اشتري تليفزيون توشيبا واسمع تجربتي

**aif** · 09-11-2008 11:10 PM

المشاركة الأصلية كتبت بواسطة ruqi

أنا باعيط يا جدعان , أنا باسافر كل فترة برة علشان أحس بأدميتي شوية و أرجع
أعتقد السنة دي مش محتاج للسفر كفاية موقف شركة توشيبا العربي عليا

اللهم دمها نعمة و أحفظها من الزوال يا رب[/color]

يا باشا بدل ما تسافر بره ابقى روح زور مصانع توشيبا في بنها وقويسنا .... فعلا ح تشعر انك في مصانع ادوية ... المصانع تكاد تكون معقمة ..... ومعاملة العمال كأنهم في دولة محترمة ....
مجمود العربي ده بيفطر العمال كلهم ( كام الف عامل ) علي حسابه كل يوم قبل ما يبدأو شغل .... رأيه ان ما حدش يشتغل عنده وهو جعان .
من غير شهادات ولا دكتوراه ولا دراسة في الخارج ولا كلام كتير ..... الموضوع .... شوية ضمير .... ربنا يباركله

**mahamedaraby** · 09-11-2008 11:19 PM

بجد شركه توشيبا من الشركات المحترمه فى مصر

وانا كنت داخل اقولك اصبر عليهم والموضوع هيتحل ان شاء الله

جرب كده تكيبف شارب العربى او حاجه من مصانعه والله هتحس بالصناعه المصريه اللى على حق

هو ليه العربى ما يخدش توكيل عربيات ياترى هتبقى المعامله ازاى

**waleedrahmy** · 09-11-2008 11:34 PM

أنا لوحصلي ال حصلك ده كان( أغمن عليا).....أغمي علي..... مع الاعتذار لعادل أمام

**D . a .\ AYMAN** · 09-11-2008 11:59 PM

المشاركة الأصلية كتبت بواسطة aif

يا باشا بدل ما تسافر بره ابقى روح زور مصانع توشيبا في بنها وقويسنا .... فعلا ح تشعر انك في مصانع ادوية ... المصانع تكاد تكون معقمة ..... ومعاملة العمال كأنهم في دولة محترمة ....
مجمود العربي ده بيفطر العمال كلهم ( كام الف عامل ) علي حسابه كل يوم قبل ما يبدأو شغل .... رأيه ان ما حدش يشتغل عنده وهو جعان .
من غير شهادات ولا دكتوراه ولا دراسة في الخارج ولا كلام كتير ..... الموضوع .... شوية ضمير .... ربنا يباركله

ما شاء الله عليه
ربنا يباركله

انا طول عمري أعرف أنهم ناس محترمة بس بعد الحكايات دية واضح انهم بالنسبة للى في مصر فوق الوصف

وجزاكم الله خيرا

**ahmedezzat78** · 10-11-2008 12:02 AM

والله بشره خير

يعنى هانت كلها 300 او 400 سنه و نتعامل معامله محترمه

**Mido80** · 10-11-2008 05:56 AM

اية يا عم انت عمال تلف شمال ويمين وتطلع فوق وتنزل تحت عشان اية؟ عشان تليفزيون؟ امال لو كان Home Theater كنت عملت فينا اية؟

بصراحة...انا اتشليت

======
- لقد تحول الحوار القائم إلى شخصنه وصراع شخصي وقد خالفتم بذلك القاعدة رقم (13) من قواعد المنتدى، وهذا تنبيه مشدد ويتبعه عقوبة إذا تكرر الأمر
يرجى مراجعة قواعد المنتدى
مشرف القسم

