محتاج اعرف امكانيات القشقاي 2015 الجديده وسعرها كام الهاي لاين
عرض للطباعة
محتاج اعرف امكانيات القشقاي 2015 الجديده وسعرها كام الهاي لاين
http://nileup.com/up/uploads/nilemotors_14272713971.jpg
سعر الهاي لاين الرسمي 235000 , معرفش فيه اوفر برايس و لا لأ
السلام عليكم
انا من كام يوم كنت في معرض السبع اوتوموتيف بالمعادي و اتفرجت علي القشقاي الجديده واللي معروضه عنده هي اعلي فئه.
السعر الرسمي للثلاث فئات 205 ، 215 ، 235 الف بس للاسف الشديد مفيش حد بيبيع بالسعر الرسمي و سألت علي الحجز
قالولي مفيش حجر ، كلمت التوكيل نفسه قالي مفيش حجز علشان الناس حاجزه لسنه قادمه ولسه ما استلموش .
السبع قالي التسليم فوري بس بأسعار تانيه خالص .... خد عندك الثلاث فئات 225، 238، 258 الف جنيه .
ولا تعليق علي اخر سطر كتبته .....
بالنسبه للسياره عجبتني جدا جدا جدا من جوا .. خامات محترمه جدا جدا .زينون عالي و واطي وليدات اماميه بتنور مع تشغيل الموتور وليدات خلفيه في الهاي لاين فقط.زر استارت انجن من الفئه الثانيه والثالثه.فرامل زي الحجر. تقفيل جميل و محترم جداا جداا .. التابلوه شكله جميل..حساس مطر و مرايات تعتيم في الهاي لاين فقط..زجاج فاميه بدايه من الفئه الثانيه مثبوت علي الرخصه ..
خامات الجلد المستخدم حلوه اوي .. الدركسيون شكله حلو والزراير اللي فيه شيااااكه جدا...
العربيه واسعه اوي عن اللي فاتت .. كرسي السواق كهربا حلو جدا .. الشاشه اللي في نص العدادات حلوه اوي ديجيتال و 3D
الشنطه حلوه و كويسه . اعتراضي علي كام حاجه بسيطه
اولا السقف البانوراما مابيفتحش منظر فقط .. كان نفسي يكون فتحه سقف بتفتح و تقفل
وبعدين انا عندي عقده من السقف البانوراما علشان مصر المحروسه بتنزل حاجات غربيه من السماء بتاعتها غير المطر
تاني حاجه الجنط بتاع الهاي لاين مقاس 19 .. يعني بلالين في الكاوتش للصبح .. مع ان شكل الجنط تحفه والكاوتش عريض اوي علي هذا الجنط.. الخزان بتاعها بيشيل 65 لتر يعني مع موتور صغير زي ده يمشيك في حدود ال800كم..و الوزن فارغه 1331كج يعني ثبات علي السرعات بالاضافه الي اجهزه الثبات الالكترونيه اللي فيها ... نيجي لاخر حاجه مخوفاني من العربيه موضوع الموتور 1200cc . مش مقتنع 100% منه
مع ان في اخ محترم اشتري العربيه دي وبيقول ان التربو مع الموتور ده عامل شغل عالي اوي و تسارع ممتاز مع بنزين 92 والشركه كاتبه الكلام ده في البورشور بتاع العربيه ..
بس ثقافه دماغي مخوفاني و خصوصا ان مفيش تست درايف علي العربيه يعني اشتري ولو معجبنيش الاداء البس في الحيط وش .
عموما برضه في المجمل العربيه داخله دماغي بنسبه 90% واعاده البيع ليها حلوه اوي وعربيه مطلوبه وتقفيل انجليزي .
وان شاء الله علي شهر 8 الجاي احتمال اشتريها لانها عاليه عن الارض زي 4*4 وشكلي هجازف لاني بأذن الله عندي ثقه في الله اولا
واخرا و في شركه نيسان موتورز . ولو هاشتريها هجيب ان شاء الله الهاي لاين مع اعتراضي علي الجنط ال19 بس شكله خرافه والواحد سايبها علي الله وخلاص .. وارجو اني اكون قد افدت حضرتك
نسيت اضيف ان فيها مثبت سرعه و بلوتوث بتحكم من الطاره و تكييف ياباني حلو و فتيس من غير مشاكل بس مجربتهوش الهاي لاين فيها فرامل يد كهرباء بزرار فقط
يا جماعة عن تجربة ممكن اجاوب علي أي سؤال العربية مشية معاية 2000 ك
السلام عليكماقتباس:
المشاركة الأصلية كتبت بواسطة Eyadm7mad44
اولا الف مبروك علي القشقاي الجديده وربنا يباركلك فيها ويكفيك شرها .
