قلتناش المواصفات المطلوبة موجودة فى السياز ولا لا

**ahmed_moeaz** · 25-03-2015 04:34 AM

سوزوكى ديزار او سياز حسب ميزانيتك عربيات محترمة جدا جدا جدا جدا جدا

**صلاح المحترف** · 25-03-2015 12:46 PM

يا جماعة ارجو ان حد يرد على سؤالى هل السوزوكى ليها قطع غيار فى الاقاليم ولا لا واسعارها عاملة ايه والتوكيل هل هو كويس ولا سىء وقطع الغيار موجودة عندو ولا لا واسعارها علمله ايه بالاضافة الى وسع الصالون والشنطة وارتفاعها عن الارض واعدة البيع هادلل عليه وابيعها بتراب الفلوس ولا هتتباع على طول وبسعر حلو فياريت الى رشح السوزوكى او غيرها يقلنا رشحها على اساس ايه مع مراعات الاحتياجات الخاصة بى

**ahmed_moeaz** · 25-03-2015 01:01 PM

حضرتك من اى محافظة يا فندم ؟

**shady_elkady** · 25-03-2015 02:57 PM

الناس الى عمالة تقول الصني فيها بلاوي كلة كلام و بس الصني طبعا افضل و كفايا اننا او مرة نشوف فى مصر مصنع بيرجع ثمن عربية بالكامل لواحد علشان عندة مشكلة فى الطنابير الصني عربية كويسة و عن تجربة سنتين و 60 الف كيلو بلاش كلام من فراغ لو سمحت

**صلاح المحترف** · 25-03-2015 03:09 PM

المشاركة الأصلية كتبت بواسطة ahmed_moeaz

حضرتك من اى محافظة يا فندم ؟

الشرقية بلد المطبات

**ahmed_moeaz** · 25-03-2015 04:19 PM

والله انا بتكلم عن الالتو والسويفت الاتنين عالين عن الارض ودى اكتر حاجة تهمك عن المطبات والعفشة ولا هيا طرية ولا ناشفة ، والسوزوكى اعتمادية وقطع الغيار متوفرة بالتوكيل وهتمشى بجدول صيانات وهتريح دماغك ، افضل اختيار حاليا وف اسكندرية ومعرفش ايه الاخبار ف باقى مصر العربية حجزها وصل ل6شهور انتظار بالوكيل
صلى استخارة وتوكل على الله

**Ahmed emad has** · 25-03-2015 04:59 PM

المشاركة الأصلية كتبت بواسطة صلاح المحترف

يا جماعة ارجو ان حد يرد على سؤالى هل السوزوكى ليها قطع غيار فى الاقاليم ولا لا واسعارها عاملة ايه والتوكيل هل هو كويس ولا سىء وقطع الغيار موجودة عندو ولا لا واسعارها علمله ايه بالاضافة الى وسع الصالون والشنطة وارتفاعها عن الارض واعدة البيع هادلل عليه وابيعها بتراب الفلوس ولا هتتباع على طول وبسعر حلو فياريت الى رشح السوزوكى او غيرها يقلنا رشحها على اساس ايه مع مراعات الاحتياجات الخاصة بى

بالنسبة للسياز توكيل السوزوكي ليس جيد لكنه مقبول ال حد ما . قطع الغيار اسعاها معقولة بنسبة كبيرة ومتوفرة في التوكيل اما في الاقاليم خارج التوكيل فهي نادرة الوجود . اما الصالون والشنطو فهم اوسع من الصني و الاوبترا اصلا وارتفاعها كبير جدا عن الارض . اعادة البيع ليست ممتازة لكنها مقبولها

**a7med ezz 20** · 26-03-2015 12:24 AM

المشاركة الأصلية كتبت بواسطة صلاح المحترف

الاكسنت والانترا واطية جامد عن الارض والريو هتشباك وصغيرة على الغرضى الى انا عاوزه وغالية غير ان المبلغ المرصود ميجبش الفئات العاليه من الاكسنت او الالنترا
لاكن حضرتك مقلتليش السوزوكى ايه اخبار اعادة البيع وقطع الغيار ووسع الصالون والوكيل وشكرا

العربية لسة جديدة محدش يقدر يحدد سعر اعادة البيع ومحدش لسة عرف ليها عيوب ، هي لسة زي البطيخة