**أشرف العدوي** · 10-11-2008 10:16 AM

و الله يا جماعة شركة توشيبا دي فعلاً من اكتر الشركات و ممكن تكون الوحيدة المحترمة في مصر
ليه حوال كدة مع شركة ايديال
كنت شاري ثلاجة 18 قدم منهم المهم بعد اسبوع باظت
كلمت خدمة العملاء ادوني كذا ميعاد و محدش عبرني ( خدمة عملاء زي الزفت )المهم جه واحد بعديها بحوالي 8 ايام و انا كنت في الشغل البواب كلمني اقولتله اديني الراجل اكلمه و وضحتله انه كان المفروض يجي من 8 أيام و كمان ميعادك الساعة 6 مساءً
رد عليا بكل برود و قالي هي دي مواعيدنا حضرتك تاخد اجازة من الشغل و تستنى
قولته ماشي
المهم كلمتهم في التليفون و اتخانقت معاهم و اصريت انهم يغيروها بواحدة تانية و فعلاً اتغبرت بواحدة جديدة
الجديدة باظت بعد حوالي 15 يوم اتصلت بيهم علشان يبعتوا حد طبعاُ مواعيد ما بيجوش فيها و أخد أجازة كذا مرة من الشغل و بردو ما يجوش و يدوني ارقام تليفونات وهمية
المهم انا قولت اعمل كمين لاي حد يجي الكلام ده بعد حوالي 3 شهور من تاني اتصال
و فلاً و احد جه و انا في الشغل و البواب اتصل بيا قولتله ما يخرجش من البيت لحد ماجي و قد كان
روحت لقيته عمال يزعق روحت مديهمله و ساحب سكينة من المطبخ ( للتهديد فقط ) و سيطرت عليه تماما
و قولته بص يا ابني انت مش هتخرج من هنا غير لما اخد فلوسي قعد يقولي و انا ذنبي ايه و انت مشكلتك مع الشركة ( قولتله ما ليش فيه عند تليفون البيت و الموبايل بتاعي كلم اي حد انت عايزه في الشركة قولهم الكلام ده ) المهم قعد يكلم كذا حد و يقولي خد كلمه قولتله مش بكلم حد في التليفون الي عايز يكلمني يجيلي هنا
المهم فضل ملطوع عندي لحد الساعة 10.30 باليل و انا بصراحة زليته ( و لا شاي و لا قهوة و خليته قعد على السلم )
جت عربية فيها اتنين بيقولوا انهم مهندسين من الشركة بس شكلهم ما يجبش هندسة
كشفوا على الثلاجة قالولي مافيهاش حاجة قولته و انت علافت منين انها مافيهاش حاجة هي اتكلمت و قالتلك ( ضحك ضحكة مستفزة ) قولته اصلها كلمتني امبارح و قالتلي انها تعبانة
قالي ممكن نغير الباب
قولتله انا هاخد الفلوس و انتوا خدوا الثلاجة مش عايزها من هنا لهنا طلع وصل و كتب عليه المبلغ بس خصم 150 جنيه و خد الثلاجة
روحت زوت حوالي 1600 و جيبت توشيبا و بصراحة فرق السما من الارض بي التوشيبا و الإيديال
و من ساعتها كل حاجة عندي في البيت توشيبا
ده كفاية انهم بيتصلوا بيك من غير حاجة يطمنوا على المنتجات بتاعتهم و يشوفوا اذا كان في شكوى او ملاحظات على المنتج
بصراحة شركة فوق الوصف
و كفاية ان صاحبها الحاج محمد العربي ( راجل عصامي بجد ) مش عصامي بنوك زي بقيت رجال الاعمال
و انصح اي حد بتوشيبا و ابعد عن إيديال