ثانيا عايز اسألك كام سؤال
1 الموتور ال 1200cc كويس مع العربيه ولا العربيه تقيله عليه والتسارع عامل ايه واخر سرعه كام؟
2 العفشه مالتي لينك ولا تورشن بيم؟
3 بنزين 92 ماشي مع التربو ولا 95؟
4 استهلاك البنزين عامل ايه؟
5 التكييف بتاعها عامل ايه؟
6 حضرتك معاك انهي فئه؟ علشان نفسي في الهاي لاين وخايف من الجنط ال19
واسف لو كنت طولت علي حضرتك وفي انتظار الرد .... وشكرا
شكرا اللة يبارك فيك
انا معاية الهاي لاين جنط 17 الجنط 19 التب لاين بيقولو في مشاكل بالنسبة جنط 19.
الموتور ممتاز انا مكنتش متوقع الأداء دة الأداء كمان بيكون واضح جدا مع التحويل الي الاكسترونك .
بنزين 92 ممتازة في الأداء اذا محصلش مشاكل بعدين.
موضوع العفشة انا مش عارف الفرق.
استهلاك البنزين جيد جدا حدود 320 في الصفيحة التكيف جيد مع الملاحظة لم ندخل في الصيف.
ملحوظة أخيرة
أهم شئ تكون مدرك موضوع ال cvt
عموما العربية تحفة و تساوي اكتر من ثمنها و دة شئ مهم
و كمان مريحة بالنسبة لراحة الجسم
عفشة القاشقاي مالتي لينك
انا اسمع أن المالتي لنك أفضل بس مش عارف اية الفرق
اقتباس:
المشاركة الأصلية كتبت بواسطة eyadm7mad44
سؤال لو سمحت
يعنى ايه تحول اكسترونك ؟!
تحول العربية منوال
شكرا جدا لرد حصرتك ...اقتباس:
المشاركة الأصلية كتبت بواسطة eyadm7mad44
وربنا يبارك لك فيها و يكغيك شرها
حضرتك متأكد من موضوع الصفيحه 320 كيلو ؟؟؟
يعني العربيه 65 لتر
التفويله
بتعمل حوالي 1000 كيلو ؟؟؟
فعلا ؟؟؟
ولا قصد حضرتك نص التفويله مثلا ، لما المؤشر بيكون ف النص ؟؟؟
الف مبروك لحضرتك علي العربية.. بس حضرتك محستش باي كركرة او تسقيف او الحاجات الغريبة اللي بنسمع عنها دي مع بنزين ٩٢
شكرا علي الرداقتباس:
المشاركة الأصلية كتبت بواسطة Eyadm7mad44
اية هوة إحساس الكركرة و التسقيف دة
موضوع البنزين مش ممكن يكون مضبوط مية في المية
اقتباس:
المشاركة الأصلية كتبت بواسطة m_love4me
مبتتحسبش كدة لان الطريق بيفرق جدا يعني مثلا
سافرت الاسكندرية كان معدل الاستهلاك ١٤ كيلو في اللتر
سافرت المنصورة كان ٩.٥ كيلو في اللتر
ياريت تقولنا حضرتك اخبار مقاس جنط الإستبن ايه ؟ لأنه المفروض انه للأسف اصغر 16 من اللي ع الأرض 17 أو 19 !!اقتباس:
المشاركة الأصلية كتبت بواسطة eyadm7mad44
و اخبار عزل الضوضاء عن اللي جوة العربية ايه ؟ لأن العزل ورا ف الشنطة موكيت خفيف !!
و اخبار العفشة ايه ؟ خشنة و ناشفة ولا مرنة و معقولة ؟
ياريت توصف فيها كل اللي تقدر عليه لأني ع وشك اقرر اشتريها .
