الموضوع: حد يغرف سر قرمشة بطاطس ماكدونال؟؟؟

المشاركة الأصلية كتبت بواسطة yuong313

بالفعل بطاطس ماكدونالدز هي افضل منتج بيبيعه وافضل من من الساندويتاشت بتاعته
وهي الحافز ليا في زيارته دائما
بس لاحظت ان بمجرد ما البطاطس بتبرد بيكون طعمها وحش واتغيرت تماما ورجعت مجمدة ومالهاش طعم

بالنسبة للناس اللي قالت انها بطاطس فارس فريتس لاعتقد لاننا بنشتري في البيت بطاطس فارم فريتس وبتبقي البطاطس شاربة زيت كتير جدا وبتبقي فاضية من جوه وشكلها مقرمش ومش ربع طعم ماكدونالدز لان ماك مابتحسش بطعم الزيت فيها بصراحة واعتقد اول حاجة بنعملها كلنا في ماك هو اكل البطاطس قبل البرجر نفسه

معلش انااسف بس سيادتك غلطان عشان انا شوفت الاكياس بنفسى فارم فريتس مصنعة خصيصا لماك و البرجر كمان فرج الله مصنع خصيصا لماك و العيش ريتش باك مصنع خصيصا لماك
الحاجات دى على خط انتاج منفصل بمواصفات تصنيع خاصة سرية عشان دا سر الصناعة جوا المصانع دى تحت اشراف ماك نفسه مش للبيع للجمهور
اقرب حاجة تقدر توصلها هى القلى بالغمر ثم التجميد و هكذا و فى الاخر مش مستهلة التعب و مش هاتطلع هيا هيا
بشكل عام انا لاانصح خالص باكل ماكولات سريعة لما فيها من اضرار او حتى مقلية فى البيت
كلنا رايحيين فى ستين داهية بسبب نوعيات الاكل دى و طريقى العيشة الغلط من السهر و القهوة و و
ربنا يرحمنا

المشاركة الأصلية كتبت بواسطة hugan

ولا مخصوص ولا نيله انت في مصر
بطاطس فارم فريتس نصف مقليه
علي فكره 2 اخوات في المعادي عاملين مطعم اسمه بطاطسيكو
بطاطس صوابع في عيش بلدي ودقه فلفل اخضر
زحمه موت
احسن من بطاطس ماك

أم أشرف :)
مفيش حد فى المنطقة دى ميعرفش مين ام اشرف المحل ده تاريخ واجيال كلت منه هناك