**abou_ruqi** · 10-11-2008 11:41 AM

المشاركة الأصلية كتبت بواسطة adwyy

و الله يا جماعة شركة توشيبا دي فعلاً من اكتر الشركات و ممكن تكون الوحيدة المحترمة في مصر
ليه حوال كدة مع شركة ايديال
كنت شاري ثلاجة 18 قدم منهم المهم بعد اسبوع باظت
كلمت خدمة العملاء ادوني كذا ميعاد و محدش عبرني ( خدمة عملاء زي الزفت )المهم جه واحد بعديها بحوالي 8 ايام و انا كنت في الشغل البواب كلمني اقولتله اديني الراجل اكلمه و وضحتله انه كان المفروض يجي من 8 أيام و كمان ميعادك الساعة 6 مساءً
رد عليا بكل برود و قالي هي دي مواعيدنا حضرتك تاخد اجازة من الشغل و تستنى
قولته ماشي
المهم كلمتهم في التليفون و اتخانقت معاهم و اصريت انهم يغيروها بواحدة تانية و فعلاً اتغبرت بواحدة جديدة
الجديدة باظت بعد حوالي 15 يوم اتصلت بيهم علشان يبعتوا حد طبعاُ مواعيد ما بيجوش فيها و أخد أجازة كذا مرة من الشغل و بردو ما يجوش و يدوني ارقام تليفونات وهمية
المهم انا قولت اعمل كمين لاي حد يجي الكلام ده بعد حوالي 3 شهور من تاني اتصال
و فلاً و احد جه و انا في الشغل و البواب اتصل بيا قولتله ما يخرجش من البيت لحد ماجي و قد كان
روحت لقيته عمال يزعق روحت مديهمله و ساحب سكينة من المطبخ ( للتهديد فقط ) و سيطرت عليه تماما
و قولته بص يا ابني انت مش هتخرج من هنا غير لما اخد فلوسي قعد يقولي و انا ذنبي ايه و انت مشكلتك مع الشركة ( قولتله ما ليش فيه عند تليفون البيت و الموبايل بتاعي كلم اي حد انت عايزه في الشركة قولهم الكلام ده ) المهم قعد يكلم كذا حد و يقولي خد كلمه قولتله مش بكلم حد في التليفون الي عايز يكلمني يجيلي هنا
المهم فضل ملطوع عندي لحد الساعة 10.30 باليل و انا بصراحة زليته ( و لا شاي و لا قهوة و خليته قعد على السلم )
جت عربية فيها اتنين بيقولوا انهم مهندسين من الشركة بس شكلهم ما يجبش هندسة
كشفوا على الثلاجة قالولي مافيهاش حاجة قولته و انت علافت منين انها مافيهاش حاجة هي اتكلمت و قالتلك ( ضحك ضحكة مستفزة ) قولته اصلها كلمتني امبارح و قالتلي انها تعبانة
قالي ممكن نغير الباب
قولتله انا هاخد الفلوس و انتوا خدوا الثلاجة مش عايزها من هنا لهنا طلع وصل و كتب عليه المبلغ بس خصم 150 جنيه و خد الثلاجة
روحت زوت حوالي 1600 و جيبت توشيبا و بصراحة فرق السما من الارض بي التوشيبا و الإيديال
و من ساعتها كل حاجة عندي في البيت توشيبا
ده كفاية انهم بيتصلوا بيك من غير حاجة يطمنوا على المنتجات بتاعتهم و يشوفوا اذا كان في شكوى او ملاحظات على المنتج
بصراحة شركة فوق الوصف
و كفاية ان صاحبها الحاج محمد العربي ( راجل عصامي بجد ) مش عصامي بنوك زي بقيت رجال الاعمال
و انصح اي حد بتوشيبا و ابعد عن إيديال

انا التلاجة بتاعتهم عندي بقالها ٤ سنين ماشتاكيتش بصراحة

الموضوع: اشتري تليفزيون توشيبا واسمع تجربتي

LinkBack

أدوات الموضوع

عرض

-

-

-

-

-

-

-

المواضيع المتشابهه

القاهرة : تليفزيون توشيبا 29 بوصة للبيع بسعر مميز جداً

للبيع تليفزيون توشيبا اى كيو بازوكا سوند 21 بوصه

للبيع..تليفزيون توشيبا 34 بوصه حاله ممتازه

تليفزيون توشيبا 25 بوصة فلات

الكلمات الدلالية لهذا الموضوع

المفضلات

المفضلات

ضوابط المشاركة