و ده تليفوني لو تكرمت 01006391589
تمام انا فاهم كدااقتباس:
المشاركة الأصلية كتبت بواسطة cairo lion
بس المتوسط ف حدود كام ؟؟؟
انا التيدا معايا الشكل القديم
بتعمل في رنج 500 ال 650 ف التفويله وما بيقلش عن كدا
حسب بقي سفر او جوا البلد و الكلام دا
التفويله عندي 45 لتر
العفشة مهمة جدا
اول ما جبت العربية حسيت أن هية زي الحجر
رحت لمحل الكوتش عشان اعمل نيتروجين طبعا قلي هيغير العفشة
طبعا العفشة اتغيرت تماما وبقت كويسة جدا
ملحوظة
مش عشان النيتروجين عشان كان العجل هواة علي 40
العزل مش 100 100
لو أي سؤال تحت الامر
محدش قلي اية الكركرة و التسقيف
ليه بس ؟!اقتباس:
المشاركة الأصلية كتبت بواسطة eyadm7mad44
ايه بالظبط اللي باين صوته ؟ من قدامك ولا من الجزء الخلفي من العربية و العزل الخفيف اللي اتكلمت عليه ؟
الموتور - خبط المطبات و العفشة و العجل - الهوا و التصفير مع السرعات العالية - الضوضاء الخارجية زي الكلاكسات و دوشة اللي حواليك ... ؟! ياريت تتكلم بالتفصيل
التسقيف و الكركرة صوت بيصدر من الموتور و خصوصاً لما تكون حاطط بنزين اقل جودة ( أوكتان ) من المطلوب ، و كمان لما تيجي تطلع مطلع و بسرعة بطيئة و الفتيس ع سرعة اكبر منها ، و ساعات لما تشغل التكييف و تطلع بالعربية من الثبات و انت رجلك خفيفة زيادة ع البنزين ، و ممكن لما ضبط توقيت الإشتعال مش صحيح ... المهم انه صوت تخبيط متتابع معروف .. بس اتمنى مايكونش بيحصل معاك ... !!!اقتباس:
المشاركة الأصلية كتبت بواسطة eyadm7mad44
عزل العربية بالنسبة للكلاكسات و الكلام دة كويس جدا
بيكون صوت هوا مع السرعات العالية
انا شايف ان العزل بين الجيد جدا و الممتاز و دة كويس
موضوع التسقيف و الكركرة مظنش انة موجود لانة لو موجود يكون موجود علي طول و دة مايحصل معاية
معني التسقيف و الكركرة أن العربية لو مشت علي السلانسي تقطع ؟ صح ؟
لأ .. مش بالظبطاقتباس:
المشاركة الأصلية كتبت بواسطة eyadm7mad44
هو بيكون صوت تكتكة متتابعة من الموتور ف المواقف اللي قولتلك عليها
لكن مقولتليش اخبار الإستبن و مقاسه ايه بالظبط ؟
و هي انتاج سنة كام ؟ لأن الشكل الجديد بينتج ف انجلترا من 2014
و ياريت لو تنصحوني يا جماعة لما اشتريها ان شاء الله اجيب الإكسسوارات بتاعتها منين ؟
فرش ( مش جلد ) - غطا من برة ويكون ايه ( جلد بسوستة ولا قماش ) - ستاير ( مش ثابتة ) - عاوز كمان أركب صدادات أو دفندرات ستانلس ورا و قدام اروح عند مين و فين - منتظر اجاباتك يا باشا .. :)
هقول لحضرتك معلومه بسيطه
معظم العربيات التقفيل الاوربي و التقفيل الانجليزي
بيكون فيها حاجه اسمها
5 % road noise
بيكونوا متعمدين يعملوها علشان احساس السواق بالطريق
وانه ما ينامش يعني وهو سايق او يتشتت عن الطريق
وصوت الهوا ال حضرتك بتحسه , نتيجه لعلو العربيه عن الارض , وكبر حجم المرايات وقربها من الباب و الزجاج الجانبي
والله اعلم
ومستني رد حضرتك بخصوص التفويله بتعمل كام كيلوا متوسط مع حضرتك ؟؟
أستاذ حمادة مش عارف حضرتك شوفت ردي عليك في موضوع الاستبن ولا لأ....بس لا تقلق منه إطلاقاًاقتباس:
المشاركة الأصلية كتبت بواسطة Hamada Basha
ده رابط المشاركة:
http://www.nilemotors.net/Nile/3875911655-post41.html
العزل بتاعها كويس ولا في دوشة في الكابينة وحضرتك قافل الزجاج
اقتباس:
المشاركة الأصلية كتبت بواسطة nadernabil
ماشي يا باشا ،
بس اعتقد الكلام ده لو ح اغير الأربع عجلات اللي ع الأرض مع بعض
مش احط واحد بمقاس مختلف مع تلاتة ع الأرض .. ولا اييييه !!
ياريت تشوف المصدر بتاعك بيتكلم ع انهي حالة بالظبط .
ملاك القاشكاي الاعزاء
هي 2015 فيها جهاز انذار ضد السرقة ولا ايموبيلايزر بس ؟!
و لو مفيش حد ركب انذار ؟؟ و ايه الافضل ؟؟