انا بروح ماكدونال جماعة اكتر حاجة بتعجبنى بطاطس بتاعتههم بيعملوها ولاد الاية حلوة ومقرمشة اوى
نفسى ازاى بيعملوها كدة والغريب ان الصوابع متساوية كلها في السمك والطول !!
عرض للطباعة
انا بروح ماكدونال جماعة اكتر حاجة بتعجبنى بطاطس بتاعتههم بيعملوها ولاد الاية حلوة ومقرمشة اوى
نفسى ازاى بيعملوها كدة والغريب ان الصوابع متساوية كلها في السمك والطول !!
بالنسبه ان الصوابع متساويه فده لانه غالباً بيستخدم بطاطس فارم فريتس
علي ما اعرف
البطاطس اللي بيستخدمها بتتزرع ليه مخصوص هوه و burger king
وهي نوع من انواع البطاطس المخصصه لتصنيع الشيبسي
بتقلى أوليا فى أمريكا ويتحط عليها طبقة شحم وتجمد وتشحن للفروع فى كل العالم للقلى بزيت نباتى .... وفيه كلام ان الشحم اللى عليها بيقى دهن خنزير لأنه سميك بيحافظ ع البطاطس ورخيص
ده نوع من البطاطس اسمه البطاطس الحمرا و دي افضل للقلي و البطاطس البيضا افضل للطبخ و الاتنبن بيتزرعوا في مصر…
حوار دهن الخنزير ده سمعت عنه من زمان و مفيش اثبات عليه…
اعتقد والله اعلم انها فارم فريتس نص مقلية
جيب فارم فريتز الرفيعة و اقليها في زيت عباد شمس, بتبقى مقرمشة و جميلة
انا كنت شغال في ماك فرع المعادي البطاطس فارم فريتس عبوة 2 ونص كيلو
هو مبدئيا اسمه ماكدونالدز ..... أو ماك ....... انما مش ماكدونال خالص
في انواع مخصوصة من البطاطس للشبسي
زى ما MaZaGAngeE قال هى البطاطس الحمرا دور عليها هى مش سهل تلاقيها بس هى فعلا بتبقا مقرمشة كدا لوحدها مش زى البطاطس العادية خالص ..
ولا مخصوص ولا نيله انت في مصر
بطاطس فارم فريتس نصف مقليه
علي فكره 2 اخوات في المعادي عاملين مطعم اسمه بطاطسيكو
بطاطس صوابع في عيش بلدي ودقه فلفل اخضر
زحمه موت
احسن من بطاطس ماك
البطاطس الحمرا دي موجودة فين في السعودية
الي عنده معلومه ,,,, لاني مش فاكره اني شوفت بطاطس حمرا
اقليها فى الزيت نص قليه وبعدين طلعها وحطها فى الفريزر
وبعدين تطلعها تانى بعد التجميد من الفريزر وحطها فى زيت سخن وهى مجمده حتبقى احسن من ماكدونالدز
هو دا الكلام المظبوط للحصول على اقرب طعم . لاحظ كلمة اقرب و ليس مطابق
بالنسبة للحوار بتاع دهن الخنزير و الكلام دا طبعا مش صحيح على الاصلاق زى حوار بيبسى و مادة الخنزير اللى فيه
ملحوظة على جنب: بيبسى غير كوكا فى الطعم و كل واحد ليه خلطته و سره الصناعى
كان ماك اقل من زمان على الاقل فى دول الخليج
اللى انا اعرفه و متأكد منه بنسبة 99% ان كل محلات الاكل العالمية دى ليها خط انتاج مخصوص فى المصانع الموردة
بمعنى البرجر دا برجر فرج الله و العيش ريتش باك و البطاطس فارم فريتس بس معمول على خط انتاج مخصوص ملتزم بمعايير ماك عالميا و بمواصفات المنتج و من مزارع متعاقد معاها حصريا بمواصفات معينة للانتاج
ماك بيبيع بملايين شهريا و اى مصنع من دول بالنسباله دا مصدر دخل مضمون
بالنسبة لكنتاكى . الخلطة بتيجى استيراد مقفولة عشان دا سر الصناعة
فى محوالات عديدة على المنتدى الحريمى المعروف لمحاولة تقليد كل الاكلات المعروفة دى للى عايز يجرب
انا شخصا مقتنع ان لو كان اكل البيت زى بره كان بره اقفل و ان كنت اتحفظ بشدة على كل الاكل ده للضرره الشديد على الصحة عشان مشبع دهون مضرة و ملوش اى تلاتين لازمة
فعلا استاذ شريف كل منتج من العصاير والالبان واللحوم والبطاطس مكتوب مصنع خصيصا لماكدونالدز
حوار لحم الخنزير ده مش منطقى لانه ببساطة ماكدونالد يهودى
انا عرفت المعلومة دى لان انا وزميلى كنا فى امريكا بناخد كورس هناك وكنا تعبنا جدا على ما لقينا محل مسلم ناكل فيه وكانت المسافة بعيدة جدا عن مكان الكورس. وفى يوم ركبنا تاكس مع سواق صومالى وقالنا ممكن تاكلو من اى فرع لمطعم ماكدونالد لانه ما بيتعاملش مع منتجات لحم الخنزير لانه يهودى والله اعلم
البطاطس فارم فريتس .وفي البيت بيقى طعمها أحلها علشان الزيت بيكون انظف
موضوع خلطة ماك في البطاطس ده مش حاسس بيه خالص.......
لو انت فى امريكا او اى بلد و محتار دور على اى مطعم تركى
يعنى جماعة سر قرمشة بطاطس اية برضة محدش جاب الخلاصة ومن الاخر والكلام الأكيد
هل سر انها بطاطس حمرة؟
ولا انها بطاطس معمولة مخصوص لمحلات الماكدونل
ولا سر صنعة في الطبخة نفسها
ولا هية بطاطاس عادية جدا فارم فرتيس وخلاص.
ما حد يجبلنا من الاخر جدعان في الموضوع دة
لما تحب كلامك يكتسب أهمية إضرب كلمة خنزير أو كحول فى أى جملة حتى لو معاكش دليل .
أى هرى و خلاص .
العضو بتاع الخنزير جاب منين الكلام ده و كمان الموضوع من الأساس عن البطاطس مش البرجر .
ياباشا اللي انا شوفته وهما بيقلوها هنا في السعودية بطاطس نص مقليه بيفضي الكيس كله بس لازم يكون الزيت زيت قلي وتحمير ودرجة حرارته عاليه جدا جدا وبيستخدمو حاجة زي الشبكة في التقليب والقلي
فصلتوني ضحك ......
انا بقترح نعمل قسم للطبيخ في منتدي نايل موتورز :)
البطاطس تتسلق الاول و بعدبن تتقلي. او تتقلي نص قلية و بعدين تتجمد و تتحط من الفريزر عالزيت. الوصفتين دول حيخلوها مقرمشة من برة و طرية من جوه
و فعلا صعب قوي تاكل في فروع ماك في اي دول غير اسلامية اولا لان االلحم مش مدبوح حلال. ده لو كان مدبوح اصلا. ثانيا لحم الخنزير . Ham و البسطرمة بتاعته beacon. هما المسيطرين على البرجر. علشان كده اسمه هامبرجر. انت شطارتك بقى تدور على بيف برجر و من غير beacon او سمك او فراخ و تريح دماغك
يا جماعة ياريت تبصوا علي الموضوع دا بخصوص البطاطس.
http://www.nilemotors.net/Nile/471169-a.html
بطاطس ماك تحفه اما دهن الخنزير الله واعلم وبعدين ياراجل هوا في حاجه في بلدك مبتضربش والله العظيم عندنا اثنين واحد منهم عنده كام محل بيضرب اللبن مياه عشان يكسب فيه واحد مبيسبش فرض والتاني شيخ وكل الي شغالين عنده بتوع ربنا
وليا واحد صاحبي كان شغال في محل حلواني في مصر الجديده مشهور يقولي الخامات مستورده ويعملك فيلم واسعار نار وهوا بيجيب من السوبر ماركت والي يجننك كلهم شيوخ ويقفل ساعة الاذان ومبيشغلش مسيحين او حد مبيصليش ياراجل مفيش حد عنده ضمير