العربية هتجننى

**shady_a.alaziz** · 26-03-2015 12:41 AM

السلام عليكم .. انا اشتريت من شهر ونص تقريبا سينيك موديل 2001 وعلى كلام صاحب العربية انها فابريقة بره وجوه بس للاسف مش كده خالص المهم انا لما اشتريتها غيرت فلاتر وبوجيهات وحطيت زيت شل وخدتها ومشيت .. يومين بالظبط وعطلت على الدائرى خدتها للميكانيكى وقالى صبابات والاحسن تغير وش السلندر وبالفعل غيرت وش السلندر وكله تمام ومشيت شوية تانى وابدت تكتم وتبطل وخصوصا ساعة الصبح ادور وتكتم وتبطل وروحت للميكانيكى قالى حطها على الجهاز علشان ممكن تكون مشكلة فى حساس الشكمان وبعد الكشف طلع مفيش مشكلة غيرت حساس الكرنك وقلب طلمبة البنزين وبرضه المشكلة فضلت موجودة وكمان استهلاك البنزين عالى جدا واخيرا كشفت على علبة البيئة وغيرتها وحطيت السائل اللى بيتباع فى البنزينة اللى بينظف الرشاشات وبرضه لسه المشكلة موجودة ومش لاقي لها حل ... اسف على الاطالة بس بالله عليكم اللى عنده معلومة ميبخلش عليا وشكرا

**boeing787** · 26-03-2015 01:30 AM

انصحك تروح صقر قريش وممكن للمصطفي وفي هناك ناس بتفهم جدا ووارد يكون مشكلة في طرمبة البزين ككل مش قلبها بس وممكن فيشة الطرمبة او مشكلة في كهرباء السيارة

**shady_a.alaziz** · 26-03-2015 01:34 AM

والله انا سيبتها فى صقر عند ميكانيكى هناك اسمه رضا كان شغال مع عادل زوايا وفتح ورشة لوحده ربنا يسهل ان اشاء الله والاقى حل

**boeing787** · 26-03-2015 01:46 AM

روح لمصطفي فهمي هيحللك المشكلة انشالله ولو عاوز تريح دماغك روح التوكيل بس غالي شوية

**Hany Saad** · 26-03-2015 07:06 AM

غالباً الميكانيكى اللى غيرلك الصبابات مش قد كده و هتلاقى سير التقسيمة فيه سنه مرحله علشان كده العربية مبرجلة معاك
محتاج حد يراجع الشغل ده تانى

تحياتى

**M.Radwan** · 26-03-2015 08:55 AM

أولا: انت غلطان انك مكشفتش على العربية قبل الشراء
ثانيا: زي ما قال الزملاء واضح إن في عك في الشغل اللى اتعمل قبل كده..فيفضل تروح لحد بيفهم عشان الحوار ميطولش معاك..وإن شاء الله مشاكلها تتحل وتستمتع بيها