هو الراجل قالنا بالظبط ان الانجكشن بتاع العربية مقفول عند 165 و مكن فى صيانة الالف لو عايز يبقى مفتوح على الاخر يفتحوه فى مركز الصيانة
عرض للطباعة
هو الراجل قالنا بالظبط ان الانجكشن بتاع العربية مقفول عند 165 و مكن فى صيانة الالف لو عايز يبقى مفتوح على الاخر يفتحوه فى مركز الصيانة
ويا ترى الكلام دا صح ولا لعب برده فى الودان
اعتقد انه لعب فى الودان
استاذ احمد حسن
حضرتك فى الموضوع كاتب عن تجربتك
طيب رأى حضرتك ايه فى تجميع العربية مع الاتوماتيك؟
يعنى بتاخد وقت و لا الاستجابة سريعة, و ما هى اقصى سرعة جبتها بها ساعتها؟
هو معاه اى موديل من العربية, المانيوال و لا الاتوماتيك؟اقتباس:
المشاركة الأصلية كتبت بواسطة dido
و دى نمرة حضرتك و لا نمرته؟
هو معاه الأتوماتيك ودى نمرتى أنا
معاذ..انا كنت بجرب عربيه من المعرض و كنت جوه البلد... بس التجميع كان ممتاز في السرعات البطيئه.. معرفش في السفر عامله ايه و ايه اقصى سرعه ليها
ده تقييم العربية على whatcar.com, و هو لسه نازل من كام يوم بس
تقييمها مش عالى, و لفت انتباهى كذا حاجة
1- تعليقهم على الجير بوكس
2- تعليقهم على الباور
3- تعليقهم على العفشة
ده الرابط, و يا ريت نعرف تعليقاتكم
http://www.whatcar.com/car-review-full.aspx?RT=2771
طبعا لسه مفيش اى User reviews على الموقع لأن العربية جديدة هناك, و طبقا للموقع تمنها مغالى فيه فى انجلترا
بص يا عم معاذ الكلام بتاعهم whatcar.com ده جاب الخلاصه .... العربيه دي عربيه عائلية واسعه جدا وعمليه جدا ومناسبه للاسر الصغيره اللي عايزه تعيش بطريقه مختلفه. (مثلا في الرحلات .. تقدر تشيل فيها كل مستلزماتك وتبقى مستريح والجو ظريف)
لكنها ليست سياره ذات أداء رياضي .. يعني مش ها تعرف تجري بيها و تنطلق ذي شباب مارينا اللي راكبين اللانسر و ال A5 3 وعقدوني على الصحراوي امبارح منهم لله شغالين غرز على 160 و اكتر ...
وفي نفس الوقت هي عربيه مدينه اقتصادي وسهله في المناوره والركنه و و و
بس العيوب كمان
+ سعر اعادة بيع متوقع انه هيبقى ضايع
+ عدم الانتشار بيقول ان قطع الغيار والصيانه مرتبطه بالوكيل (رغم انه كويس ) بس برضه في كلا الا حوال مرتبط تبقى تحت رحمته.
+ مش برستيج قوي ...... يعني الكورولا برستيجها اعلى بكتير
+ عربيه مش رخيصه
يعني بصراحه لو عاجباك فكره ال MPV يبقى الماتركس تكسب............... واقولك ازاي
+ارخص بحوالي 20000 ده لو مانيوال (قول 13000 بعد تركيب كاسيت وانذار و جنوط نواكل وV.cool وكل الاكسسوارات اللي نفسك فيها)
+ نفس المساحة الداخليه بس طبعا الما تيريا اشيك شويتين
+ منتشره ومطلوبه في سوق المستعمل
+ قطع غيار ارخص
+ بعد انتهاء الضمان تقدر تتعامل مع اي حد يعني صيانتها سهله وقطع الغيار تلاقيها بره التوكيل بسهوله.
انا بفكر معاك بصوت عالي قولي بقه انت ايه رأيك
الماتريكس كانت فى الاختيار, بس مش مستريحلها
هنتكلم على العيوب
بالنسبة لنا, البيع هيبقى بعد 5 سنين على اقل تقدير, ساعتها العربيات بتتساوى الى حد كبيراقتباس:
سعر اعادة بيع متوقع انه هيبقى ضايع
طول ما انا فى فترة الضمان, فأنا هعمل صيانة عنده علشان افضل محافظ على العربيةاقتباس:
عدم الانتشار بيقول ان قطع الغيار والصيانه مرتبطه بالوكيل (رغم انه كويس ) بس برضه في كلا الا حوال مرتبط تبقى تحت رحمته
فى البولو دى, فضلت مع التوكيل لحد 185 الف كيلو
البرستيج مش مطلوب بالنسبة لنا, بقدر عربية عملية تاخد العيلة و يكون الكل مستريحاقتباس:
مش برستيج قوي ...... يعني الكورولا برستيجها اعلى بكتير
هى طبعا مش رخيصة, بس للاسف فى الفئة دى, الاختيارات تكاد تكون معدومةاقتباس:
عربيه مش رخيصه
حط فى اعتبارك ان العربية الماتريكس مفهاش حاجة من اللى فى الماتيريا, زى الايرباج, ال ABS, الجنوط, السى دى بلاير و جودة التقفيل شايفها اعلى من الماتريكساقتباس:
ارخص بحوالي 20000 ده لو مانيوال (قول 13000 بعد تركيب كاسيت وانذار و جنوط نواكل وV.cool وكل الاكسسوارات اللي نفسك فيها)
و الله انا شايف الماتيريا اوسع من الماتريكس, و لا انت ايه رأيك؟اقتباس:
نفس المساحة الداخليه بس طبعا الما تيريا اشيك شويتين
اكيد دى فى صالح الماتريكساقتباس:
+ منتشره ومطلوبه في سوق المستعمل
+ قطع غيار ارخص
ضمان الماتريكس قليل, و زى ما قلت لك قبل كده, انا هفضل مع التوكيل لفترة مش قليلة علشان كده الموضوع ده مش بياثر اوى على قرارىاقتباس:
بعد انتهاء الضمان تقدر تتعامل مع اي حد يعني صيانتها سهله وقطع الغيار تلاقيها بره التوكيل بسهوله
انت شايف ايه؟
لو سمحتوا ليا اقول رأيى
اعتقد انه حرام تقارنوا ماتريكس بالماتيريا
دى يا بنى بتاة بلادها ودى كورى تقفيل مصرى
دى شكلها تحفة بكل المقاييس والتنية شبه المكواة(طبعا دا ذوقى انى ورأيى الشخصى واللى طبعا ممكن اقبل الاختلاف فيه)
حاجة اخيرة
انا شايف انها برستيج اعلى من الكوروللا ومعلش حختلف معاكم
:idea: :idea: :idea: :idea: :idea: