قول رايك في كل توكيل لماركة اتعاملت معاه

**ahmedezzat78** · 10-11-2008 07:28 AM

توكيل يونيفرسال ممتازين اتعاملت معاهم مرتين مره للتركيب و مره لاصلاح البوتاجاز ملتزمين بالميعاد و تكلفه مقبوله جدا

توكيل سوزوكى (مودرن موتورز) سواء ابو رواش او اللى فى طريق الاسماعيليه ....... زباله الزباله فى المواعيد و عدم الاتقان و اسلوب الحوار و الاسعار الغير منطقيه

توكيل دايو سواء ابو رواش او العباسيه........... لازم تضيع يوم كامل عشان تغير زيت من 7 ص حتى 4 عصرا واى مشكله يقولك هيه كده عشان كده انا سيبتهم و فى داهيه الضمان

توشيبا العربى جزيره بدران بشبرا ........ ممتازين فى المواعيد و الاسعار (خارج الضمان)

Link DSL المعامله نضيفه فى الفروع لكن اتاخرو فى التشغيل اسبوعين

اوليمبك اليكتريك معقول الى حد ما .......... الميكرويف اخدوه من البيت يتصلح 3 مرات و يرجع بنفس العيب و فى الاخر جابو واحد جديد فى المره الرابعة (فى الضمان)

**نور القمر** · 10-11-2008 09:57 AM

المشاركة الأصلية كتبت بواسطة ahmedezzat78

لكن دلوقتى البطاريه مش بتقعد زى الاول

انا نسيت اقول ان بطاريتي بازت بعد ما رجع التصليح مباشرة لدرجة اني شكيت يكونوا بدلوها بواحدة قديمة وغيرو استيكر السريال نمبر
الله اعلم بالحقيقة
وطبعا البطارية مش داخلة في الضمان

**Karim_Monir** · 10-11-2008 10:24 AM

المشاركة الأصلية كتبت بواسطة نور القمر

انا نسيت اقول ان بطاريتي بازت بعد ما رجع التصليح مباشرة لدرجة اني شكيت يكونوا بدلوها بواحدة قديمة وغيرو استيكر السريال نمبر
الله اعلم بالحقيقة
وطبعا البطارية مش داخلة في الضمان

التوكيلات المحترمة لما بيستلمو منك النوتبوك مابياخدوش البطارية ولا الشاحن اطلاقا
ولو قاللك مفيش الموديل ده وعايزين البطارية
تقوليلهم اشتغلو على الباور مباشرة

**mr_kenawy** · 10-11-2008 03:38 PM

المشاركة الأصلية كتبت بواسطة mr_kenawy

1- توكيل جولدى محترم جدا جدا جدا.....عن تجربة , بعد الاتصال المهندس بيجيلك لحد البيت و يتولى الاصلاح و تانى يوم يتصلوا بيك يسألوك عن رأيك فى الخدمة.
2- توكيل i2 بالنسبة للموبيلات ممتاز الموبيل باظ مرتين فى شهر واحد لقيتهم من نفسهم بيغيروه بواحد جديد.
3- توكيل ايديال (و خاصة الفروع فى المحافظات ) , و على وجه الخصوص فرع اسيوط زباااااااااااااااااااالة , باظت غسالة الاطباق ايديال ايليت بعد شهرين من شرائها تتصل بمصر يقولك كلم اسيوط , تكلم اسيوط يقولك اتصل بمصر , و فييييييين لما يبعتولك حد ييجى يقولك ان الامر يستلزم قطعة غيار هنبعت نجيبها من مصر , و بعد 3 اسابيع من الاتصالات رحت بنفسى فرع اسيوط و هددتهم انى هطلع على النيابة اعمل مذكرة لاثبات الحالة و بعدين هرفع عليهم دعوى تعويض مدنية بالتعويض , فى نفس اليوم بعتوا خدوا الغسالة و تانى يوم كانت عندى فى البيت و طلع الموضوع طبعا و لا عايز قطعة غيار و لا اى حاجة.

استكمالا للفايدة احب اضيف على ما سبق ان ما فيش ازبل من توكيل ايديال الا توكيل كريازى , و على وجه الخصوص فى البوتجازات , استهبال كااااااامل.

**yahyanaabil** · 10-11-2008 09:08 PM

توكيل كريازى افشل توكيل فى التاريخ كان عندنا ثلاجه حصل فى جسم التلاجه من جوه شرخ المهم انها فى الضمان فكلمناهم فطلبوا طلب غريب شويه انهم عايزين 300 جنيه عشان لو لاقو حاجه بايظه يصلحوها ويخصكوا بعد كده من ال 300 جنيه ولو مكنش فيه حاجه حيرجعوا الفلوس

توكيل نيسان فى الاسكندريه ناس قمه فى الاحترام ودايما يتصوا بعد الصيانه يشوفوا لو فى اى مشاكل بس انا شايف ان المصنعيه مبالغ فيها

**نور القمر** · 11-11-2008 08:11 AM

فعلا كريازي طلع اسوأ توكيل جم اخيرا بعد 6 مواعيد خلفوها
وكمان مش جايبين معاهم قطع الغيار المطلوبة مع اني وضحتلهم في التليفون البوتاجاز محتاج ايه في كل اتصال
وادوني ميعاد تاني عشلان يجيبو القطع المطلوبة
لما اشوف اخرتها ايه

**Samir Elshahawy** · 11-11-2008 12:33 PM

بصراحة من التوكيلات اللي اتعاملت معاها و كانوا محترمين جدا جدا جدا
- Compaq HP
- ايديال زانوسي / العبد
- سخانات Speed Heat
- فلتر المياه ذو ال5 مراحل من شركة زمزم