السلام عليكم ورحمة الله وبركاته

أولا انا سعيد جدا بانى لما اخترت حد يعنى اخترت اعضاء ورجالة الموقع دا
ثانيا انا راجل بدات حياتى فى امتلاك السيارات ب 3 سيارات وذلك بفضل الله
أولهم الفيرنا كانت عربيه فى بداية التجارب فى وقتها جيده جدا للغاية كفاية قوة موتورها
ثانيهم الشيفروليه الأوبترا عربيه محترمه جدا وثابته على الطريق والكلاسيكيه فيها
ثالثهم الهيونادى إلنترا عربيه تحس انها زى البت الجدعه تستحملك و ممتازة

دلوقتى انا زهت من السيدان وعايز عربيه الحجم الكبير
وفى الوقت اللى احنا فيه دا فؤجت بإنتشار تدريجى في 2014 للفئة دى من العربيات احتى انتشرت انتشار شبه كامل فى 2015 كانها هى موضة السنه او الفترة دى
انا هجيب كمان شهر بأمر الله يا كيا سبورتاج يا الهيونداي i35
ترشحولى انهى منهم بالظبط سواء معاملة توكيل او امكانيات او حتى انهى اوسع مع العلم ان السبورتاج سعرها بادئ اعلى بكتير من الهيونداي ،، السبورتاج تحس انها كنزة عن الهيونادى شاكلها افخم و اعلى عن الارض من السبورتاج بس اسمع ان السبورتاج امكانيتها وتوكلها احسن


بلاش حد يقولى السوبارو او النيسان رغم انا بحترمهم بس الفكرة انا مش مستعد ادخل مغامرة فى شرائهم وخاصة من ناحية قطع الغيار او التوكيل او اعادة البيع


استفسار جانبي
1/ انهى فيهم ينفع فيهم اتنى الكنبه اللى ورا ودا لو عايز انقل فيها حاجات طويلة فى الطول والعرض
2/ انهي فيهم يشيل عدد افراد اكتر وبراحة من غير زنقه

دي أول تجربة ليا فى الموقع اتمنى انى الاقي حد يفيدنى ويشجعنى
كامل تحياتى ،،