مشكلة في c230 موديل 2006

**amazingahmed** · 13-04-2015 01:40 PM

المشاركة الأصلية كتبت بواسطة ahmed galal

تمام كده غير البلاته و ربنا يسهل بس انت رحت انهى توكيل ده اللى المانفولد فيه ب 6000 المانفولد ب 10000 فى التوكيل

متأسف نسيت أقول أني مش في مصر الفترة دي و بحول الأسعار بالمصري علشان السهولة.

**amazingahmed** · 22-04-2015 07:53 AM

بعد كلام كتير، التوكيل قاللي انه هيغير كمبيوتر الtransmission و هيدفعني 13,000 جنيه

رحت لورشة بيشتغل في المرسيدس و حكيتله على المشكلة قاللي هنغير "الشريحة" قلتله طيب و الconductor plate قاللي كلها بتيجي جزء واحد كامل على بعضه.

المهم وديتهاله الصبح و خدتها بالليل و كان غير الآتي:
الشريحة
زيت الtransmission

و بعد كده معرفش يبرمجها قاللي أن الفتيس ال7 سرعات محتاج سوفتوير خاص. المهم رحنا لواحد تخصص برمجة و فعلا برمجها بس ONLINE يعني السوفتوير جاي من مرسيديس نفسها عن طريق النت

الحمد لله العربية بقت تمشي تاني بس محتاج أجربها فترة علشان اتأكد أن المشكلة اتحلت

الحكاية دي كلها كلفتني 9,000 جنيه في أيام فيها زنقة فلوس طاحنة بس كنت مضطر جدا.... و عوضي على الله

بعد ما قرأت كتير وقتلت الموضوع بحثا عرفت أن مشكلة الشريحة دي منتشرة في موديلات الفترة دي. اللي بيحصل أن بيكون حساس سرعة باظ لأي سبب (حظه كده) ففجأة يبقى مش حاسس بالسرعة فيدخل الفتيس في مود اسمه LIMP HOME MODE يعني يخللي العربية "تعرج" لحد البيت أو الورشة بدل ما يفصله خالص علشان ممكن تكون فيه مشكلة جامدة تدمر الفتيس فبيلغي برنامج النقلات. بيخللي الفتيس يدخل في نقله عالية (التالت أو السادس مش متأكد) و مينقلش منها خالص.
لما المشكلة بتكون لحظية (غير مستمرة) فمجرد تبطل العربية و تشغلها تاني تعمل RESET و العربية تمشي عادى و الفتيس ينقل عادي.
الخوف بقى أنه مادام المشكلة اتكررت، ممكن مرة الحساس يبوظ خالص و تلاقي نفسك في نص الطريق و العربية واقفة تماما علشان كده لازم تتحل في أقرب فرصة.
الحساس ده مش بيتباع لوحده للأسف و إلا كانت العملية مش هتتكلف كل ده. مرسيدس بتبيع قطعة واحدة فيها الكمبيوتر و الحساسات و قواعد الكويلات فلازم كل ده يتغير مع بعضة.

و دي صورة القطعة المأسوف على شبابها:

شكرا لكل اللي حاول يساعد