الموضوع: استفسار بخصوص مدرسة طلائع الكمال

اسمع عنها انها ممتازة خاصة فرع التجمع

المشاركة الأصلية كتبت بواسطة khaled607

انا بنتي فيها هي صحيح لسه في k g بس قبل ما اقدم لها فيها سالت عنها كتير وهي كويسة جدا والمستوي التربوي جيد ومصاريفها برده معقوله بالنسبة لكونها خاصة والميزة انها اسلامية يعني في اهتمام بالدين والاخلاق وكمان مش مشتركة هي فيها بنين وبنات بس منفصلين وعلي فكرة مالهاش فرع في التجمع هي ارض الجولف بس.

المشاركة الأصلية كتبت بواسطة timtim

مدرسة كويسة ..
اهم حاجة الاهتمام بالاخلاق والدين .. في ناس ممكن تشتكي من مستوى اللغة فيها
بس ميفرقش معايا بصراحة..
المدرسة مشتركة حتى الصف الخامس اعتقد..
مفيش فرع في التجمع على فكرة
وممكن تتابع المدرسة على الجروب دا:
https://www.facebook.com/groups/1418349631779418/

آسف أنا كان قصدي على منارة الفاروق وفعلا طلائع الكمال في أرض الجولف لكن برده أسمع عنها إنها كويسة

المشاركة الأصلية كتبت بواسطة timtim

المصاريف في حدود 5400
وفي شكوى ضدهم لانهم من المدارس اللي رفعوا المصاريف بدون وجه حق والوزارة نزلت بيان بالمصاريف الاجبارية والمدرسة لم تلتزم به
الدراسة مختلطة åحتى الصف الرابع او الخامس مش متأكد..
مكانها في أرض الجولف
wikimapia - let's describe the whole world!

كل المدارس رفعت المصاريف بطريقة استهباليه وبال٢٠٠٠ جنيه وال٣٠٠٠ جنيه مش المدرسة دي بس على فكرة وبرده محدش التزم بالمصاريف اللي الوزارة نزلتها ، أولادي في النزهة للغات طريق الاسماعيلية وبواجه نفس المشكلة بيزودوا بال٢٠٠٠ جنيه كل سنة ومحدش عارف يعمل معاهم حاجة !!

المشاركة الأصلية كتبت بواسطة m.elwan

انا واخويا خريجين طلائع الكمال
المدرسه فيها التزام بس يعيبهم اختيارالمدرسين في بعض المواد
في حاجة كان نفسي تبقي عندهم ان مدرسين الانجليزي المفروض يكونو english native speakers زي مدارس كتير بنفس المصروفات

مفيش كلام من ده غير في المدارس الانترناشيونال اللي مصاريفها بتعدي ال٢٠ الف لكن مفيش مدرسة مصاريفها ٥٠٠٠ او ١٠٠٠٠ او حتى ١٥٠٠٠ جنيه والمدرسين بيتكلموا زي الأجانب ، مدرسة النزهة مصاريفها حوالي ١٢ ألف والمدرسين عاديين لغتهم عادية يعني مش بيرفكت أوي ولا حاجة
مرحبا بك في مصر